អតិផរណារបស់ប្រទេសកូរ៉េខាងត្បូងបានកើនឡើងខ្ពស់បំផុតក្នុងរយៈពេល៣ឆ្នាំ ដែលមានអត្រា៥,៣ភាគរយ ក្នុងខែសីហា ស្របពេលដែលតំលៃម្ហូបស្រស់ឡើងថ្លៃ បើទោះជារដ្ឋាភិបាលបានខិតខំគ្រប់គ្រងទប់ស្កាត់ការកើនឡើងតំលៃទំនិញក្តី ។ នេះបើតាមទិន្នន័យដែលបានបង្ហាញនៅថ្ងៃព្រហស្បតិ៍ ទី១ កញ្ញា។
តំលៃទំនិញ(CPI)ដែលបានលោតឡើងនោះត្រូវបានប្រកាសដោយការិយាល័យស្ថិតិ ជាតិកូរ៉េខាងត្បូងថា មានចំនួន៥,៦ភាគរយ ជា តួលេខខ្ពស់បំផុតដែលមិនធ្លាប់មានគិតចាប់ពីខែ សីហា ឆ្នាំ២០០៨មក។ ប្រសិនបើប្រៀធៀប ជាមួយខែកក្កដាដែលមានចំនួនតែ៤,៧ភាគរយ វាកើនឡើង១,១ភាគរយ។ វាជាអត្រាកើនឡើងអតិផរណាជាប់គ្នា៨ខែ ផ្ទុយពីគោលដៅរបស់ធនាគារកណ្តាលដែលបាន ព្យាករកំណត់អត្រាអតិផរណាមានចំនួនត្រឹម តែពី២ទៅ៤ភាគរយប៉ុណ្ណោះ ។
អត្រាតំលៃទំនិញCPI នៅប្រទេសកូរ៉េខាងត្បូងប្រចាំខែកើនឡើង០,៩ភាគរយក្នុងខែ សីហា ធៀបជាមួយការកើនឡើងតែ០,៧ភាគ រយកាលពីខែកក្កដា។ ចំណុចដែលធ្វើឲ្យមានអតិផរណា ដោយសារការប្រែប្រួលតំលៃប្រេងឥន្ទនៈតំលៃស្បៀង ដែលបានកើនឡើង៤ភាគរយក្នុងខែសីហា ធៀបជាមួយនាំមុន និង០,៣ភាគរយធៀបជាមួយខែកក្កដា។
ក្រសួងហិរញ្ញវត្ថុបានប្រយុទ្ធប្រឆាំងជាមួយអតិផរណា ធ្វើជាគោលនយោបាយអាទិភាពរបស់ខ្លួន ប៉ុន្តែតំលៃស្បៀងកើនឡើងខ្ពស់ជាងមុន ដោយសារភ្លៀងខ្លាំងក្នុងរដូវក្តៅ និងការកើនឡើងតំលៃប្រេងឥន្ធនៈពិភពលោក និងតំលៃទំនិញនានា ដែលធ្វើឲ្យរំខានដល់ការខំប្រឹងប្រែងរបស់ក្រសួង។ មន្ត្រីជាន់ខ្ពស់របស់ក្រសួងហិរញ្ញវត្ថុលោក Yoon Jong Won និយាយថា តំលៃកើនឡើងខ្ពស់ជាងការរំពឹងទុក បានលោតឡើងក្នុងខែសីហា ជាកក្តាមួយចំបងក្នុងការជំរុញឲ្យតំលៃកើនឡើងលើផលិតផលកសិកម្ម និងមាស ។
គាត់បន្តថា យើងសង្ឃឹមថាវានឹងធ្លាក់ចុះនៅត្រឹមប្រហែល៤ភាគរយ បន្ទាប់ពីថ្ងឈប់សម្រាកនាថ្ងៃទី១១ ទៅ១៣ កញ្ញា ព្រោះតំលៃបន្លែ និងផ្លែឈើប្រហែលនៅថេរ ម្យ៉ាងទៀតនាពេលថ្មីៗនេះតំលៃប្រេងក៏ធ្លាក់ចុះ។ ប្រទេសកូរ៉េបានចេញរបាយកាណ៍ស្តីពីការ ធ្លាក់ចុះនៃវិស័យពាណិជ្ជកម្មក្នុងខែសីហាដែរ ធៀបជាមួយខែមុន ដោយសារវាជាវិស្សមកាលរដូវក្តៅ និងការនាំចេញផលិតផលបច្ចេកវិទ្យាមានការថយចុះទៅកាន់ប្រទេសអភិវឌ្ឍន៍។ ស្ថានភាពបន្តនៃការធ្លាក់ចុះនៃសេដ្ឋកិច្ចអឺរ៉ុប និងសហរដ្ឋអាមេរិកបានធ្វើឲ្យមានភាពស្មុគស្មាញក្នុងការសំរេចចិត្តថាតើត្រូវដំឡើងអត្រា ការប្រាក់ដើម្បីគ្រប់គ្រងអតិផរណា។
អ្នកវិភាគរបស់ក្រុមហ៊ុនមូលបត្រ Mirae Asset លោក Park Hee Chan និយាយថា វាដូចជាខុសធម្មតាសំរាប់ធនាគារកណ្តាលក្នុង ការប្រតិកម្មលឿន ប៉ុន្តែវាប្រហែលជាអាចបង្ខំឲ្យអត្រាការប្រាក់កើនឡើងជាថ្មីម្តងទៀត សំរាប់ស្ថានការណ៍ស្ថិរភាពរបស់ពិភពម៉ាក្រូសេដ្ឋកិច្ចពិភពលោក។ ធនាគារកណ្តាលកូរ៉េក្នុងខែសីហា បានរក្សាអត្រាការប្រាក់ត្រឹម៣,២៥ភាគរយ សំរាប់រយៈពេល២ខែជាប់គ្នា ស្របពេលដែលភាពមិនច្បាស់លាស់នៃសេដ្ឋកិច្ចពិភពលោក៕
ចែករំលែកព័តមាននេះ