ព្រះសង្ឃ និងគណៈកម្មការវត្តទួលអំពិល សោកស្ដាយនូវការបាត់បង់ជីវិតឯកឧត្តម អ៊ុំ ម៉ាន្នូរិន
ខេត្តកំពង់ឆ្នាំង ៖ ប្រធានគណៈកម្មការវត្តទួលអំពិល មានប្រសាសន៍ថា ឯកឧត្តមបានស្លា.ប់ទៅហើយមែន
ខេត្តកំពង់ឆ្នាំង ៖ ប្រធានគណៈកម្មការវត្តទួលអំពិល មានប្រសាសន៍ថា ឯកឧត្តមបានស្លា.ប់ទៅហើយមែន
ខេត្តកំពង់ឆ្នាំង ៖ ប្រធានគណៈកម្មការវត្តទួលអំពិល មានប្រសាសន៍ថា ឯកឧត្តមបានស្លាប់ទៅហើយមែន តែបានបន្សល់ទុកនូវស្នាដៃយ៉ាងធំធេងសម្រាប់មនុស្សជំនាន់ក្រោយប្រើប្រាស់ជាប្រយោជន៍ផ្សេងៗ ព្រោះ សមិទ្ធិផល ដែលឯកឧត្តមបានកសាង គឺជាគុណប្រយោជន៍ជាតិ និងសាសនាធំណាស់ ។ នេះជាការលើកឡើងរបស់លោកតា ទែន យីន ប្រធានគណៈកម្មការវត្តទួលអំពិល ស្ថិតក្នុងភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង កាលពីព្រឹកថ្ងៃទី០៥ ខែតុលា ឆ្នាំ២០១៧។ លោកតា ទែន យីន មានប្រសាសន៍បន្តថា ក្នុងនាមលោកជាគណៈកម្មការវត្ត សូមតំណាងឲ្យព្រះសង្ឃ ពុទ្ធបស័ទចំណុះជើងវត្ត ក៏ដូចជាប្រជាពលរដ្ឋ ក្នុងខេត្តកំពង់ឆ្នាំងសូមចូលរួមរំលែកទុក្ខ និងសោកស្តាយ នូវការបាត់បង់ជីវិត ឯកឧត្តម អ៊ុំ ម៉ាន្នូរិន ដែលជាស្ថានិកយ៉ាងសំខាន់ ក្នុងការកសាងផ្លូវ ក្លោងទ្វាររបង និងចាក់ដីនៅវត្តទួលអំពិលនេះ។
លោកតា បានបញ្ជាក់ថា ពីដើមឡើយផ្លូវចូលមកវត្តទួលអំពិលនេះមានតែផ្លូវរទេះពិបាកធ្វើដំណើរ ហើយបើខែវស្សាទឹកលិចទាល់តែជិះទូកកាណូតទើបមកបាន ក្រោយពីមានប្រព័ន្ធផ្សព្វផ្សាយផ្សេងៗមក ឯកឧត្តម បានកសាងផ្លូវមួយខ្សែមានប្រវែង២៧០០ម៉ែត្រ ដែលអស់ទឹកប្រាក់ប្រមាណជាង១០ម៉ឺនដុល្លារ និងបានកសាងក្លោងទ្វារវត្តអស់ជាង៥ម៉ឺនដុល្លារ ដង្ហែកឋិនចូលវត្ត ពីរឆ្នាំជាប់គា្នបានប្រាក់ធ្វើរបងអស់ជាង២ម៉ឺនដុល្លារ ចាក់ដីបំពេញក្នុងវត្តអស់២៥០០ឡាន អស់ជាង២ម៉ឺនដុល្លារ និងបានកសាងនូវសមទ្ធិផលផ្សេងៗជាច្រើនទៀត។ លោកតាបានចាំថា ឯកឧត្តម អ៊ុំ ម៉ាន្នូរិន ធ្លាប់មានប្រសាសន៍ថា ឯកឧត្តម និងជួយកសាងវត្តទួលអំពិលនេះរហូតដល់បានឆ្លងព្រះវិហារធ្វើថ្មី ប៉ុន្តែពេលនេះឯកឧត្តមបានលាចាកលោក ទៅហើយសូមវិញ្ញាណខន្ធឯកឧត្តមទៅកាន់សុខគតិភពកុំបីឃ្លៀងឃ្លាតឡើយ។
លោកតាបញ្ជាក់ថា នៅថ្ងៃស្អែក (៦តុលា ២០១៧) គណៈកម្មការវត្ត និងព្រះសង្ឃគង្គនៅវត្តទួលអំពិលនេះនឹងទៅចូលរួមបុណ្យសពគម្រប់៧ថ្ងៃរបស់ឯកឧត្តម នៅរាជធានីភ្នំពេញ។ សូមរំឮកថា ទីទួលអំពិល គឺជាទួលមួយនៅដាច់ស្រយាល ដែលកាលពីដើម វត្តនៅទីនេះមានសភាពឯកោណាស់មិនសូវមានពុទ្ធបរិស័ទទៅធ្វើបុណ្យនោះទេ ព្រោះតែផ្លូវជួបការលំបាក ចំណែកប្រជាពលរដ្ឋចំណុះជើងវត្តមានតែជាង១០គ្រួសារប៉ុណ្ណោះ។ ក្រោយពីមានការកសាងផ្លូវរបស់ឯកឧត្តម អ៊ុំ ម៉ាន្នូរិន មានប្រវែងជិត៣គីឡូម៉ែត្រ រួចមកទីទួលអំពិលបានក្លាយជាតំបន់ទេសចរណ៍ មានប្រជាពលរដ្ឋទៅកម្សាន្ត និងមានប្រជាពលរដ្ឋទៅធ្វើបុណ្យជាច្រើនផងដែរ។ រយៈពេលមិនទាន់បានពីរឆ្នាំផង ទួលអំពិលមានប្រជាពលរដ្ឋទៅទិញដីសង់លំនៅដ្ឋាន រស់នៅ និងប្រកបអាជីវកម្មលក់ដូរចំណីអាហារបានកើនជាង៦០គ្រួសារ ធ្វើឲ្យទួលអំពិលបានក្លាយជាទីទាក់ទាញភ្ញៀវទេសចរណ៍ទៅកម្សាន្តជាច្រើននាក់ជារៀងរាល់ថ្ងៃ៕ .
ចែករំលែកព័តមាននេះ