ក្រោយពីមានការសម្របសម្រួលរបស់បណ្តាប្រទេសក្នុងតំបន់ អតីតប្រធានាធិបតីហុងឌូរ៉ាស់ លោកម៉ានូអែល ហ្សេឡាយ៉ា ដែលត្រូវបានទម្លាក់ចេញពីតំណែងក្នុងរដ្ឋប្រហារកាលពីខែមិថុនា ឆ្នាំ២០០៦ បានបញ្ចប់ការរស់នៅនិរទេសរបស់លោក ហើយបានវិលត្រឡប់ទៅកាន់ប្រទេសហុងឌូរ៉ាស់វិញ កាលពីថ្ងៃទី២៨ ឧសភា កន្លងមក
ក្រោយពីមានការសម្របសម្រួលរបស់បណ្តាប្រទេសក្នុងតំបន់ អតីតប្រធានាធិបតីហុងឌូរ៉ាស់ លោកម៉ានូអែល ហ្សេឡាយ៉ា ដែលត្រូវបានទម្លាក់ចេញពីតំណែងក្នុងរដ្ឋប្រហារកាលពីខែមិថុនា ឆ្នាំ២០០៦ បានបញ្ចប់ការរស់នៅនិរទេសរបស់លោក ហើយបានវិលត្រឡប់ទៅកាន់ប្រទេសហុងឌូរ៉ាស់វិញ កាលពីថ្ងៃទី២៨ ឧសភា កន្លងមក ។ លោកម៉ានូអែល បានវិលត្រឡប់ទៅកាន់ប្រទេសកំណើតខ្លួនវិញ តាមយន្តហោះមួយគ្រឿងរបស់ប្រទេសវេណេហ្ស៊ុយអេឡា ដោយយន្តហោះចុះចតនៅព្រលានយន្តហោះអន្តរជាតិ ក្រុង Tegucigalpa នៅវេលាម៉ោង១២និង៤៥នាទីម៉ោងក្នុងស្រុកប្រទេសហុងឌូរ៉ាស់។
នៅពេលអញ្ជើញដល់ប្រទេសហុងឌូរ៉ាស់ លោកម៉ានូអែល ត្រូវបានទទួលស្វាគមន៍ដោយ អ្នកគាំទ្រជាច្រើនពាន់នាក់ ។ ដោយពាក់មួកខូវប៊យពណ៌ស លោកម៉ានូអែល បានទទូចដល់អ្នកគាំទ្រលោកឱ្យបញ្ឈប់ធ្វើរដ្ឋប្រហារក្នុងប្រទេស ហើយបែរទៅរកការរស់នៅប្រកបដោយសន្តិសុខ និងធ្វើការងារឆ្ពោះទៅរកការផ្សះផ្សាជាតិ ។ ក្រោយពីអញ្ជើញដល់ប្រទេសហុងឌូរ៉ាស់ លោកម៉ានូអែល បានជួបជាមួយលោកប្រធានាធិបតី Porfirio Lobo និងប្រធានអង្គការរដ្ឋអាមេរិក (OAS) លោក Jose Miguel Insul-za ។ ការវិលត្រឡប់ចូលស្រុកវិញរបស់លោកម៉ានូអែលធ្វើឡើងក្រោយពីចុះហត្ថលេខាលើកិច្ចព្រមព្រៀងមួយជាមួយលោក Lobo កាលពីថ្ងៃទី២២ ឧសភា កន្លងមក ៕
ចែករំលែកព័តមាននេះ