មិនបាច់ទេ!
-អាឡូ! លោកវេជ្ជបណ្ឌិតជួយខ្ញុំផង កូនតូចខ្ញុំលេបស្រោមអនាម័យចូលពោះហើយ។
-កុំព្រួយ, ខ្ញុំទៅភ្លាម!
ប៉ុន្តែលោកវេជ្ជបណ្ឌិតមិនទាន់ចេញផុតគ្លីនិកផង ទូរស័ព្ទរោទ៍ទៀត៖
-អាឡូ ! លោកវេជ្ជបណ្ឌិតមិនបាច់ជួយខ្ញុំទេ ខ្ញុំរកបានស្រោមអនាម័យមួយទៀតហើយ, កំពុងប្រើវា៕
ប្រមូលផ្តុំ
ចូលបន្ទប់តាំងវត្ថុអនុស្សាវរីយ៍ អតិថិជននឹកឆ្ងល់សួរម្ចាស់ទីកន្លែងដែលជាអ្នកចម្រៀង ៖
-ធម្មតាអ្នកចម្រៀងច្រើនដាក់តាំងបាច់ផ្កា កម្រងផ្កា ឬតុក្កតាផ្សេងៗដែលពួកអ្នកស្តាប់ជូន។ ចុះហេតុម៉េចលោកតាំងសុទ្ធតែស្បែកជើងនិងដបទឹកសុទ្ធទៅវិញ?
-អ្នកស្តាប់ជូនអីយើងប្រមូលរបស់នោះដាក់តាំងអ៊ីចឹងហើយ ៕
ថ្នាំលក់លែងដាច់
ម្ចាស់ហាងលក់ថ្នាំសម្រកទម្ងន់ពីរនាក់និយាយគ្នា ៖
-មិនយូរប៉ុន្មានទៀតទេ ថ្នាំសម្រកទម្ងន់របស់ពួកយើងនឹងលក់លែងដាច់ហើយ។
-ម៉េចអ៊ីចឹង?
-ព្រោះទំនិញគ្រប់យ៉ាងឡើងថ្លៃតាមប្រេងសាំង ធ្វើឱ្យមនុស្សហូបចុកលែងគ្រប់គ្រាន់, ដល់ពេលនោះគេស្គមដោយខ្លួនឯង ចាំបាច់អីត្រូវការថ្នាំសម្រកទម្ងន់របស់ពួកយើងទៀត?
អ្នកមូលដ្ឋាន
បុរសស្រវឹងដាបពីរនាក់បោះជំហានទ្រេតទ្រោតចេញពីតៀមស្រា រួចបន្តដំណើរក្រោមពន្លឺព្រះចន្ទពេញបូណ៌មីភ្លឺត្រជាក់ ។ បុរសម្នាក់ងើយសម្លឹងមេឃ, និយាយ ៖
-យប់នេះសប្បាយណាស់, មើលន៎លោកខែមូលក្រឡង់។
-អេស, បងឯងស្រវឹងលែងដឹងអីហើយ, មិនមែនលោកខែទេ ព្រះអាទិត្យតើ។
ពេលពួកគេកំពុងជជែកគ្នា ម្នាក់ថាលោកខែ ម្នាក់ថាព្រះអាទិត្យ ស្រាប់តែលេចជនស្រវឹងទ្រេតទ្រោតម្នាក់ទៀតមកដល់ ហើយក៏ត្រូវពួកគេស្នើឱ្យជួយ ៖
-សូមបងជួយកាត់ក្តីឱ្យពួកខ្ញុំបន្តិច, លើមេឃនោះជាព្រះចន្ទ ឬព្រះអាទិត្យ?
ជនទីបីគ្រវីក្បាល ៖
-សុំទោស, ខ្ញុំមិនមែនអ្នកមូលដ្ឋាននោះផង ដូច្នេះខ្ញុំក៏មិនដឹងដូចគ្នាថា របស់មូលៗលើមេឃនៅមូលដ្ឋាននេះជាព្រះចន្ទ ឬព្រះអាទិត្យផង៕
អនុវត្តកិច្ចសន្យា
ប្រពន្ធសួរប្តី ៖
-អ្នកណាទូរស័ព្ទមករកអីហ្នឹង?
-អ្នកធ្វើការនៅក្រសួងជាមួយគ្នាហៅបង។
-អ្ហា៎, ក្រែងថ្ងៃអាទិត្យសម្រាកអ្ហី, ម៉េចហៅទៅទៀត។
-សម្រាកគឺសម្រាកហើយ តែទោះសម្រាកយ៉ាងណាក៏ត្រូវអនុវត្តកិច្ចសន្យាដែរ ។
-កិច្ចសន្យាអី?
-គឺកិច្ចសន្យាយប់នេះជួបជុំគ្នាផឹកឱ្យណាណីម្តង មិនស្រវឹងអត់ឱ្យចូលផ្ទះ ៕
ស្មើភាព
លោកយាយម្នាក់ត្រឡប់ពីពិនិត្យជំងឺនៅមណ្ឌលសុខភាព និយាយប្រាប់អ្នកជិតខាង ៖
-អ្នកធ្វើការនៅមន្ទីរពេទ្យដែលខ្ញុំទៅមើលជំងឺនោះ រក្សាចរិតស្មើភាពល្អណាស់។
-ស្មើភាពយ៉ាងម៉េចលោកយាយ?
-គឺតាំងពីគ្រូពេទ្យ, គិលានុបដ្ឋាយិកា រហូតដល់អ្នកធ្វើអនាម័យមានសិទ្ធិគំហកសម្លុតអ្នកជំងឺដូចគ្នាទាំងអស់៕
អ៊ីចឹងក៏សួរដែរ
បុរសម្នាក់ទ្រាំមិនបានក៏សួរភ្នាក់ងារប៉ូលិសប៉ុស្តិ៍ម្នាក់នៅមូលដ្ឋានរបស់ខ្លួន ៖
-ហេតុម៉េចរាល់លើកក្មេងៗកាប់ចាក់គ្នា ក្មួយមិនស្រូតមកឱ្យទាន់ហេតុការណ៍, ចាំទាល់តែចប់អស់បានមក?
-អ៊ីចឹងក៏សួរដែរ, បើខ្ញុំមកពេលពួកវាកំពុងកាប់ចាក់គ្នា ពួកវានឹងរត់បាត់អស់ អត់ទាន់មានអ្នកឈ្នះ អ្នកចាញ់ ។ បើអត់ទាន់មានអ្នកឈ្នះអ្នកចាញ់ តើខ្ញុំសន្និដ្ឋានអ្នកណាខុស អ្នកណាត្រូវ ម៉េចកើតទៅ?
ចែករំលែកព័តមាននេះ