ដោះស្រាយមិនចេញ ព្រោះតែប៉ះពាល់សំណង់អ្នកជិតខាង(មានវីដេអូ)
រាជធានីភ្នំពេញ ៖ គណៈកម្មាការចម្រុះខណ្ឌចំការមនមួយក្រុម ដែលដឹកនាំដោយលោក ធីម សំអាន អភិបាលរងខណ្ឌ លោក ស៊ុន សិទ្ធី នាយរងរដ្ឋបាលខណ្ឌ បានចុះ
រាជធានីភ្នំពេញ ៖ គណៈកម្មាការចម្រុះខណ្ឌចំការមនមួយក្រុម ដែលដឹកនាំដោយលោក ធីម សំអាន អភិបាលរងខណ្ឌ លោក ស៊ុន សិទ្ធី នាយរងរដ្ឋបាលខណ្ឌ បានចុះមកធ្វើការបិទការដ្ឋានសំណង់មួយកន្លែង ក្រោយពីមានពាក្យបណ្តឹងអំពីសំណាក់លោក សៅ សិរីវុទ្ធី អនុរដ្ឋលេខាធិការក្រសួងកសិកម្មរុក្ខាប្រមាញ់ និងនេសាទធ្វើឲ្យប្រេះរបងផ្ទះទារសំណង់ចំនួន១៥ម៉ឺនដុល្លារដោះស្រាយមិនចេញ ។ ការចុះមកបិទការដ្ឋានខាងលើនេះបានធ្វើឡើងកាលពីវេលាម៉ោង៨និង៣០នាទីព្រឹកថ្ងៃទី១០ ខែតុលា ឆ្នាំ២០១៧ នៅចំណុចដីឡូតិ៍លេខ១៦៩ ផ្លូវលេខ៤៦៦ ក្នុងសង្កាត់ទួលទំពូងទី១ ខណ្ឌចំការមន។
លោក ធីម សំអាន អភិបាលរងខណ្ឌចំការមនបានប្រាប់ឱ្យដឹងថា ក្នុងពេលនេះដែរគណៈកម្មការរបស់លោកបានចុះមកធ្វើការបិទសកម្មភាពសាងសង់របស់ការដ្ឋានសំណង់មួយកន្លែងនេះជាបណ្តោះអាសន្ន ក្រោយពីការដ្ឋានមួយនេះធ្វើឲ្យប៉ះពាល់ដល់ផ្ទះអ្នករស់នៅក្បែរខាង ហើយនៅមិនទាន់ធ្វើការដោះស្រាយគ្នាចប់សព្វគ្រប់នោះ ។ ការចុះមកបិទនូវការដ្ឋានសំណង់មួយកន្លែងខាងលើនេះដែរ គឺលើកនេះជាលើកទី៣មកហើយ ដោយកាលពីពេលកន្លងមកនេះ សាលាខណ្ឌក៏បានតម្រូវឲ្យភាគីទាំងពីររវាងខាងការដ្ឋានសំណង់ និងផ្ទះអ្នកជិតខាងម្នាក់ដែលរងផលប៉ះពាល់ដោយ ប្រេះរបង ស្រុតដី នៅជាប់ព្រំប្រទល់គ្នានេះជាច្រើនលើកច្រើនសារមកហើយ តែនៅមិនទាន់ដាច់ស្រេច ។ ក្នុងការចុះមកបិទសកម្មភាពសាងសង់ជាបណ្តោះអាសន្នរបស់ការដ្ឋានសំណង់នេះផងដែរ គណៈកម្មាធិការរបស់លោកក៏បានធ្វើការដកហូតនូវសម្ភារមួយចំនួនយកទៅរក្សាទុក ដើម្បីរង់ចាំការធ្វើការដោះស្រាយគ្នាជាបន្តទៅទៀតផងដែរ៕
ចែករំលែកព័តមាននេះ