អាឡេវមិនដឹងថា លោកប្រាយុទ្ធ ចាន់អូចា ដែលជាមេទ័ពជើងគោកសៀមនិយាយមែន ឬក៏បែបណានោះទេ ដែលថា បើមិនចង់ធ្វើសង្គ្រាមកម្ពុជាត្រូវដកទ័ពចេញពីផ្ទៃដី៤,៦គីឡូម៉ែត្រ ការ៉េក្បែរប្រាសាទព្រះវិហារ ។ បើនេះជាពាក្យសម្តីដែលនិយាយបែបនេះមែនអាឡេវចាត់ទុកថា ជាពាក្យរបស់មនុស្សគម្រក់ម្នាក់
អាឡេវមិនដឹងថា លោកប្រាយុទ្ធ ចាន់អូចា ដែលជាមេទ័ពជើងគោកសៀមនិយាយមែន ឬក៏បែបណានោះទេ ដែលថា បើមិនចង់ធ្វើសង្គ្រាមកម្ពុជាត្រូវដកទ័ពចេញពីផ្ទៃដី៤,៦គីឡូម៉ែត្រ ការ៉េក្បែរប្រាសាទព្រះវិហារ ។ បើនេះជាពាក្យសម្តីដែលនិយាយបែបនេះមែនអាឡេវចាត់ទុកថា ជាពាក្យរបស់មនុស្សគម្រក់ម្នាក់ ។
បានជាអាឡេវហ៊ាននិយាយបែបនេះដោយសារតែមិនដឹងថា មេទ័ពសៀមរូបនេះសំអាងទៅលើអីបានជាហ៊ាននិយាយបែបនេះ? សម្រាប់ប្រជាជាតិកម្ពុជាទំនងជាទទួលយកសង្គ្រាម ទោះបីស្អប់ខ្ពើមសង្គ្រាមក្តី បើសិនជាអ្នកឈ្លានពានចង់ ពីព្រោះថាកម្ពុជាមិនដែលយល់សប្តិឈ្លានពានទឹកដីនរណាទេ ហើយក៏គ្មានប្រវត្តិធ្វើចោរប្លន់ទឹកដីនរណាដែរ មានតែគេហែកហួរទឹកដីខ្លួនមិនឈប់ឈរ រហូតមកដល់ពេលនេះ ។ តាមអាឡេវគិតទៅប្រហែលជាមេទ័ពសៀមរូបនេះមើលងាយពូជសាសន៍ខ្មែរដែលតូចជាងខ្លួន និងក្រីក្រជាងខ្លួនហើយ តែកុំភ្លេចថា ស្រមោចសង្អារក៏ធ្វើឱ្យសត្វដំរីរត់បានដែរ សូមជ្រាប ។
ដីទំហំ៤,៦គីឡូម៉ែត្រការ៉េនេះ ខ្មែរមិនដែលដឹងពីមុនមកនោះទេ ទើបតែដឹងក្រោយពេលប្រាសាទព្រះវិហាររបស់ខ្មែរត្រូវបានចុះបញ្ជីជាបេតិកភណ្ឌពិភពលោកនៅខែកក្កដា ឆ្នាំ២០០៨ មកប៉ុណ្ណោះ ស្រាប់តែសៀមលើកទ័ពមកឈ្លានពាន ហើយប្រកាសថាទឹកដីទំហំ៤,៦គីឡូម៉ែត្រការ៉េ ជាទឹកដីរបស់ខ្លួន ។ ភាសាគួរឱ្យខ្ពើមបែបនេះ ជាពាក្យគម្រក់បំផុត ។ អាឡេវរង់ចាំតែលទ្ធផលបកស្រាយរបស់តុលាការក្រុងឡាអេប៉ុណ្ណោះថា តើសាលដីកាតុលាការយុត្តិធម៌អន្តរជាតិកាលពីឆ្នាំ១៩៦២ ដែលប្រកាសថា ប្រាសាទព្រះវិហារស្ថិតក្នុងអធិបតេយ្យរបស់កម្ពុជា តើផ្អែកទៅលើផែនទីណា? ហើយតើកងទ័ពកម្ពុជាដែលឈរជើងការពារបូរណភាពទឹកដីរបស់ខ្លួនជាដីដែលសៀមចង់ឈ្លានពានយកឬយ៉ាងណា? អាឡេវ 
ចែករំលែកព័តមាននេះ