ប្រទេសចិននិយាយថា ខ្លួនបានរឹបអូសទំនិញខុសច្បាប់ដូចជា វីដេអូខុសច្បាប់ និងផលិតផលក្លែងក្លាយ ក្នុងយុទ្ធនាការបោសសំអាតរបស់ក្លែងក្លាយ និងអ្នកលួចចម្លងកម្មសិទ្ធិបញ្ញាបានចំនួន១៣លានដុល្លារកាលពីឆ្នាំកន្លងទៅ។
តាមទីភ្នាក់ងារព័ត៌មានស៊ីនហួ ចេញផ្សាយកាលពីថ្ងៃអាទិត្យ ទី៤ កញ្ញា ថា ហាងទំនិញចំនួន៦៦៣ដែលបានលួចផលិតទំនិញក្លែងក្លាយលក់ ក្នុងនោះមានឌីស្ករឿង ស៊ីឌីតន្ត្រី សៀវភៅ និងកម្មវិធី Solfware ត្រូវបានបិទទ្វារគិតចាប់ពីឆ្នាំមុនរហូតដល់ខែមិថុនា ឆ្នាំ២០១១។
ការចុះបង្ក្រាបលើការរំលោភកម្មសិទ្ធិបញ្ញាជាគន្លឹះយ៉ាងសំខាន់បំផុតតាមការទាមទាររបស់អ្នកជំនួញបរទេសក្នុងប្រទេសចិន។ ក្រុមពាណិជ្ជករនិយាយថា ឌីស្កចម្រៀងចម្លងខុសច្បាប់ ម៉ូដសម្លៀកបំពាក់ និងទំនិញខុសច្បាប់ផ្សេងៗក្នុងប្រទេសចិនបានធ្វើឲ្យម្ចាស់ផលិតផលបាត់បង់ប្រាក់រាប់ពាន់លានដុល្លារសម្រាប់ចំណូលប្រចាំឆ្នាំ៕
ចែករំលែកព័តមាននេះ