តើនឹងមានអ្វីបន្ទាប់ សម្រាប់នយោបាសេដ្ឋកិច្ចលោក ស៊ី ជីនពីង ?
ក្នុងអំឡុងពេល៥ឆ្នាំកន្លងមក លោកបានបង្ហាញយ៉ាងច្បាស់ថា
ក្នុងអំឡុងពេល៥ឆ្នាំកន្លងមក លោកបានបង្ហាញយ៉ាងច្បាស់ថា
ទីក្រុងហុងកុង ៖ អ្នកដឹកនាំធំរបស់ប្រទេសចិនបានជួបគ្នាក្នុងសប្តាហ៍នេះ សម្រាប់សភាជាតិនៃគណបក្សកុម្មុយនីស្តចិន ។ វាជាឱកាសមួយក្នុងការរក្សាអំណាចរបស់លោក ស៊ី ជីនពីង (Xi Jinping) ខណៈលោកត្រៀមខ្លួនដឹកនាំអាណត្តិទី២ ។
ក្នុងអំឡុងពេល៥ឆ្នាំកន្លងមក លោកបានបង្ហាញយ៉ាងច្បាស់ថា អត្ថប្រយោជន៍របស់គណបក្សមានអាទិភាពជាងទីផ្សារ ហើយអ្នកជំនាញជាច្រើនគិតថា វានឹងបន្តកើតមានឡើង ។
លោកស្រី Yanmei Xie អ្នកវិភាគក្នុងក្រុមហ៊ុនស្រាវជ្រាវ Gavekal បាននិយាយថា ៖« ប្រសិនបើមានជម្លោះនោះ ទីផ្សារនឹងត្រូវចុះចាញ់ » ។
បើទោះជាមានបញ្ហាមួយចំនួនកើតឡើងដូចជា តម្លៃប្រាក់យន់ធ្លាក់ចុះក្តី ក៏សេដ្ឋកិច្ចចិនបានបន្តលូតលាស់ក្នុងកម្រិតមួយ ដែលប្រទេសលោកខាងលិចជាច្រើនប្រាថ្នាចង់បាន ។
អ្នកជំនាញនិយាយថា រដ្ឋាភិបាលលោក ស៊ី បរាជ័យក្នុងការចេញសកម្មភាពទាន់ពេលវេលា ដើម្បីដោះស្រាយបញ្ហាធំៗ ដែលគំរាមកំហែងដល់សេដ្ឋកិច្ចរយៈពេលវែងរបស់ចិន ដូចជា បំណុលកើនឡើងជាដើម ។
ក្នុងរយៈពេល៥ឆ្នាំកន្លងមក លោកបានព្យាយាមបើកទូលាយផ្នែកមួយចំនួននៃសេដ្ឋកិច្ច ខណៈរក្សាការគ្រប់គ្រងផ្នែកមួយចំនួនទៀត ។
ប៉ុន្តែកាលពីឆ្នាំ២០១៥ ភ្នាក់ងាររដ្ឋាភិបាលបានលូកដៃចូលក្នុងវិបត្តិទីផ្សារហ៊ុន ដោយធ្វើឲ្យតម្លៃប្រាក់យន់ធ្លាក់ចុះ និងមិនព្រមានជាមុន ដែលធ្វើឲ្យទីផ្សារសកលរងផលប៉ះពាល់ ។
ជាមួយគ្នានេះ ក្រុមហ៊ុនបរទេសតែងរអ៊ូរទាំថា មន្ត្រីមានសមត្ថកិច្ចចិនបានផ្តល់លក្ខខណ្ឌពិសេសដល់ក្រុមហ៊ុនក្នុងស្រុក ។
កាលពីឆ្នាំមុន ក្រុមហ៊ុនចិនបានវិនិយោគថវិកាប្រមាណ១៧០ប៊ីលានដុល្លារទៅបរទេស បន្ទាប់ពីអ្នកដឹកនាំនយោបាយស្នើឲ្យបង្កើនវត្តមានក្រុមហ៊ុនចិនក្នុងទីផ្សារអន្តរជាតិ។ ប៉ុន្តែចំនួននេះបានធ្លាក់ចុះជិតពាក់កណ្តាលក្នុងឆ្នាំនេះ បន្ទាប់ពីចិនបានចេញវិធានការកាត់បន្ថយលំហូរប្រាក់ចេញពីប្រទេស ដែលទាញទម្លាក់តម្លៃប្រាក់យន់ ។ តាំងពីពេលនោះមក តម្លៃប្រាក់យន់មានស្ថិរភាពឡើងវិញ ។
ថវិកាជាច្រើននឹងវិនិយោគក្នុងគម្រោងរបស់លោកស៊ី រួមមាន ការសាងសង់ផ្លូវថ្នល់ កំពង់ផែ និងហេដ្ឋារចនាសម្ព័ន្ធដទៃទៀតតាមផ្លូវសូត្រនៅអាស៊ី អឺរ៉ុប និងអាហ្វ្រិក ៕
ចែករំលែកព័តមាននេះ