ខេត្តប៉ៃលិន ៖ បុរសម្នាក់ឈ្មោះណិប វណ្ណា អាយុ៣៥ឆ្នាំ នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ត្រូវបុរសឈ្មោះមាស គង់ អាយុប្រហែល៤៨ឆ្នាំ ជាមន្ត្រីយោធា រស់នៅភូមិជាមួយគ្នា បើករថយន្តម៉ាកវីហ្គោ បុករថយន្តម៉ាកកាមរីឆ្លាមស៊េរី៩៨ ពាក់ស្លាកលេខភ្នំពេញ២G៣៩៨៤ ខណៈកំពុងតែធ្វើដំណើរតាមផ្លូវបណ្តាលឱ្យបែកកាងផ្នែកខាងស្តាំ
ខេត្តប៉ៃលិន ៖ បុរសម្នាក់ឈ្មោះណិប វណ្ណា អាយុ៣៥ឆ្នាំ នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ត្រូវបុរសឈ្មោះមាស គង់ អាយុប្រហែល៤៨ឆ្នាំ ជាមន្ត្រីយោធា រស់នៅភូមិជាមួយគ្នា បើករថយន្តម៉ាកវីហ្គោ បុករថយន្តម៉ាកកាមរីឆ្លាមស៊េរី៩៨ ពាក់ស្លាកលេខភ្នំពេញ២G៣៩៨៤ ខណៈកំពុងតែធ្វើដំណើរតាមផ្លូវបណ្តាលឱ្យបែកកាងផ្នែកខាងស្តាំ ព្រមទាំងចុះមកទាញយកកាំភ្លើងខ្លីបាញ់ចំនួន២ ក្រាប់បញ្ឆិតខ្លួន និងវាយគល់ថ្គាល់មួយដៃពេញទំហឹងទៀតផង។ ហេតុការណ៍នេះកើតឡើងនៅភូមិអូររអិល ឃុំស្ទឹងកាច់ ស្រុកសាលាក្រៅ វេលាម៉ោង៧ និង៣០នាទីយប់ ថ្ងៃទី៦ កញ្ញា ២០១១។
លោកណិប វណ្ណា និយាយថា មុនដំបូងមន្ត្រីយោធារូបនោះបើករថយន្តម៉ាកវីហ្គោ មកកៀរមិត្តភក្តិរបស់លោកដែលកំពុងតែជិះម៉ូតូវីវ៉ាពណ៌ខ្មៅ ឈ្មោះខៀវ សីុណាត អាយុ៣៤ឆ្នាំ ជាយោធាក្រុងប៉ៃលិននៅត្រង់ចំណុចមុខហាងពេញចិត្តភូមិអូរតាពុកលើ សង្កាត់ប៉ៃលិន វេលាម៉ោង១៧។ ឃើញដូចនេះ មិត្តភក្តិរបស់លោកផ្តួលម៉ូតូលោតចូលទៅក្នុងប្រឡាយទឹក។ បន្ទាប់មកមន្ត្រីយោធារូបនោះថយរថយន្តមកស្តីបន្ទោសថា «ចង់ស្លាប់ឬអី»។ ប្រហែលជា១០នាទីក្រោយមកមិត្តភក្តិរបស់លោកលើកម៉ូតូ ជិះបន្ត លុះប្រហែលជា១០០ម៉ែត្រឈប់ហៅទូរស័ព្ទស្រាប់តែមន្ត្រីយោធារូបនោះបើករថយន្តមកឈប់ប្រាប់ថា «តើទូរស័ព្ទហៅគ្នាមកសងសឹកឬអី?»។
លោកណិប វណ្ណា បន្តទៀតថា លោកបានធ្វើដំណើរដោយរថយន្តកាមរីឆ្លាមចេញពីផ្សារព្រំសំដៅទីរួមខេត្តប៉ៃលិន ហើយបើករថយន្តវ៉ារថយន្តមួយគ្រឿងម៉ាក Vigo ដែលនៅខាងមុខ ព្រោះបើកយឺតៗ។ ពេលបើកវ៉ាបានប្រហែល១៥០ម៉ែត្រ ស្រាប់តែរថយន្ត Vigo បើកវ៉ារថយន្តរបស់លោកវិញ ហើយឃើញដូច្នេះលោកក៏បន្ថយល្បឿន ។ ពេលនោះរថយន្តវីហ្គោបត់ត្រឡប់ក្រោយ ហើយបើកយ៉ាងលឿនមកបុករថយន្តរបស់លោកបណ្តាលឱ្យបែកកាងខាងស្តាំ ព្រមទាំងម្ចាស់ចុះមកដកកាំភ្លើងខ្លីបាញ់បញ្ឆិតលោកចំនួនពីរគ្រាប់ និងវាយលោកមួយដៃត្រូវគល់ថ្គាមស្ទើរសន្លប់ ថែមទាំងគំរាមទៀតផង។ លោកបានសុំអង្វរកជននោះរហូតទាល់តែបើករថយន្តទៅបាត់ ។
បុរសម្ចាស់រថយន្តកាមរីឆ្លាមបានដាក់ពាក្យប្តឹងទៅព្រះរាជអាជ្ញាអមសាលាដំបូងខេត្ត ដើម្បីឱ្យជួយរកយុត្តិធម៌ក្នុងរឿងនេះ ដោយទាមទារឱ្យសងជំងឺចិត្តចំនួន២០លានរៀល ។
លោកជុំ សែនសទ្ធា ព្រះរាជអាជ្ញាអមសាលាដំបូងខេត្តមានប្រសាសន៍ឱ្យដឹងថា នៅព្រឹកថ្ងៃទី៧ កញ្ញា រូបលោកបានទទួលពាក្យបណ្តឹងពីបុរសរងគ្រោះ ហើយនឹងចេញដីកាកោះហៅនាយទាហាននោះមកសួរនាំ តើពិតជាមានហេតុការណ៍ដូចនោះមែនដែរឬទេ? បើពិតមែននោះនឹងត្រូវចាត់ការទៅតាមនីតិវិធីច្បាប់ ។ យើងមិនអាចសុំការបំភ្លឺបានទេ ពីលោកមាស គង់ ដែលជានាយទាហានជាប់ចោទ ៕
ចែករំលែកព័តមាននេះ