ច្បាប់រដ្ឋាកររបស់លោកត្រាំ ផ្តល់ប្រយោជន៍អ្វី
ទីក្រុងញូវយ៉ក ៖ បន្ទាប់ពីបរាជ័យក្នុងការលុបបំបាត់ Obamacare នាឆ្នាំ២០១០មក រដ្ឋាភិបាលលោកប្រធានាធិបតី ដូណាល់ ត្រាំ
ទីក្រុងញូវយ៉ក ៖ បន្ទាប់ពីបរាជ័យក្នុងការលុបបំបាត់ Obamacare នាឆ្នាំ២០១០មក រដ្ឋាភិបាលលោកប្រធានាធិបតី ដូណាល់ ត្រាំ
ទីក្រុងញូវយ៉ក ៖ បន្ទាប់ពីបរាជ័យក្នុងការលុបបំបាត់ Obamacare នាឆ្នាំ២០១០មក រដ្ឋាភិបាលលោកប្រធានាធិបតី ដូណាល់ ត្រាំ (Donald Trump) បានងាកទៅរកកំណែទម្រង់ច្បាប់រដ្ឋាករវិញ ។ គោលនយោបាយរដ្ឋាករ គួរតែបង្កើតឡើងដោយឆ្លុះបញ្ចាំងពីតម្លៃ និងដោះស្រាយបញ្ហាក្នុងប្រទេស ។
បច្ចុប្បន្ន សហរដ្ឋអាមេរិកជួបប្រទះនឹងបញ្ហាធំៗចំនួន៤ រួមមាន ការរីកធំឡើងនៃវិសមភាពប្រាក់ចំណូល, អសន្តិសុខការងារ, បម្រែបម្រួលបរិយាកាស និងការលូតលាស់ទន់ខ្សោយក្នុងសមត្ថភាពផលិត ។
លើសពីនេះ សហរដ្ឋអាមេរិកត្រូវតែសាងសង់ហេដ្ឋារចនាសម្ព័ន្ធកំពុងតែខូចខាត ហើយពង្រឹងប្រព័ន្ធអប់រំថ្នាក់បឋមសិក្សា និងអនុវិទ្យាល័យជាដើម ។
ប៉ុន្តែអ្វីដែលលោកត្រាំ និងសមាជិកគណបក្សសាធារណរដ្ឋផ្តល់ជូនពលរដ្ឋនោះ បែរជាកំណែទម្រង់ច្បាប់រដ្ឋាករ ដែលផ្តល់អត្ថប្រយោជន៍ភាគច្រើនដល់អ្នកមានទ្រព្យសម្បត្តិស្តុកស្តម្ភទៅវិញ ។
នៅក្នុងចំណោមអ្នកទទួលអត្ថប្រយោជន៍ច្រើនរួមមាន សាជីវកម្ម និងអាជីវកម្ម ។ សមាជិកគណបក្សនេះយល់ថា ពួកគេគួរផ្តល់អត្ថប្រយោជន៍ដល់សាជីវកម្ម និងអាជីវកម្ម ដោយកាត់បន្ថយពន្ធសម្រាប់ក្រុមហ៊ុនវិនិយោគនៅសហរដ្ឋអាមេរិក និងបង្កើតការងារ ខណៈបង្កើនពន្ធលើក្រុមហ៊ុនណាដែលធ្វើផ្ទុយពីនេះ ។
គណបក្សខាងលើ ក៏ចង់ឲ្យយកពន្ធតែលើប្រាក់ចំណូលដែលក្រុមហ៊ុនរកបានក្នុងសហរដ្ឋអាមេរិកផងដែរ ។ ការធ្វើដូច្នេះ នឹងកាត់បន្ថយប្រាក់ចំណូល និងជំរុញឲ្យក្រុមហ៊ុនទាំងនោះប្តូរទីតាំងផលិតកម្ម ។ ដើម្បីជៀសវាងបញ្ហានេះ រដ្ឋាភិបាលអាចដាក់អត្រាអប្បបរមាសម្រាប់ក្រុមហ៊ុនជាប់ពាក់ព័ន្ធនឹងការប្រកបអាជីវកម្មនៅសហរដ្ឋអាមេរិក ។
រដ្ឋ និងតំបន់គ្រប់គ្រងផ្សេងៗនៅសហរដ្ឋអាមេរិក គឺជាអ្នករ៉ាប់រងការចំណាយលើការអប់រំ និងផ្នែកដ៏ធំនៃវិស័យសុខាភិបាល ។ ការយកពន្ធលើប្រាក់ចំណូលក្រុមហ៊ុន គឺជាវិធីដ៏ល្អសម្រាប់ប្រមូលថវិកា ។ នេះប្រហែលមកពីក្នុងរដ្ឋាភិបាលលោកត្រាំ ចង់ឲ្យរដ្ឋផ្សេងៗងាកទៅយកពន្ធលើការលក់ ។
