មនុស្សក្បែរនោះរន្ធត់យ៉ាងណា រថយន្តបុកបន្តកន្ទុយគ្នាខ្ទេច
ខេត្តព្រះសីហនុ ៖ តាមប្រភពពីសមត្ថកិច្ចបានឱ្យដឹងថា
ខេត្តព្រះសីហនុ ៖ តាមប្រភពពីសមត្ថកិច្ចបានឱ្យដឹងថា
ខេត្តព្រះសីហនុ ៖ តាមប្រភពពីសមត្ថកិច្ចបានឱ្យដឹងថា មានករណីគ្រោះថ្នាក់ចរាចរណ៍រថយន្តបុកបន្តកន្ទុយគ្នា ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១៥និង៣៥នាទី ថ្ងៃទី០៧ ខែតុលា ឆ្នាំ២០១៧ នៅចំណុចន្លោះគីឡូម៉ែត្រលេខ 135-136 ស្ថិតក្នុងស្រុកកំពង់សិលា ។
សមត្ថកិច្ចបានឱ្យដឹងទៀតថា មុននេះកើតហេតុមានរថយន្តមួយគ្រឿងពណ៌ខ្មៅ ពាក់ស្លាកលេខ ភ្នំពេញ 2Q-6042 មានទិសដៅពីខេត្តព្រះសីហនុទៅភ្នំពេញ អ្នកបើកបរជាជនជាតិចិន មិនស្គាល់អត្តសញ្ញាណ លុះមកដល់ចំណុចកើតហេតុរថយន្តនេះបានឡើងវ៉ាជែងកុងតឺន័រមិនផុត ក៏កាច់ចង្កូតមិនទាន់ ស្រាប់តែទៅបុករថយន្តមួយទៀតពណ៌ខៀវដឹកអ្នកដំណើរ ពាក់ស្លាកលេខភ្នំពេញ 2A-9291 ដែលមានទិសដៅបញ្ច្រាស់គ្នាបើកដោយឈ្មោះ បិន លីន ភេទប្រុស អាយុ៣៧ឆ្នាំ រស់នៅភូមិអន្លង់ភេ ឃុំត្រពាំងល្វា ស្រុកឧត្តុង្គ ខេត្តកំពង់ស្ពឺ បុកចំពីមុខខាងស្តាំដៃពេញទំហឹង បណ្តាលឱ្យរថយន្តពណ៌ខៀវនេះបន្តទៅបុកពីក្រោយរថយន្តពណ៌សមួយគ្រឿងដឹកអ្នកដំណើរដូចគ្នាដែលចតនៅចិញ្ចើមផ្លូវបើកបរដោយឈ្មោះ មាស ផានិត អាយុ៣៨ឆ្នាំ រស់នៅភូមិកំពង់ព្រីង ឃុំសិតបូ ស្រុកស្អាង ខេត្តកណ្តាល ។ ក្នុងហេតុការណ៍នេះមិនបណ្តាលឱ្យគ្រោះថ្នាក់ដល់អាយុជីវិតឡើយ ។
ក្រោយពេលកើតហេតុភ្លាមៗ កម្លាំងស្នាក់ការសន្តិសុខ ៤០២ សហការជាមួយកម្លាំងអធិការដ្ឋាននគរបាលស្រុកកំពង់សីលានៅការពារកន្លែងកើតហេតុ និងជួយសម្រួលសណ្តាប់ចរាចរណ៍មិនឱ្យមានការកកស្ទះឡើយ។
ចែករំលែកព័តមាននេះ