ទីផ្សាររថយន្ត ជជុះចាប់ផ្តើមមានបញ្ហាកាន់តែខ្លាំងឡើង
រាជធានីភ្នំពេញ ៖ ស្របពេលការប្រកួតប្រជែងកើនឡើង ការប្រើប្រាស់រថយន្តថ្មីកាន់តែកើនឡើង ហើយការលក់រថយន្តជជុះចាប់ផ្តើម
រាជធានីភ្នំពេញ ៖ ស្របពេលការប្រកួតប្រជែងកើនឡើង ការប្រើប្រាស់រថយន្តថ្មីកាន់តែកើនឡើង ហើយការលក់រថយន្តជជុះចាប់ផ្តើម
រាជធានីភ្នំពេញ ៖ ស្របពេលការប្រកួតប្រជែងកើនឡើង ការប្រើប្រាស់រថយន្តថ្មីកាន់តែកើនឡើង ហើយការលក់រថយន្តជជុះចាប់ផ្តើមធ្លាក់ចុះពីទីផ្សារ ។ នេះបើតាមការឲ្យដឹងពីអ្នកលក់រថយន្តមួយទឹកនានា ។
លោក អឹុង សុខនៅ អ្នករកស៊ីគួកជេរថយន្តជជុះ បាននិយាយតាមទូរស័ព្ទកាលពីល្ងាចថ្ងៃទី៤ តុលា ថា ការលក់រថយន្តជជុះបានចាប់ផ្តើមធ្លាក់ចុះជាបណ្តើរៗប៉ុន្មានឆ្នាំមកហើយ ប៉ុន្តែការលក់ឆ្នាំនេះកាន់តែថយចុះបន្ថែមទៀត ដោយសារការប្រកួតប្រជែងកើនឡើង និងប្រជាពលរដ្ឋពិបាករកចំណូលជាងមុន ។
លោកនិយាយថា ៖« ខ្ញុំលំបាករកទាំងឡានយកមកលក់ និងរកបានហើយក៏ពិបាកលក់ផងដែរ ព្រោះទីផ្សារហាក់ដូចជាកាន់តែមានផលវិបាក » ។ លោកបន្តថា ៖« ខ្ញុំរកស៊ីលក់ឡានជជុះយូរមកហើយ ឃើញថា ទីផ្សារកំពុងមានបញ្ហា ព្រោះអ្នកនាំចូលកាន់តែច្រើន ពិសេសរថយន្តថ្មីៗ » ។
ម្ចាស់ឃ្លាំងលក់រថយន្តមួយទឹក នៅតាមបណ្តោយមហាវិថីម៉ៅសេទុង លោក ចក់ សារិន បានឲ្យដឹងផងដែរថា ការលក់រថយន្តឆ្នាំនេះ ពិតជាបានថយចុះតាំងពីដើមឆ្នាំមក ដោយមិនដឹងមូលហេតុអ្វីឡើយ ប៉ុន្តែលោកបានសន្និដ្ឋានទាំងអស់សំណើចថា អ្នកមានលទ្ធភាពទិញរថយន្ត មានរថយន្តច្រើនរួចទៅហើយ ហើយអ្នកមានលទ្ធភាពកាន់តែច្រើនបានងាកទៅប្រើប្រាស់រថយន្តថ្មី ។
លោកបន្តថា ៖« ទោះជាយ៉ាងណា លោកគិតថា ទីផ្សារឡានជជុះនឹងមិនបញ្ចប់នៅពេលឆាប់ៗឡើយ វាអាស្រ័យលើរដ្ឋាភិបាលបិទការនាំចូលប៉ុណ្ណោះ ទើបឡានជជុះថមថយខ្លាំងក្នុងទីផ្សារ » ។
លោក ពាង ម៉ាន់ អគ្គនាយកក្រុមហ៊ុនGreat Wall Cambodia បានថ្លែងថា ទីផ្សាររថយន្តថ្មីបានបន្តសញ្ញាល្អប្រសើរពីមួយឆ្នាំទៅមួយឆ្នាំ ដោយសារប្រជាពលរដ្ឋយល់ដឹងកាន់តែប្រសើរជាងមុន ពីការប្រើប្រាស់រថយន្តថ្មីមានផាសុកភាព សុវត្ថិភាពខ្ពស់ និងលក្ខខណ្ឌនៃការទទួលបានឥណទានទិញរថយន្តពីធនាគារ និងមីក្រូហិរញ្ញវត្ថុនានាកាន់តែងាយស្រួល ។
លោកមានប្រសាសន៍ថា ៖« ជាមួយនិន្នាការទីផ្សារប្រែប្រួលបែបនេះ Great Wall Cambodia បានផ្តល់ការបង់រំលស់ដល់អតិថិជនទិញរថយន្តរបស់ខ្ញុំផងដែរ ដើម្បីឲ្យពួកគេអាចប្រើប្រាស់រថយន្តថ្មីបាន » ។ លោកបន្តថា ៖«ខ្ញុំមានសុទិដ្ឋិនិយមថា ទីផ្សាររថយន្តជជុះនឹងថយចុះ ហើយរថយន្តថ្មីនឹងកើនឡើងក្នុងទីផ្សារជាបន្តបន្ទាប់ » ៕
ចែករំលែកព័តមាននេះ