អ្នកផ្សាយព័ត៌មានធ្វើការលើសម៉ោងរហូតដល់ស្លា.ប់
ទីភ្នាក់ងារព័ត៌មានកាលពីពេល ថ្មីៗកន្លងមកផ្សាយថា
ទីភ្នាក់ងារព័ត៌មានកាលពីពេល ថ្មីៗកន្លងមកផ្សាយថា
ទីភ្នាក់ងារព័ត៌មានជប៉ុន«NHK»កាលពីពេល ថ្មីៗកន្លងមកផ្សាយថា នាងMiva Sadoអ្នកផ្សាយព័ត៌មានអាយុ៣១ឆ្នាំរបស់ស្ថានីយទូរទស្សន៍នេះបានស្លាប់បាត់បង់ជីវិតដោយគាំងបេះដូង ក្រោយពេលបម្រើការងារលើសកំណត់។ នាងបានលាឈប់ពីការងារត្រឹមតែ២ថ្ងៃក្នុងមួយខែ ក្រោយមកស្លាប់បាត់បង់ជីវិត ព្រោះតែបម្រើការងារច្រើនដល់ទៅ១៥៩ម៉ោងក្នុងមួយខែ រួមទាំងថ្ងៃឈប់សម្រាកផងដែរ ជារួមនាងបម្រើការងារដោយថែមម៉ោងក្នុងមួយថ្ងៃដល់ទៅ៦ម៉ោងឯណោះ ។
នាងMiva Sadoស្លាប់បាត់បង់ជីវិតនៅខែកក្កដា ២០១៣ ប៉ុន្តែចៅហ្វាយនាយរបស់នាងទើបតែបង្ហើបឱ្យដឹងកាលពីពេល ថ្មីៗកន្លងទៅ ។ Sadoជាអ្នកផ្សាយព័ត៌មានជំនាញលើផ្នែកនយោបាយ និងការងារទាក់ទងនឹងរដ្ឋបាលមូលដ្ឋាននៅក្រុងតូក្យូ ។ នាងចូលបម្រើការងារឱ្យ«NHK»កាលពីឆ្នាំ២០០២នៅក្នុងខេត្តកាកូស៊ីម៉ាក្រោយមកផ្លាស់ទៅបម្រកការនៅការិយាល័យក្រុងតូក្យូនៅខែកក្កដា ឆ្នាំ២០១០ ដោយទទួលខុសត្រូវលើព័ត៌មានទាក់ទងនឹងរដ្ឋបាលមូលដ្ឋានក្រុងតូក្យូរយៈពេល២ឆ្នាំ ក្រោយមកក៏គ្រោះថ្នាក់ដល់ជីវិតបន្ទាប់ពីផ្សាយព័ត៌មានពីការបោះឆ្នោតថ្នាក់ជាតិបាន៣ថ្ងៃ ។
លោកម៉ាសាហ៊ីកា យ៉ាម៉ាអ៊ូស៊ី ជាព្រឹទ្ធបុរសនៅក្នុង«NHK»ថ្លែងថា ការស្លាប់របស់នាងSadoឆ្លុះបញ្ចាំងពីបញ្ហារបស់អង្គភាពការងារទាំងអស់បាន ទាំងប្រព័ន្ធការងារ និងព័ត៌មាននៃការបោះឆ្នោត ។
ការបំពេញការងារច្រើនបណ្តាលឱ្យស្លាប់បាត់បង់ជីវិតនៅជប៉ុនគឺជា«ជំងឺងុបងុលនឹងការងារ»រមែងកើតឡើងទៅលើមនុស្សធ្វើការហួសម៉ោងដល់ទៅ៨០ម៉ោងក្នុងមួយខែ ដោយក្នុងមួយឆ្នាំនៅប្រទេសជប៉ុននឹងមានអ្នកធ្វើអត្តឃាតពីការងារធ្ងន់ និងភាពតានតឹងនៅក្នុងចិត្តមានប្រហែល២០០០នាក់ ។ រដ្ឋាភិបាលគួរទប់ស្កាត់បញ្ហានេះឱ្យបានប្រាកដប្រជាដូចជាឃោសនាបំផុសឱ្យបុគ្គលិកធ្វើការត្រូវឈប់សម្រាកពីការងារឱ្យបានឆាប់ជាងប្រក្រតី ៕
ចែករំលែកព័តមាននេះ