ប្រភពព័ត៌មានសន្តិសុខមួយអះអាងកាលពីថ្ងៃទី១០ កញ្ញា ថា ក្បួនរថយន្តមួយខ្សែមានរថយន្ត១២គ្រឿងដែលដឹកសាច់ញាតិរបស់អតីតមេដឹកនាំលីប៊ីលោកមូអាម៉ា កាដាហ្វី បានទៅដល់ទីក្រុងអាហ្គាដេស កាលពីថ្ងៃទី៩ កញ្ញា អមការពារដោយកងយោធានីហ្សេ។
ប្រភពនេះបន្តថា រថយន្តចំនួន១២គ្រឿងដែលដឹកសាច់ញាតិលោកកាដាហ្វី បានទៅដល់ទីក្រុងអាហ្គាដេសភាគខាងជើងនីហ្សេកាលពីថ្ងៃទី៩ កញ្ញា អមការពារដោយកងទាហាននីហ្សេ។ ប្រភពនេះពុំបានបញ្ជាក់ពីអត្តសញ្ញាណបណ្តាមនុស្សស្ថិតក្នុងក្បួនរថយន្តនេះឡើយ។
សាក្សីម្នាក់អះអាងប្រាប់ AFP ថា មានរថយន្ត១២គ្រឿងបានបើកតាមផ្លូវថ្នល់អារលីក (ភាគខាងជើងក្រុងអាហ្គាដេសជិតអាល់ហ្សេរី និងលីប៊ី) ហើយរថយន្តទាំងនេះអមការពារដោយពួកយោធា។
កាលពីថ្ងៃទី៨ កញ្ញា កន្លងមកនេះឧត្តមសេនីយ៍ស្និទ្ធលោកកាដាហ្វី៣នាក់ ក្នុងនោះរួមមានអតីតប្រមុខកងទ័ពអាកាសបានទៅដល់ទីក្រុងអាហ្គាដេស ហើយស្ថិតក្រោមការឃ្លាំមើលរបស់កងទ័ព។ យោងតាមរដ្ឋមន្ត្រីក្រសួងយុត្តិធម៌អាល់ហ្សេ និងជាអ្នកនាំពាក្យរដ្ឋាភិបាល លោកម៉ារូ អាម៉ាត ថា នោះគឺឧត្តមសេនីយ៍អាល់ រ៉ាហ្វី អាលី អាល់សារីហ្វ ប្រមុខកងទ័ពអាកាសលីប៊ី មុនការដួលរលំនៃរបបលោកកាដាហ្វី ឧត្តមសេនីយ៍អាលីខាណា នៃកងឆ្មាំអង្គរក្សលោកកាដាហ្វី និងប្រមុខកងទ័ពលីប៊ីនៅអូបារីភាគខាងត្បូងលីប៊ី និងឧត្តមសេនីយ៍មហាម៉េដ អាប៊ីវាល់ការេម នៃទីបញ្ាការយោធភូមិភាគ MURZUK នាចុងខាងត្បូងលីប៊ី។
ប្រទេសនីហ្សេអះអាងថា ខ្លួននឹងគោរពការសន្យានានាចំពោះច្បាប់អន្តរជាតិដែលទាក់ទិនដល់ពួកស្និទ្ធលោកកាដាហ្វី ដែលគេតាមរកចាប់ខ្លួន ហើយមានវត្តមានក្នុងដែនដីនីហ្សេ៕
ចែករំលែកព័តមាននេះ