ខំទៀតទៅលោកម្ចាស់…!
សម័យនេះហើយ…សម័យប្រកួតប្រជែងនយោបាយកំពុងពុះកញ្ជ្រោល…កំពុងស្វែងរកប្រជាប្រិយភាព…
សម័យនេះហើយ…សម័យប្រកួតប្រជែងនយោបាយកំពុងពុះកញ្ជ្រោល…កំពុងស្វែងរកប្រជាប្រិយភាព… គួរណាស់កូនចៅតាតាខ្លះនោះ…ជួយយោង…ជួយថែរក្សាកិត្តិយសក្នុងវង្សត្រកូលហើយ…។ពីអតីតកាលគឺអតីតកាល…មិនគួរយកមារយាទអាក្រក់ពីអតីតកាលមកប្រើ…មកបង្អួតគេឯងកណ្តាលរាជធានីបែបនេះឡើយ ។
កូនចៅតាតាម្នាក់…ដែលមានឈ្មោះស្អុយ…មានឈ្មោះជាជនអន្ធពាលពីអតីតកាល…ប៉ុន្មានថ្ងៃមុននេះបានបញ្ចេញឈ្មោះឪ…ឈ្មោះខ្លួនឯងគំរាមមន្ត្រីបំពេញការងារ…ចាប់ហែកលិខិតបេសកកម្មមន្ត្រីចោល…បញ្ជាកូនចៅឱ្យយកកាំភ្លើងពីក្នុងឡាន…កូនចៅមិនធ្វើតាមក៏ទៅយកខ្លួនឯង…។មន្ត្រីបេសកកម្មម្នាក់ៗភ័យចង់លិចនោម…រត់យករួចខ្លួនអស់…ទុកឱ្យមេការជើងកាងបានចិត្ត ស្រែកជេរថែម…ចំណែករដ្ឋអំណាចមូលដ្ឋានបឹងកេងកង…រកធ្វើអ្វីឱ្យមានសន្តិសុខ…សណ្តាប់ធ្នាប់ក្នុងខណ្ឌអត់បានទេ…ព្រោះគេយកនាមតាតាមកស្រែកប្រាប់…ជាសញ្ញាគំរាមធំ…។
អាណិតជាងគេមន្ត្រីបរិស្ថានខណ្ឌម្នាក់ៗរត់ទាំងចង់លិចនោម…ស្រួលមិនស្រួលសើមខោខ្លះផងក៏មិនដឹង…តែប៉ុណ្ណោះហើយ…ស្បថបើហ៊ានទៅសួរនាំពីសកម្មភាពអាក្រក់នៅទីនោះ គឺក្លិបឌីស្កូ៥៧ ដ៏អនាធិបតេយ្យ ។
ឱ ! ថៅកែឌីស្កូ៥៧ អើយ…ខំយកជើងខ្លាំងមកកាងហើយ…ថាឱ្យសុខមិនសុខទៀត…។ បើចង់សុខស្រណុកស្រួល…រកស៊ីមិនល្អម៉េចរកទៅ…កុំឱ្យតែប៉ះពាល់ការរស់នៅរបស់អ្នកជិតខាង…វាចប់ទៅហើយ…ឬមួយក៏លោកថៅកែជើងកាងដែរ…។
វាគ្មានអ្វីស្អុយឈ្មោះ…ខូចឈ្មោះជាងរកស៊ីអាក្រក់…ហើយវាក៏គ្មានអ្វីល្បីល្បាញឈ្មោះ…ជាងបំផ្លាញសេចក្តីសុខអ្នកជិតខាងដែរ…។
សម័យនេះអ្នកចេះដឹង…គេខំធ្វើល្អអស់ទៅហើយ…អ្នកមិនចេះដឹងក៏ខំធ្វើល្អស្ទើរអស់ដែរ…គួរតែខំបើកក្តោងរត់តាមគេផង…ក្រែងលុបលាងពីអតីតកាលបាន…
ប៉ុន្តែបើធ្វើល្អក្រែងក្ស័យ…ខំទៀតទៅចុះលោកម្ចាស់…ហេ ! ហេ !
ចែករំលែកព័តមាននេះ