ប្រទេសស្វ៊ីសជាតំបន់ដែលមានសក្តានុពលក្នុងការប្រកួតប្រជែងផ្នែកសេដ្ឋកិច្ចខ្ពស់បំផុតបច្ចុប្បន្ន ដោយចាត់ទុកថា ជាសក្តានុពលក្នុងការប្រកួតប្រជែងរបស់ប្រទេសផ្សេងៗចំនួន១៤២ប្រទេសនៅលើពិភពលោកប្រចាំឆ្នាំ២០១១-២០១២។
ប្រទេសស្វ៊ីសជាតំបន់ដែលមានសក្តានុពលក្នុងការប្រកួតប្រជែងផ្នែកសេដ្ឋកិច្ចខ្ពស់បំផុតបច្ចុប្បន្ន ដោយចាត់ទុកថា ជាសក្តានុពលក្នុងការប្រកួតប្រជែងរបស់ប្រទេសផ្សេងៗចំនួន១៤២ប្រទេសនៅលើពិភពលោកប្រចាំឆ្នាំ២០១១-២០១២។
នៅក្នុងរបាយការណ៍របស់ស្ថាប័នវើលអេកូណូមិកហ្វ័ររ៉ុម (World Economic Forum) បានផ្សព្វផ្សាយរបាយការណ៍ Global Competitveness Index ២០១១-២០១២ ឱ្យដឹងថា ប្រទេសស្វ៊ីស គឺជាប្រទេសដែលមានសក្តានុពលក្នុងការប្រកួតប្រជែងខ្ពស់នៅលើពិភពលោកជាថ្មីម្តងទៀត ក្រោយពីធ្លាប់គ្រប់គ្រងលំដាប់ទី១ ចំនួនមួយលើកកាលពីមុននេះ។
ការស្រាវជ្រាវឃើញថា ប្រទេសស្វ៊ីសទទួលបានពិន្ទុចំនួន៥,៧៤ បន្ទាប់មកគឺប្រទេសសិង្ហបុរីស្ថិតនៅលំដាប់ទី២ មាន៥,៦៣ពិន្ទុនិងស៊ុយអែតនៅលំដាប់ទី៣មាន៥,៦១ពិន្ទុ។ សម្រាប់ប្រទេសផ្សេងទៀត ដែលស្ថិតនៅលំដាប់ពីទី៤ដល់ទី១០ក្នុងឆ្នាំនេះ រួមមានប្រទេសហ្វាំងឡង់ សហរដ្ឋអាមេរិក អាល្លឺម៉ង់ ហូឡង់ ដាណឺម៉ាក ជប៉ុន និងអង់គ្លេស។ ចំណែកប្រទេសថៃស្ថិតក្នុងលំដាប់ថ្នាក់ទី៣៩ ធ្លាក់ចុះពីលំដាប់មុនចំនួនមួយកម្រិតដោយក្នុងរបាយការណ៍បញ្ជាក់ឱ្យដឹងថា ថៃបានទទួលពិន្ទុក្នុងកម្រិត៤,៥២ ច្រើនជាងប្រទេសទុយនីស៊ីស្ថិតនៅលំដាប់ទី៤០ ដោយមានពិន្ទុ៤,៤៧។
ប្រសិនបើពិចារណាតែនៅទ្វីបអាស៊ីឃើញថា ប្រទេសសិង្ហបុរីជាប្រទេសមានសក្តានុពលក្នុងការប្រកួតប្រជែងខ្ពស់បំផុតនៅក្នុងភូមិភាគបន្ទាប់មកគឺប្រទេសជប៉ុន ហុងកុង តៃវ៉ាន់ កាតា អារ៉ាប៊ីសាអ៊ូឌីត និងថៃស្ថិតនៅលំដាប់ទី១៥ ក្នុងអាស៊ី និងលំដាប់ទី៤ នៅអាស៊ាន។ ស្របពេលជាមួយគ្នានេះ ប្រទេសដែលមានសក្តានុពលក្នុងការប្រកួតប្រជែងផ្នែកសេដ្ឋកិច្ចទាបបំផុតនៅលើពិភពលោកតាមរបាយការណ៍គឺប្រទេសឆាដ នៅទ្វីអាហ្វ្រិកស្ថិតនៅលំដាប់ទី១៤២មានចំនួន២,៨៧ពិន្ទុ បន្ទាប់មកគឺប្រទេសហៃទី ប៊ូរុនឌី អង់ហ្គោឡា និងយេម៉េនដោយស្ថិតក្នុងលំដាប់ពី១៤១ដល់១៣៨ តាមលំដាប់៕
ចែករំលែកព័តមាននេះ