បងនៅឯមុខ (បទពាក្យប្រាំពីរ)
បងនៅឯមុខ
(បទពាក្យប្រាំពីរ)
-បងនៅឯមុខនឹកពុំងា ឃ្លាតភរិយាយូរកន្លង
បងនៅសមរភូមិគ្មានសៅហ្មង បងអុជធូបផ្សងសូមសុខជា ។
-បងនៅជួរមុខលើគិរី បងចិត្តមូលមីរនឹកបុត្រភ្ងា
បងអោបកំាំភ្លើងជាប់កាយា ក្នុងភាពហានក្លាការពារជាតិ ។
-បងនៅឯមុខអូនជ្រាបថា ចិត្តបងហានក្លាមិនរវាត
បងស្អប់បំផុតសៀមចោលម្សៀត ចិត្តបងមិនឃ្លាតពីនួនល្អង ។
-បងតែងប្រណម្យផ្តុំហត្ថា បងសូត្រធម៌អាថ៌ឧទ្ទិសផង
បងតែងបន់ស្រន់រាល់កន្លង បងនឹកស្នេហ៍ស្នងអូនសម្លាញ់ ។
-បងនៅដងរែកភ្នែករំពៃ យប់យន់រាត្រីត្រៀមតបបា.ញ់
ចោរសៀមឈ្លានពានកេងប្រវ័ញ្ច បងមិនចុះចាញ់ចោរចង្រៃ ។
ចែករំលែកព័តមាននេះ