ខេត្តព្រៃវែង ៖ ស្ត្រីម្នាក់ឈ្មោះវ៉េត ច្រិប អាយុ២៧ឆ្នាំ រស់នៅភូមិសំរោងឫស្សីសាញ់ ឃុំជីផុច ស្រុកមេសាង បានសម្រាលកូននៅថ្ងៃទី១៧ កក្កដា ២០១១ វេលាម៉ោង៦និង១៥នាទីក្នុងមន្ទីរពេទ្យបង្អែកស្រុកមេសាង ប្រសូតបានទារិកាភ្លោះដល់ទៅ៣នាក់ កូនទី១ទម្ងន់២,១០គីឡូក្រាម កូនទីទម្ងន់២,២០គីឡូក្រាម និងកូនទី៣ទម្ងន់
ខេត្តព្រៃវែង ៖ ស្ត្រីម្នាក់ឈ្មោះវ៉េត ច្រិប អាយុ២៧ឆ្នាំ រស់នៅភូមិសំរោងឫស្សីសាញ់ ឃុំជីផុច ស្រុកមេសាង បានសម្រាលកូននៅថ្ងៃទី១៧ កក្កដា ២០១១ វេលាម៉ោង៦និង១៥នាទីក្នុងមន្ទីរពេទ្យបង្អែកស្រុកមេសាង ប្រសូតបានទារិកាភ្លោះដល់ទៅ៣នាក់ កូនទី១ទម្ងន់២,១០គីឡូក្រាម កូនទីទម្ងន់២,២០គីឡូក្រាម និងកូនទី៣ទម្ងន់១,៧០គីឡូក្រាម។
ស្ត្រីជាម្តាយបានឱ្យដឹងថា នាងមានកូនលើកទី៣ហើយ កូនលើកទី១ លើកទី២ សុទ្ធតែជាកូនប្រុស ឥឡូវនេះជាកូនលើកទី៣ ប្រសូតម្តងបានកូនដល់ទៅ៣នាក់ សុទ្ធតែស្រីទាំងអស់តែម្តង។
ស្ត្រីរូបនេះរំលឹកថា កាលពីថ្ងៃទី១៥ មករា ២០១០ នៅពេលយប់ នាងដេកសុបិនឃើញស្ត្រី៣នាក់មកសុំនាងនៅជាមួយ ដោយស្ត្រីទាំង៣នាក់នោះនិយាយប្រាប់នាងថា ពួកនាងទាំង៣នាក់ជាបងប្អូននឹងគ្នាបានស្លាប់នៅលើស្ពានពេជ្រ ក្នុងព្រឹត្តិការណ៍រត់ជាន់គ្នា ឥឡូវពួកនាងទាំង៣នាក់បងប្អូនមកសុំចាប់កំណើតនៅជាមួយ
ផង ។
ភ្ញាក់ពីដំណេកឡើងនាងក៏និយាយប្រាប់ប្តីឈ្មោះសាយ ផា អាយុ៣០ឆ្នាំ តាមដំណើររឿង។ ចាប់ពីពេលនោះមក នាងក៏មានទម្ងន់ ឥឡូវសម្រាលកូនបាន៣នាក់សុទ្ធតែស្រីដូចសុបិនមែន។ អ្នកគ្រូពេទ្យឆ្មបចន សាវ៉ាត បានឱ្យដឹងថា ម្តាយទារកទាំង៣នាក់នេះមានសុខភាពជាធម្មតាទេ ហើយការប្រសូតនេះក៏ពុំមានការពិបាកអ្វីដែរ ប៉ុន្តែនាងមានជីវភាពខ្វះខាត៕
ចែករំលែកព័តមាននេះ