កុំដេកយល់សប្តិ (បទផ្កាឈូករីក)
កុំដេកយល់សប្តិ
(បទផ្កាឈូករីក)
-កុំយល់សប្តិឡប់ឡេឡឺភ្លើភ្លើតភ្លើន កុំយល់សប្តិបែបគឃ្លើនផ្គើនដែនខ្មែរ
កុំយល់សប្តិកប់ល្បិចខ្មៅខ្លៅគេចកែ កុំយល់សប្តិមកឈ្លោះខ្មែរៗមិនចាញ់ ។
-កុំយល់សប្តិប្រើកងទ័ពសន្ធាប់ខ្មែរ កុំយល់សប្តិនាំខ្មាសគេកុំមុខខ្លាញ់
កុំយល់សប្តិអាងខ្លួនធំខំមកផ្ចាញ់ កុំយល់សប្តិរឿងប្លន់បា.ញ់ឆ្ងាញ់ដីខ្មែរ ។
-កុំយល់សប្តិវិលគំនិតគិតឈ្លានពាន កុំយល់សប្តិអាងខ្លួនមានខ្លាំងជាងគេ
កុំយល់សប្តិអាងកម្លាំងខ្លាំងឥតប្រែ កុំយល់សប្តិថាទ័ពខ្មែរទ័ពអេតចាយ ។
-កុំយល់សប្តិលបលួចគូសផែនទីចោរ កុំយល់សប្តិក្រែងអស់ខោនាំអន្តរាយ
កុំយល់សប្តិភូតសកលខ្លាចខកកាយ កុំយល់សប្តិថាក្លែងក្លាយៗជាពិត ។
ចែករំលែកព័តមាននេះ