ខេត្តក្រចេះ ៖ មេព្រៃតែងបង្ហាញពីវិធានការក្តៅទៅលើការបង្ក្រាបរថយន្តដឹកជន្លង់ម្រេច តែជាក់ស្តែងឃើញមានចំណាត់ការតែទៅលើរថយន្តដែលដឹកជញ្ជូនតូចតាច ប៉ុណ្ណោះ រីឯរថយន្តធំដឹកច្រើនវិញមេព្រៃហាក់ដូចជាមើលមិនឃើញ ឡើយ ។ គេមានការកត់សម្គាល់ឃើញថា មួយរយៈ
ខេត្តក្រចេះ ៖ មេព្រៃតែងបង្ហាញពីវិធានការក្តៅទៅលើការបង្ក្រាបរថយន្តដឹកជន្លង់ម្រេច តែជាក់ស្តែងឃើញមានចំណាត់ការតែទៅលើរថយន្តដែលដឹកជញ្ជូនតូចតាចប៉ុណ្ណោះ រីឯរថយន្តធំដឹកច្រើនវិញមេព្រៃហាក់ដូចជាមើលមិនឃើញ ឡើយ ។ គេមានការកត់សម្គាល់ឃើញថា មួយរយៈពេលចុងក្រោយនេះ ការកាប់អារច្រៀកឈើប្រភេទលេខ១ច្នៃធ្វើជន្លង់ម្រេច គឺស្ទើរតែវិនាសហិនហោច ឯការដឹកជញ្ជូនគឺយ៉ាងសកម្មប្រៀបដូចជាហ្វូងស្រមោចទាំងយប់ទាំងថ្ងៃ ។
ទន្ទឹមនឹងដំណាំម្រេចនៅតាមបណ្តោយព្រំដែនកម្ពុជា -វៀតណាម ដែលកំពុងតែមានសន្ទុះគេសង្កេតឃើញថា ការកាប់បំផ្លាញអនុផលព្រៃឈើយកមកអារច្រៀកជាជន្លង់ម្រេចក៏ មានសន្ទុះខ្លាំងដែរ ក្នុងនោះមានឈើលេខ១ ប្រភេទផ្ចឹកនិងសុក្រំ បានរងការវិនាសយ៉ាងដំណំ ក្នុងអំឡុងពេលដ៏ខ្លីនេះ។ សកម្មភាពកាប់បំផ្លាញឈើខុសច្បាប់ និងការដឹកជញ្ជូននេះ បានកើតមានឡើងដោយសារតែការទប់ស្កាត់ហាក់ដូចជានៅមានកម្រិត។ នៅក្នុងសកម្មភាពកាប់និងដឹកជញ្ជូននេះ គេដឹងថា បើត្រឹមយកទៅផ្គត់ផ្គង់ដំណាំម្រេចក្នុងស្រុកគឺវាហួសពីគ្រប់គ្រាន់ទៅហើយ តែការដឹកជញ្ជូននេះគឺមានឈ្មួញមួយចំនួនយកទៅលក់បន្តនៅស្រុកយួន ។
បើតាមប្រភពព័ត៌មានពីស្រុកស្នួលឱ្យដឹងថា កាលពីថ្ងៃទី២២ ខែមិថុនា មានរថយន្តធុនធំប្រភេទយីឌុប១គ្រឿងបានបង្ហាញខ្លួនទាំងកណ្តាលថ្ងៃត្រង់លើកំណាត់ផ្លូវជាតិលេខ៧ នៅមុខសាលាបឋមសិក្សាស្រែរនាម ស្ថិតក្នុងឃុំឃ្សឹម ស្រុកស្នួល ដោយមានកម្មកររាប់សិបនាក់ លើកជន្លង់ចំនួនរាប់រយដើមដាក់លើរថយន្តយក្យមួយគ្រឿងនេះដោយគ្មានឃើញមន្ត្រីជំនាញណាទៅសួរនាំឡើយ ។ តាមប្រភពព័ត៌មានពីប្រជាពលរដ្ឋនៅចំណុចខាងលើបានឱ្យដឹងទៀតថា គេឃើញរថយន្តធុនយីឌុប ពណ៌ខៀវតែងមកដឹកជន្លង់ម្រេចស្ទើររាល់ថ្ងៃ តែមិនឃើញមានសមត្ថកិច្ចមេព្រៃចេញមុខមកហាមឃាត់ទេ គឺបណ្តោយឱ្យដឹកជញ្ជូនយ៉ាងរលូន ។
ទោះបីជាយ៉ាងណា រថយន្តធុនធំមួយគ្រឿងនេះក៏ត្រូវបានបង្រ្កាបចាប់ឃាត់ពីសំណាក់មេ ព្រៃឃ្សឹមនៅថ្ងៃដដែលនោះបន្ទាប់ពីមានសេចក្តីរាយការណ៍ទៅខណ្ឌរដ្ឋបាលព្រៃឈើ ហើយថ្នាក់លើបានបញ្ជាឱ្យមេព្រៃផ្នែកនិងសង្កាត់ចុះចាប់ឃាត់ភ្លាមៗ និងនាំយកមករក្សាទុកនៅសង្កាត់រដ្ឋបាលព្រៃឈើឃ្សឹម។ គេមិនទាន់ដឹងថា តើមានជន្លង់ចំនួនប៉ុន្មានដើមនៅលើរថយន្តយីឌុបនោះនៅឡើយទេ តែតាមការប៉ាន់ស្មានជាជំហានដំបូងថាមានចំនួនជិត១ពាន់ដើម ហើយក៏មិនទាន់ដឹងថា ជនណាជាម្ចាស់ដែរ ដោយគ្រាន់តែដឹងថាដឹកយកទៅលក់នៅស្រុមេមត់ ខេត្តកំពង់ចាម។
លោក ប្រាក់ សំបូរ នាយផ្នែកស្តីទីរដ្ឋបាលព្រៃឈើឆ្លូងបានឱ្យដឹងកាលពីព្រឹកថ្ងៃទី២៣ មិថុនាថា រថយន្តដឹកជន្លង់ដែលបានបង្ក្រាបនេះ គឺយកមករក្សាទុកនៅសង្កាត់រដ្ឋបាលព្រៃឈើឃ្សឹម ហើយមន្ត្រីជំនាញនិងបន្តធ្វើការរាប់ចំនួនដើម្បីបង់ផាកពិន័យតាមនីតិវិធីរបស់រដ្ឋបាលព្រៃឈើ ៕
ចែករំលែកព័តមាននេះ