ស្តាយស្រណោះណាស់… លែងបានឃើញគាត់ច្រៀងកំប្លែងទៀតហើយ
ខេត្តកំពត ៖ អ្នកចម្រៀងប្រពៃណីម្នាក់ ដែលមានឈ្មោះបោះសំឡេងខាងពិធីកាត់សក់ ដែលមានប្រជាប្រិយភាពបំផុត
ខេត្តកំពត ៖ អ្នកចម្រៀងប្រពៃណីម្នាក់ ដែលមានឈ្មោះបោះសំឡេងខាងពិធីកាត់សក់ ដែលមានប្រជាប្រិយភាពបំផុត
ខេត្តកំពត ៖ អ្នកចម្រៀងប្រពៃណីម្នាក់ ដែលមានឈ្មោះបោះសំឡេងខាងពិធីកាត់សក់ ដែលមានប្រជាប្រិយភាពបំផុតនៅក្រុងកំពត បានជួបនឹងគ្រោះអកុសល ពេលជិះម៉ូតូម៉ាក់វ៉េវដោយមានឌុបកូនប្រុស អាយុ២៣ឆ្នាំម្នាក់ផង ត្រឡប់មកពីសម្ដែងល្ខោននៅស្រុកព្រៃនប់មកផ្ទះវិញ ក៏ជិះទៅបុកគូទរថយន្តដែលចតអែបផ្លូវ បណ្ដាលឱ្យបែកមុខបាក់ជើងស្លាប់ភ្លាមៗនៅនឹងកន្លែង រីឯកូនប្រុសរងរបួសធ្ងន់ ។
ហេតុការណ៍គ្រោះថ្នាក់នេះ បានកើតឡើងកាលពីវេលាម៉ោង៥ព្រឹកថ្ងៃទី៧ តុលា នៅលើកំណាត់ផ្លូវជាតិលេខ៣ត្រង់ចំណុចភូមិចង្ហោន ឃុំព្រែកត្នោត ស្រុកទឹកឈូ ។ ជនរងគ្រោះត្រូវបានគេស្គាល់ថា ជាអ្នកកំប្លែង គេពេញនិយមជួលទៅសម្ដែង ក្នុងពីធីកាត់សក់មង្គលការកូនប្រុសស្រី ។ ឈ្មោះ ជួប ឆាយ៉ា ហៅនាយញ៉ាញ់ អាយុ៥២ឆ្នាំ នៅភូមិបុះត្របែកឃុំត្រពាំងព្រីង ស្រុកទឹកឈូ ។
អ្នកស្រីឆាយតឿ អាយុ៤៥ឆ្នាំ នៅក្រុងកំពតជាដៃគូជនរងគ្រោះធ្លាប់បានសម្ដែងក្នុងពិធីកាត់សក់ជាមួយគ្នា រាប់រយរោងក្នុងមួយរដូវមង្គលការ បានសម្ដែងក្តីក្ដុកក្ដួលយ៉ាងខ្លាំង ពេលដែលដៃគូបានបាត់បង់ជីវិត ។ អ្នកស្រីឆាយតឿ បាននិយាយថា មិនទាន់ដល់ខែគេការទេ តែបានទទួលកក់ភ្លេងការជាង៦០រោងទៅហើយ និងចេញលេងនៅខែខាងមុខនេះ ។ អ្នកស្រីនិយាយថាគាត់កំពុងជ្រើសរើសរកអ្នកណាដែលមានវោហាកំប្លែងចេះក្រម៉ិចក្រមើមមកជំនួសលោក ជួប ឆាយ៉ា កុំឱ្យខូចការដែលគេកក់ទុកជាយូរខែមកហើយ ។
លោក ពុធ ស៊ឺង នាយការិយាល័យនគរបាលចរាចរណ៍ខេត្តកំពត បានប្រាប់ឱ្យដឹងថា ជនរងគ្រោះទាំងពីរនាក់ឪពុកនិងកូនប្រុសសុទ្ធតែពាក់មួកការពារទាំងអស់ តែកូនប្រុសគ្រាន់តែរងរបួស ។ លោក ពុធ ស៊ឺង និយាយថា លោក ជួប ឆាយ៉ាប្រហែលងងុយដេកក្រោយពេលសម្ដែងល្ខោន កាលពីយប់ហើយជិះម៉ូតូត្រឡប់មកផ្ទះមិនបានមើលទៅមុខ ទើបឱ្យមានគ្រោះថ្នាក់បាត់បង់ជីវិតបែបនេះ៕
ចែករំលែកព័តមាននេះ