យល់សុបិនឱ្យទៅយកអណ្តើក បែរជាឃើញថ្មចម្លែក
ខេត្តបន្ទាយមានជ័យ ៖ ប្រភពព័ត៌មានពីអព្ភូតហេតុមួយដែលអ្នកយកព័ត៌មានយើងទទួលបាននាថ្ងៃនេះ
ខេត្តបន្ទាយមានជ័យ ៖ ប្រភពព័ត៌មានពីអព្ភូតហេតុមួយដែលអ្នកយកព័ត៌មានយើងទទួលបាននាថ្ងៃនេះ
ខេត្តបន្ទាយមានជ័យ ៖ ប្រភពព័ត៌មានពីអព្ភូតហេតុមួយដែលអ្នកយកព័ត៌មានយើងទទួលបាននាថ្ងៃនេះ មានលោកតាវ័យ៧២ឆ្នាំម្នាក់ នៅភូមិព្រីងជូ ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ នៅយប់ថ្ងៃទី២៩ ខែកញ្ញា ឆ្នាំ២០១៧ លោកតាបានដេកយល់សុបិនមានអ្នកតាគោកអំពិល មកប្រាប់ឲ្យទៅយកអណ្តើកជិតខ្ទមចម្ងាយពីភូមិប្រហែល១គីឡូម៉ែត្រ។ លោកអនុសេនីយ៍ទោ ក្រួច ហាក់ បានឲ្យដឹងថា លោកតាដែលដេកយល់សុបិននោះឈ្មោះ កាន់ ស្រី អាយុ៧២ឆ្នាំ នៅភូមិព្រីងជូ ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ។
លោកនាយប៉ុស្តិ៍បានបន្តទៀតថា តាមការរៀបរាប់របស់លោកតាបញ្ជាក់ថា នៅយប់ថ្ងៃទី២៩ កញ្ញា គាត់បានដេកយល់សុបិនឃើញមានអ្នកតាគោកអំពិលមាឌធំក្រអាញ មកពន្យល់សប្ដិ នៅថ្ងៃទី០២ តុលា វេលាម៉ោង១២យប់អធ្រាត្រឲ្យគាត់ដើរម្នាក់ឯងទៅទួលបុរាណចាស់ ដែលមានតែទួលប្រាសាទជាកន្លែងខ្ទមអ្នកតានៅ ទៅយកសត្វអណ្តើក។
គាត់ក៏ធ្វើតាមដោយនៅយប់ថ្ងៃនោះពេលគាត់ដើរទៅមិនឃើញសត្វអណ្តើកដូចអ្នកតាប្រាប់ទេ ឃើញតែថ្ម១ដុំមានទម្ងន់៨គីឡូក្រាម គាត់ក៏យកមកលាងទឹកក្នុងចានដែក ស្រាប់តែថ្មនោះមិនលិចទេ បែរជាអណ្តែតទៅវិញ ដាក់ក្នុងទឹកពាងក៏មិនលិចដែរ ទើបបង្កឲ្យមានការភ្ញាក់ផ្អើលតែម្តង។ លោកអនុសេនីយ៍ទោបានបញ្ជាក់ថា ចំពោះករណីប្រទះឃើញថ្មអណ្តែតនេះ សមត្ថកិច្ច និងអាជ្ញាធរមិនទាន់មានវិធានការណ៍យ៉ាងណានោះទេ ដោយគ្រាន់តែឲ្យលោកតាថែរក្សាទុក បើមានអ្នកណាមកចង់លួចបន្លំឲ្យប្តឹងមកសមត្ថកិច្ច និងអាជ្ញាធរមូលដ្ឋានភ្លាមៗផងដែរ៕
ចែករំលែកព័តមាននេះ