ទីបំផុតក្រសួងមហាផ្ទៃប្តឹងទៅតុលាការកំពូលរំលាយគណបក្សសង្គ្រោះជាតិ
រាជធានីភ្នំពេញ៖ ក្រុមមេធាវី៥រូបរបស់ក្រសួងមហាផ្ទៃ ដឹកនាំដោយលោកមេធាវី គី តិច បានដាក់ពាក្យបណ្តឹងជាផ្លូវការ
រាជធានីភ្នំពេញ៖ ក្រុមមេធាវី៥រូបរបស់ក្រសួងមហាផ្ទៃ ដឹកនាំដោយលោកមេធាវី គី តិច បានដាក់ពាក្យបណ្តឹងជាផ្លូវការ
រាជធានីភ្នំពេញ៖ ក្រុមមេធាវី៥រូបរបស់ក្រសួងមហាផ្ទៃ ដឹកនាំដោយលោកមេធាវី គី តិច បានដាក់ពាក្យបណ្តឹងជាផ្លូវការទៅតុលាការកំពូលមុននេះបន្តិច ស្នើសុំឲ្យរំលាយគណបក្សប្រឆាំង តាមពាក្យបណ្តឹងពីរដាច់ដោយឡែករបស់គណបក្ស យុវជនកម្ពុជារបស់លោក ពេជ្រ ស្រស់ និងបណ្តឹងគណបក្សហ្វ៊ុនស៊ិនប៉ិចរបស់សម្តេចក្រុមព្រះ នរោត្តម រណឬទ្ធិ ។
មេធាវីតំណាងរួមមានលោកមេធាវី គី តិច លោកមេធាវី លី ច័ន្ទតុលា លោកមេធាវី គង់ ទីលីន លោកមេធាវីសាន់ ជួយនិងលោកមេធាវីចេង ប៉េងហាប់។សម្រេចសខេងបានចុះហត្ថកលេខាលើលិខិតផ្ទេរសិទ្ធិជូនមេធាវីទាំង៥នាក់នេះជាតំណាងនិងការពារក្រសួងមហាផ្ទៃនៅគ្រម់ស្ថាប័នពាក់ព័ន្ធនឹងសំណុំរឿងនេះ។
ពាក្យបណ្តឹងបានលើកឡើងថា៖ពាក្យបណ្តឹងដែលបានដាក់ចូលតុលាការកំពូលគឺមានកម្មវត្ថុប្តឹងដើម្បីរំលាយគណបក្សសង្គ្រោះជាតិស្របតាមច្បាប់ស្តីពីគណបក្សនយោបាយនៃព្រះរាជាណាចក្រកម្ពុជា។ផ្នែកលើភស្តុតាងគ្រប់គ្រាន់ដែលបង្ហាញថាគណបក្សសង្គ្រោះជាតិបាននិងកំពុងអនុវត្តផែនការឃុបឃិតជាសម្ងាត់ជាមួយបរទេសក្នុងផ្តួលរំលំរដ្ឋអំណាចស្របច្បាប់នៅកម្ពុជាក្រោមទម្រង់នៃបដិវត្តពណ៌ដូចគំរូនៅប្រទេសយូហ្គោស្វាវីនិងស៊ែប៊ី ក៍ដូចប្រទេសមួយចំនួននៅអាស៊ីបូព៌ា។
ពាក្យបណ្តឹងរបស់ក្រុមមេធាវីបានបញ្ជាក់ថាបានរកឃើញវីដេអូឃ្លីបចំនួន៣ក្នុងចំណោមវីដេអូជាច្រើននិងភស្តុតាងជាច្រើនដែលបានដាក់ជួនតុលាកំពូលនៅថ្ងៃនេះនិងខ្លះទៀតដែលមាននៅក្នុងដៃរបស់យើងរួចជាស្រេចហើយ។តាមសំដីផ្ទាល់របស់លោកកឹម សុខាក្នុងឋានៈជាមេដឹកនាំរបស់គណបក្សសង្គ្រោះជាតិនៅក្នុងវីដេអូ៣ដែលឃើញបានរកឃើញនេះគឺជាភស្តុតាងរឹងមាំផងនិងជាសក្ខីកម្មដ៍ច្បាស់លាស់ដែលមិនអាចប្រកែកបានអំពីផែនការដែលឃុបឃិតគ្នាជាសម្ងាត់ជាមួយបរទេសក្នុងការផ្តួលរំលំរដ្ឋអំណាចស្របច្បាប់នៅកម្ពុជាក្រោមទម្រង់បដិវត្តពណ៌ដែលបាននិងកំពុងអនុវត្តដោយគណបក្សសង្គ្រោះជាតិ។
ក្រុមមេធាវីបានលើកឡើងក្នុងពាក្យបណ្តឹងទៀតថារួមនិងអង្គការមិនមែនរដ្ឋាភិបាលនិងបរទេសមួយចំនួនជ្រកក្រោមទិសស្លោកនយោបាយភូតកុហកបោកប្រាស់គឺ”ការផ្លាស់ប្តូរដោយវិជ្ជមាន”ការញុះញង់បំផ្លើសដើម្បីបំផុសចលនាប្រជាជនក្រោមស្លាកសិទ្ធិមនុស្សនិងស្លាកលទ្ធិប្រជាធិបតេយ្យព្រមទាំងការចោទប្រកាន់មិនត្រឹមត្រូវ។
ចែករំលែកព័តមាននេះ