មិនគួរទុកវត្ថុទាំងនេះក្នុងរថយន្តពេលចតហាលថ្ងៃឡើយ
មនុស្សជាច្រើនចៀសមិនផុតពីត្រូវចតរថយន្តដ៏សែនស្រឡាញ់របស់ខ្លួននៅកណ្តាលថ្ងៃជាប្រចាំ ។ កំដៅនៅក្នុងរថយន្តកើនឡើង វាអាចបណ្តាលឲ្យ
មនុស្សជាច្រើនចៀសមិនផុតពីត្រូវចតរថយន្តដ៏សែនស្រឡាញ់របស់ខ្លួននៅកណ្តាលថ្ងៃជាប្រចាំ ។ កំដៅនៅក្នុងរថយន្តកើនឡើង វាអាចបណ្តាលឲ្យ
មនុស្សជាច្រើនចៀសមិនផុតពីត្រូវចតរថយន្តដ៏សែនស្រឡាញ់របស់ខ្លួននៅកណ្តាលថ្ងៃជាប្រចាំ ។ កំដៅនៅក្នុងរថយន្តកើនឡើង វាអាចបណ្តាលឲ្យវត្ថុខ្លះផ្ទុះ រហូតធ្វើឲ្យរថយន្តខូចខាតតាមផងដែរ ។
ជាធម្មតា រថយន្តចតនៅកណ្តាលថ្ងៃ ហើយបិទកញ្ចក់ទាំងអស់ជិតនោះ កំដៅនៅក្នុងរថយន្តនឹងកើនឡើងយ៉ាងឆាប់រហ័ស ។ បើចតរថយន្តនៅកណ្តាលថ្ងៃ ក្នុងថ្ងៃដែលមានសីតុណ្ហភាព៣៤អង្សារសេ ផ្នែកខាងក្នុងនៃរថយន្តអាចមានសុតីណ្ហភាពខ្ពស់ដល់ទៅ៥០អង្សារសេក្នុងពេលមិនដល់១ម៉ោង ។ ប៉ុន្តែបើអាកាសធាតុក្តៅដល់៣៧អង្សារសេ សីតុណ្ហភាពក្នុងរថយន្តអាចឡើងរហូតដល់៦០អង្សារសេឯណោះ ដែលកំដៅនេះអាចបណ្តាលឲ្យយើងស្លាប់ក្នុងពេលមិនប៉ុន្មានម៉ោងប៉ុណ្ណោះ ។
យើងមិនគួរទុកវត្ថុមួយចំនួននៅក្នុងរថយន្តទេ ខណៈចតកណ្តាលថ្ងៃ ដើម្បីការពារមិនឲ្យរថយន្តខូចខាត តើវត្ថុទាំងនេះមានអ្វីខ្លះ ?
១-ដែកកេះ ៖
ដែកកេះអាចផ្ទុះបាន ប្រសិនបើត្រូវនឹងពន្លឺថ្ងៃក្នុងរយៈពេលយូរ ទោះបីជាកម្លាំងផ្ទុះមិនខ្លាំងក្តី ប៉ុន្តែក៏អាចធ្វើឲ្យកញ្ចក់មុខរថយន្តបែកបានដែរ បើសិនជាអ្នកទុកវាចោលក្បែរកញ្ចក់ និងមានឱកាសកើតភ្លើងឆេះទៀតផង ។
២-កំប៉ុង Spray ៖
កម្លាំងជំរុញក្នុងកំប៉ុង Spray នឹងកើនឡើង នៅពេលវាទទួលកំដៅខ្ពស់ក្នុងរយៈពេលយូរ និងអាចធ្វើឲ្យផ្ទុះឡើងបាន ។ ក្រៅពីវាមានកម្លាំងខ្លាំង និងធ្វើឲ្យកញ្ចក់បែកហើយនោះ សារជាតិគីមីនៅក្នុងកំប៉ុងនឹងបែកខ្ចាយពេញពាសរថយន្ត រហូតដល់មានការខូចខាត ។
៣-ឧបករណ៍សាកថ្ម (Power Bank) ៖
ឧបករណ៍សាកថ្មភាគច្រើនជាប្រភេទថ្ម Lithium-ion battery ដែលសារធាតុ lithium ក្នុងថ្មជាលោហៈ និងមានប្រតិកម្មគីមី ។ វាអាចកាត់ចរន្តនៅពេលទទួលកំដៅខ្លាំង ទោះបីជាយើងមិនបានប្រើការ ឬបញ្ចូលថ្មទូរស័ព្ទក៏ដោយ។ បើឧបករណ៍សាកថ្មនេះមានទំហំធំប៉ុនណា វាកាន់តែធ្វើឲ្យខូចខាតខ្លាំងកម្រិតនោះដែរ ។
៤-ទូរស័ព្ទដៃ ៖
បន្ទាប់ពីកំដៅអាចធ្វើឲ្យផ្នែកខាងក្នុងទូរស័ព្ទខូចខាតហើយនោះ ថ្មទូរស័ព្ទក៏អាចផ្ទុះបានដូចគ្នា ជាពិសេស ទូរស័ព្ទដែលបើកដំណើរការ អាចមានការបញ្ជូនទិន្នន័យ Background Data ធ្វើឲ្យកំដៅទូរស័ព្ទឡើងខ្លាំង ដែលមានហានិភ័យបណ្តាលឲ្យផ្ទុះកាន់តែខ្លាំងឡើង ។
៥-ផ្ទាំងជ័រការពាររអិល ៖
ផ្ទាំងជ័រការពាររអិលសម្រាប់ដាក់ក្រោមទូរស័ព្ទ ដែលគេតែងដាក់វានៅលើទីតាំងផ្សេងៗក្នុងរថយន្ត ទោះបីជាមិនផ្ទុះដូចករណីខាងលើដែលរៀបរាប់មកក្តី ប៉ុន្តែវាអាចរលាយជាប់នឹងកន្លែងដាក់នោះ បើត្រូវកំដៅថ្ងៃយូរ ។
វិធីល្អ បើចាំបាច់ត្រូវដាក់វត្ថុទាំងអស់នេះនៅក្នុងរថយន្ត យើងគួរទុកនៅកន្លែងណាដែលមិនត្រូវកំដៅថ្ងៃដោយផ្ទាល់ ដូចជា ប្រអប់ដាក់សម្ភារ ឬផ្នែកខាងក្រោមកៅអី វានឹងជួយកាត់បន្ថយហានិភ័យបាន៕
ចែករំលែកព័តមាននេះ