ស្ត្រីចំណាស់ស្កាត់ជួបភ្នាក់ងារកោះសន្តិភាព បានទទួលអំណោយ
ខេត្តបន្ទាយមានជ័យ ៖ អំណោយជាគ្រឿងឧបភោគបរិភោគ និងថវិកាមួយចំនួនត្រូវបាន
ខេត្តបន្ទាយមានជ័យ ៖ អំណោយជាគ្រឿងឧបភោគបរិភោគ និងថវិកាមួយចំនួនត្រូវបានប្រធានមន្ទីរសង្គមកិច្ចអតីតយុវជន និងយុវនិតិសម្បទាខេត្តបន្ទាយមានជ័យ សហការណ៍ជាមួយការិយាល័យសង្គមកិច្ច និងកិច្ចការនារីក្រុងប៉ោយប៉ែត/អាជ្ញាធរភូមិ នាំយកទៅចែកជូនស្ត្រីចំណាស់ជរា ដែលចិញ្ចឹមចៅកំព្រាដែលកាលពីពេលថ្មីៗនេះអត់អង្ករបបរ រហូតស្កាត់ជួបភ្នាក់ងារកោះសន្តិភាពដល់ផ្ទះ។ ពិធីចែកអំណោយនេះធ្វើឡើងនៅចំណុចស្នាក់នៅរបស់លោកយាយ ហាច ខឿប អាយុ៧៦ឆ្នាំ នៅភូមិមិត្តភាព សង្កាត់និងក្រុងប៉ោយប៉ែត។
អំណោយរួមមាន អង្ក១ការ៉ុង ទម្ងន់៥០គីឡូក្រាម មី១កេស ទឹកសុទ្ធ៤យួរ ប្រេងឆា២ដប ទឹកស៊ីអ៊ីវ១យួរ មុង១ ផួយ១ និងថវិកាចំនួន១០ម៉ឺនរៀល។ លោក ឃុន វុទ្ធី ប្រធានមន្ទីរសង្គមកិច្ចអតីតយុវជន និងនិតិសម្បទាខេត្តបន្ទាយមានជ័យ ប្រាប់កោះសន្តិភាពថា ជានិច្ចកាលប្រមុខដឹកនាំរាជរដ្ឋាភិបាលក្រោមការដឹកនាំរបស់សម្តេចតេជោ ហ៊ុន សែន ពិសេសគណៈបក្សប្រជាជនកម្ពុជាតែងតែយកចិត្តទុកដាក់លើសុខទុក្ខពលរដ្ឋដោយមិនឲ្យពលរដ្ឋណាម្នាក់ដាច់បាយស្លាប់ឡើយ។
លោកប្រធានមន្ទីរបន្តថា ក្រោយពីគេហទំព័រកាសែតកោះសន្តិភាពចុះផ្សាយរឿងស្ត្រីទីទ័លក្រខាងលើ ថ្នាក់ដឹកនាំបានឲ្យលោកដឹកនាំក្រុមការងារចុះដល់កន្លែងកើតហេតុដើម្បីពិនិត្យស្ថានភាពជាក់ស្តែងកាលពីរសៀលថ្ងៃទី១១តុលា ២០១៧ និងនាំយកអំណោយចែកជូនគ្រួសារមួយនេះតែម្តង៕
ចែករំលែកព័តមាននេះ