រាជធានីភ្នំពេញ ៖ ស្ត្រីម្នាក់បានចង.កសម្លាប់ខ្លួននៅក្នុងបន្ទប់ផ្ទះជួលលេខ១៦ ផ្លូវរទេះភ្លើង សង្កាត់បឹងកក់ទី២ ខណ្ឌទួលគោក ហើយត្រូវកូនប្រពន្ធដើមប្រទះឃើញកាលពីវេលាម៉ោង៥និង៣០នាទីល្ងាចថ្ងៃទី២០ កក្កដា។ ការចង.កធ្វើអត្តឃាតនេះ បន្ទាប់ពីមានទំនាស់ពាក្យសម្តីជាមួយប្តីរឿងលុយកាក់។ ស្ត្រីដែលគិតខ្លីនេះឈ្មោះប៉ាវ ខេន អាយុ២៨ឆ្នាំ មានទីលំនៅផ្ទះជួលកើតហេតុខាងលើ និងមានស្រុកកំណើតនៅភូមិពូនភ្នំ ឃុំលំពង់ ស្រុកបាទី ខេត្តតាកែវ។
តាមសមត្ថកិច្ចបានឱ្យដឹងថា ស្ត្រីរូបនេះបានចង.កសម្លាប់ខ្លួននឹងក្រណាត់ភ្ជាប់ទៅនឹងធ្នឹមផ្ទះក្នុងបន្ទប់ ហើយបានស្លាប់បាត់បង់ជីវិត។ តាមព័ត៌មានឱ្យដឹងទៀតថា នៅមុនពេលកើតហេតុ ស្ត្រីរូបនេះនៅផ្ទះតែម្នាក់ឯង ពេលដែលកូនប្រុស (កូនប្តីជាមួយប្រពន្ធមុន) ឈ្មោះរ៉ា ថៃ ភេទប្រុស អាយុ២០ឆ្នាំ ជាជាងសំណង់ ត្រឡប់មកផ្ទះវិញ ក៏ប្រទះឃើញម្តាយចង.កសម្លាប់ក្នុងបន្ទាប់បាត់ទៅហើយ ក៏ឆោឡោឡើង ព្រមទាំងរាយការណ៍ប្រាប់សមត្ថកិច្ច។
ទាក់ទិនការចង.កសម្លាប់ខ្លួនរបស់ស្ត្រីជាប្រពន្ធខាងលើនេះ ត្រូវប្តីប្រាប់សមត្ថកិច្ចឱ្យដឹងថា ដោយសារតែទំនាស់ពាក្យសម្តីបន្តិចបន្តួច ព្រោះនៅព្រឹកថ្ងៃទី២០ កក្កដា បុរសជាប្តីបានសុំប្រាក់ប្រពន្ធចំនួន២៥០ដុល្លារ ដើម្បីទិញឈើ តែប្រពន្ធបានឱ្យប្រាក់តែ១៤០ដុល្លារ ទើបមានទំនាស់ពាក្យសម្តីជាមួយគ្នានៅពេលនេះ ក្រោយមក ប្តីចេញទៅធ្វើជាងសំណង់បាត់ទៅ មិននឹកស្មានថា ប្រពន្ធគិតខ្លីចង.កធ្វើអត្តឃាតបែបនេះទាល់តែសោះ៕
ចែករំលែកព័តមាននេះ