ការដោះស្រាយបញ្ហាដែលសហរដ្ឋអាមេរិកកំពុងតែជួបប្រទះ គឺត្រូវការប្រាក់ចំណូលរដ្ឋាភិបាលកាន់តែច្រើន ។ ឧទាហរណ៍ ដើម្បីបង្កើនគុណភាពការរស់នៅរបស់ពលរដ្ឋ រដ្ឋាភិបាលត្រូវផ្តល់ថវិកាសម្រាប់ការស្រាវជ្រាវ និងបង្កើតបច្ចេកវិទ្យាថ្មីៗជាដើម ។ ប៉ុន្តែថវិកាដែលរដ្ឋាភិបាលជួយដល់ការស្រាវជ្រាវនេះ គឺស្មើនឹងកម្រិតផ្តល់ឲ្យកាលពី៦០ឆ្នាំនៅឡើយ ។
សំណើកំណែទម្រង់របស់លោកត្រាំ នឹងបងើ្កនបំណុលប្រទេសរាប់ទ្រីលានដុល្លារបន្ថែមទៀតក្នុងរយៈពេល១០ឆ្នាំខាងមុខ ខុសពីការអះអាងរបស់សមាជិកគណបក្សសាធារណរដ្ឋថា វានឹងបន្ថែមប្រាក់១,៥ទ្រីលានដុល្លារ ។
ពេលនេះ អត្រាអ្នកគ្មានការងារធ្វើស្មើប្រមាណ៤% ហើយរាល់ការបង្កើនតម្រូវការនឹងបង្កឲ្យមានកំណើនអត្រាការប្រាក់ ។ ករណីនេះនឹងធ្វើឲ្យការវិនិយោគ និងការលូតលាស់ធ្លាក់ចុះ ។
ក្របខ័ណ្ឌអាចបង្កើនប្រាក់ចំណូល និងជំរុញដល់ការលូតលាស់រួមមាន កំណែទម្រង់ពន្ធប្រាក់ចំណូលសាជីវកម្ម គឺលុបបំបាត់ការបង់ពន្ធកម្រិតទាបរបស់ក្រុមហ៊ុនទាំងនោះ ដែលធ្វើឲ្យពួកគេមានប្រៀបជាងអាជីវកម្មតូចៗ ។
វារួមមានពន្ធអប្បបរមា និងការលុបបំបាត់រាល់អត្ថប្រយោជន៍ផ្សេងៗ ដែលអនុញ្ញាតឲ្យអ្នកមានទ្រព្យសម្បត្តិបង់ពន្ធប្រាក់ចំណូលក្នុងកម្រិតស្មើពលរដ្ឋដទៃ ។ លើសពីនេះ រដ្ឋាភិបាលគួរតែចេញពន្ធលើឧស្ម័នកាបូនិក ដើម្បីជំរុញការផ្លាស់ប្តូរសេដ្ឋកិច្ចឲ្យទៅជាសេដ្ឋកិច្ចបៃតង ។
ច្បាប់រដ្ឋាករ ក៏អាចយកមកប្រើប្រាស់ដើម្បីរៀបចំសេដ្ឋកិច្ចផងដែរ ។ ក្រៅពីការផ្តល់អត្ថប្រយោជន៍ដល់វិនិយោគិន ការស្រាវជ្រាវ និងបង្កើតការងារក្នុងប្រទេស ការបង្កើនពន្ធលើដី និងអចលនទ្រព្យ នឹងជំរុញឲ្យមានការវិនិយោគលើការបង្កើនសមត្ថភាពផលិត ដែលជាកត្តាជំរុញការរស់នៅរយៈពេលវែង ។
កំណែទម្រង់ច្បាប់រដ្ឋាករនេះ នឹងជាកាដូកាន់តែធំសម្រាប់សាជីវកម្ម និងអ្នកមានទ្រព្យសម្បត្តិស្តុកស្តម្ភ ។ វានៅមានចន្លោះប្រហោងច្រើន ដែលអាចបង្កឲ្យប្រទេសជួបប្រទះបំណុលកាន់តែខ្លាំង ហើយការលូតលាស់នៃសមត្ថភាពផលិតអាចនឹងផ្អាក និងមានវិសមភាពកាន់តែធ្ងន់ធ្ងរឡើង ៕
ចែករំលែកព័តមាននេះ