រកឃើញរណ្តៅសពបព្វជិតសង់កាលពីសតវត្សទី៤ម៉្លេះ
សារព័ត៌មានបរទេសផ្សាយថា
សារព័ត៌មានបរទេសផ្សាយថា
សារព័ត៌មានបរទេសផ្សាយថា ក្រុមអ្នកបុរាណវិទ្យាក្នុងប្រទេសតួកគីរកឃើញវត្ថុម្យ៉ាងអាចជារណ្តៅសពSt.Nicholasជាបព្វជិតចូលចិត្តចែករង្វាន់ រហូតទទួលរហស្សនាមថាជា«Santa Claus»នៅខាងក្រៅវិហារបុរាណមួយក្នុងក្រុង«Demre»ឬឈ្មោះដើមហៅថា«Myra»ក្នុងខេត្តអង់តាល់យ៉ាភាគខាងត្បូងប្រទេសតួកគី ។ ក្រុងនោះគេមានជំនឿថាជាទីកន្លែងកំណើតរបស់បព្វជិតSt.Nicholasសតវត្សទី៤ ។
លោកCemil Karabayramប្រធានបូជនីយស្ថាននៅក្នុងខេត្តអង់តាល់យ៉ា ថ្លែងថា ទីតាំងកប់សពនោះប្រទះឃើញក្នុងពេលស្រាវជ្រាវដោយរលកចរន្តបង្ហាញឱ្យឃើញគម្លាតក្រហូងនៅខាងក្រោមវិហារ ហើយមានជំនឿថាទីកន្លែងកប់នេះមិនបានទទួលការខូចខាត ប៉ុន្តែជារឿងដ៏ពិបាកមួយដែលចូលទៅដល់រណ្តៅសព ។
របាយការណ៍បញ្ជាក់ថា លោកSt.Nicholasស្លាប់បាត់បង់ជីវិតនៅក្នុងឆ្នាំ៣៤៣ដោយសពរបស់លោកត្រូវរក្សាទុកនៅក្នុងវិហារនេះ នៅទីក្រុងDemreរហូតដល់សតវត្សទី១១ និងមានជំនឿថាសពត្រូវអាជីវករជាអ្នកលួចជីកយកទៅរក្សាទុកនៅក្រុងបារី ប្រទេសអីុតាលីក្នុងឆ្នាំ១០៨៧ និងទុកក្នុងវិហារ«បាស៊ីលីកាឌីសាននីកូឡា»ដើម្បីទាក់ទាញគ្រឹស្តសាសនិក ។ ទោះជាយ៉ាងណាក៏ដោយ អ្នកឯកទេសជនជាតិតួកគីជាច្រើននាក់អះអាងថា សពដែលត្រូវលួចជីកនេះជាព្រះរូបអង្គផ្សេង មិនមែនជាបព្វជិតNicholasទេ ។
ព្រះអង្គSt.Nicholasនៅក្រុងMyraត្រូវបានគេស្គាល់ថាមានក្តីមេត្តាដល់កុមារ និងរមែងផ្តល់រង្វាន់ដល់កុមារដូចជាដាក់កាក់ក្នុងស្បែកជើងដែលដោះនៅក្នុងថ្ងៃជប់លៀងសាសនា«Festival Day»របស់បព្វជិតNicholasត្រូវនឹងថ្ងៃទី៦ ធ្នូ ។ បព្វជិតNicholasចាប់ផ្តើមល្បីល្បាញនៅអឺរ៉ុបក្នុងអំឡុងសតវត្សទី១៦ក្នុងនាមជាបិតាជាតិនៃបុណ្យគ្រីស្មាសជាអ្នកផ្តល់រង្វាន់ដល់កុមារ ។
ពលរដ្ឋហូឡង់ដែលធ្វើដំណើរទៅដល់អាមេរិកបានហៅលោកSt.Nicholasថា«Sinterklaas»ក្រោយមកក៏ហៅថា«Santa Claus»ក្នុងពេលបច្ចុប្បន្ន ៕
ចែករំលែកព័តមាននេះ