ដោយសារលោកយាយវេទនា និងឃ្លានពេក… រត់រកភ្នាក់ងារកោះសន្តិភាពដល់ផ្ទះ
ខេត្តបន្ទាយមានជ័យ ៖ ម្តាយគេម្តាយយើងតើខ្លោចផ្សារយ៉ាងណា?
ខេត្តបន្ទាយមានជ័យ ៖ ម្តាយគេម្តាយយើងតើខ្លោចផ្សារយ៉ាងណា?
ខេត្តបន្ទាយមានជ័យ ៖ ម្តាយគេម្តាយយើងតើខ្លោចផ្សារយ៉ាងណា? បើរកតែអង្ករដាំបាយគ្មានហើយចាស់ជរាផងនោះ ។ មិនតែប៉ុណ្ណោះ គាត់ត្រូវចិញ្ចឹមចៅៗទៀតផង ។ លោកយាយដែលរស់អាស្រ័យលើការដើររើសស្ពាន់តាមគំនរផេះ ដែលគេដុតខោអាវជជុះចាស់ៗចោលយកលក់ ដើម្បីបានប្រាក់ទិញអង្ករចិញ្ចឹមចៅកំព្រារហូត៤នាក់ ។ ហើយកន្លងមក លោកយាយក៏ធ្លាប់ទទួលអំណោយសប្បុរសជននៅរាជធានីភ្នំពេញ តាមរយៈភ្នាក់ងារកោះសន្តិភាពដែរ ។
ជាក់ស្តែង កាលពីព្រឹកថ្ងៃទី10 តុលា នេះ លោកយាយ ហាច ខឿប មានព្រះជន្ម៧៦ឆ្នាំ រស់នៅភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត បានទៅរកភ្នាក់ងារកោះសន្តិភាពដល់លំនៅឋានតែម្តង ដោយបានលើកដៃសំពះទាំងទឹកភ្នែកហូររហាម សុំអង្ករដើម្បីបានយកទៅដាំបបរហូប ព្រោះតែក្រខ្លាំងពេករកអ្វីលែងបានភ្លៀងធ្លាក់រាល់ថ្ងៃ ។ លោករៀបរាប់ថា កន្លងមក ធ្លាប់ចិញ្ចឹមចៅក្នុងបន្ទុករហូត៣នាក់ តែពេលនេះចៅ២នាក់ត្រូវម្តាយឪពុកគេយកចិញ្ចឹមវិញហើយ ។
ដោយមើលឃើញពីទុក្ខលំបាកខ្លាំងពេកភ្នាក់ងារកោះសន្តិភាពក៏បានជូនអង្ករទៅលោកយាយចំនួន៥គីឡូក្រាម និងត្រីខ៥កំប៉ុង, ទឹកត្រី និងទឹកស៊ីអ៊ីវមួយចំនួន ដើម្បីចូលរួមរំលែកទុក្ខមួយគ្រា ។ ចុងក្រោយ លោកយាយបានសុំអំពាវនាវដល់សប្បុរសជនក្នុងនិងក្រៅប្រទេស មេត្តាជួយគាត់បន្តទៀតផង ។
ចែករំលែកព័តមាននេះ