*ឆ្នាំ១៨៩៧
-ផ្លូវក្រោមដីក្នុងទីក្រុងបូស្តុន បានបើកសម្ពោធដាក់ឱ្យប្រើប្រាស់ ហើយវាបានក្លាយជាផ្លូវក្រោមដីលើកដំបូងនៅអាមេរិកខាងជើង។
*ឆ្នាំ១៩៦៩
-បដិវត្តន៍នៅក្នុងប្រទេសលីប៊ី បានធ្វើឱ្យលោកកាដាហ្វី ចូលកាន់អំណាច។ ក្រោយមកបដិវត្តន៍នេះត្រូវបានប្តូរឈ្មោះទៅជាគណៈកម្មាធិការប្រជាជន ។
-លោក Tran Thien Khiem បានក្លាយជានាយករដ្ឋមន្ត្រីរបស់វៀតណាមខាងត្បូង ។
*ឆ្នាំ១៩៩១
-អ៊ូសបេគីស្ថាន បានប្រកាសឯករាជ្យពីសហភាពសូវៀត ។
*ឆ្នាំ២០០៥
-ព្រឹទ្ធសភារដ្ឋកាលីហ្វ័រនីញ៉ា បានអនុម័តច្បាប់ស្តីពីសិទ្ធិរៀបអាពាហ៍ពិពាហ៍ភេទដូចគ្នាជាលើកដំបូងនៅក្នុងសហរដ្ឋអាមេរិក ។ នៅក្នុងដំណើរការបោះឆ្នោតនេះ មានព្រឹទ្ធសមាជិក២១រូបបោះឆ្នោតគាំទ្រ និង១៥រូបផ្សេងទៀតមិនគាំទ្រ។
*ឆ្នាំ២០០៦
-ប្រទេសអេស្ប៉ាញបានអនុម័តគម្រោងដាក់ពង្រាយកងទ័ពចំនួន១.១០០នាក់នៅក្នុងប្រទេសលីបង់ ។ កងទ័ពនេះ គឺជាផ្នែកមួយនៃកងកម្លាំងរក្សាសន្តិភាពអង្គការសហប្រជាជាតិ។
*ឆ្នាំ២០០៧
-របងដែលធ្វើអំពីបេតុង និងដែកថែបត្រូវបានកសាងឡើងនៅក្នុងទីក្រុងស៊ីដនី ប្រទេសអូស្ត្រាលី ។ ការកសាងរបងនេះ គឺដើម្បីការពារមេដឹកនាំកំពូលៗដែលអញ្ជើញមកចូលរួមក្នុងកិច្ចប្រជុំសហប្រតិបត្តិការសេដ្ឋកិច្ចតំបន់អាស៊ី-ប៉ាស៊ិហ្វិក ។
*ឆ្នាំ២០០៨
-លោកនាយករដ្ឋមន្ត្រីជប៉ុន Yasuo Fukuda បានលាលែងចេញពីតំណែងយ៉ាងបន្ទាន់ បន្ទាប់ពីចូលកាន់អំណាចមិនបានរយៈពេល១ឆ្នាំផង ។
*ឆ្នាំ២០០៩
-ច្បាប់ហាមឃាត់មិនឱ្យប្រើប្រាស់ដាវសាមូរ៉ៃរបស់ប្រទេសអៀរឡង់ ចូលជាធរមាន។ ការបង្កើតច្បាប់នេះ គឺក្នុងគោលបំណងទប់ស្កាត់នូវរាល់បទឧក្រិដ្ឋទាំងឡាយ ។
*ឆ្នាំ២០១០
-អ្នកបុរាណវិទ្យាបានរកឃើញដបស្រាបៀរដែលមានអាយុកាល២០០ឆ្នាំ កប់នៅក្នុងបំណែកនាវាដែលលិចក្នុងសមុទ្របាល់ទិក។ ដបស្រាបៀរទាំងនេះត្រូវបានគេចាត់ទុកថា ជាដបដែលមានអាយុកាលចាស់ជាងគេបំផុតនៅលើពិភពលោក ៕
ចែករំលែកព័តមាននេះ