សារព័ត៌មានអាមេរិករាយការណ៍ថា មនុស្ស ៧នាក់ត្រូវរបួសកាលពីព្រឹកថ្ងៃទី២៤ កក្កដា ក្នុងនោះ២នាក់ស្ថិតក្នុងសភាពធ្ងន់ធ្ងរ ពេលមានការបាញ់ប្រហារក្នុងកាស៊ីណូមួយនៅទីក្រុង SEAT-TLE (ភាគពាយ័ព្យសហរដ្ឋអាមេរិក) ។
ការបាញ់ប្រហារនោះកើតមាននាវេលាម៉ោង១ និង៣០នាទីរំលងអធ្រាត្រម៉ោងក្នុងស្រុកក្នុងកាស៊ីណូ MUCHIESHOOT នៅ ABUBURN ចម្ងាយប្រមាណជា៣២គ.ម ភាគខាងត្បូងក្រុង SEATTLE ។ បុរសអាយុ៤២ឆ្នាំម្នាក់បានចូលក្នុងកាស៊ីណូនេះ ហើយដំបូងបាញ់ប្រហារលើនារីម្នាក់ និងបុរសម្នាក់មុនពេលបាញ់លើមនុស្ស៥នាក់ទៀត ។
យោងតាមប៉ូលិសមូលដ្ឋានថា ការបាញ់ប្រហារនេះ អាចបណ្តាលមគពីជម្លោះ និងអំពើហិង្សាក្នុងគ្រួសារ ។ បណ្តាភ្នាក់ងារសន្តិសុខ កាស៊ីណូបានចាប់ខ្លួនបុរសនេះ ហើយប្រគល់ទៅឱ្យប៉ូលិស ។
ក្នុងឧប្បត្តិហេតុមួយទៀតមនុស្ស១២នាក់ បានត្រូវរបួសកាលពីរសៀលថ្ងៃទី២៣ កក្កដា កន្លងមកនេះ ក្នុងឱកាសនៃការបាញ់ប្រហារមួយដែលកើតមានក្នុងពេលតាំងពិព័រណ៍រថយន្តមួយនៅទីក្រុង KENT ក្បែរក្រុង SEATTLE ដែរ ៕
ចែករំលែកព័តមាននេះ