ស្រវឹងស្រាចុះរាយមងក្នុងទឹករណ្ដៅ មងទាក់ជើងលង់ទឹកស្លា.ប់
រាជធានីភ្នំពេញ ៖ បុរសចំណាស់ម្នាក់បានបាត់បង់ជីវិត ខណៈដែលគាត់ស្រវឹងស្រា ហើយបានចុះទៅដាកមងនៅក្នុងទឹករណ្ដៅដី
រាជធានីភ្នំពេញ ៖ បុរសចំណាស់ម្នាក់បានបាត់បង់ជីវិត ខណៈដែលគាត់ស្រវឹងស្រា ហើយបានចុះទៅដាកមងនៅក្នុងទឹករណ្ដៅដី
រាជធានីភ្នំពេញ ៖ បុរសចំណាស់ម្នាក់បានបាត់បង់ជីវិត ខណៈដែលគាត់ស្រវឹងស្រា ហើយបានចុះទៅដាកមងនៅក្នុងទឹករណ្ដៅដី ដែលមានជម្រៅជ្រៅមួយកន្លែង។ មុនដំបូងបានដាក់នៅកៀនខាងទេ ប៉ុន្តែជាអកុសលគាត់បានរអិលជើងធ្លាក់ចូលទៅកន្លែងជ្រៅ និងទាក់ជើងជាមួយមងជាប់ ទើបបណ្ដាលឲ្យគាត់ហែលមិនរួចក៏បានលង់ទឹកស្លាប់តែម្ដង ហើយបានបង្កឲ្យមានការភ្ញាក់ផ្អើល កាលពីវេលាម៉ោង៤ល្ងាច ថ្ងៃទី៣ ខែតុលា ឆ្នាំ២០១៧នេះ នៅចំណុចរណ្ដៅដីខាងលើ ដែលមានទីតាំងស្ថិតនៅក្នុងភូមិប្រទះឡាង សង្កាត់ប្រទះឡាង ខណ្ខដង្កោ រាជធានីភ្នំពេញ។ តាមប្រភពព័ត៌មានបានឲ្យដឹងថា បុរសរងគ្រោះមានឈ្មោះ ពេច សឿន អាយុ៥៥ឆ្នាំ មុខរបរជាកសិករ មានប្រពន្ធ និងកូនស្រីម្នាក់នៅក្នុងបន្ទុកគ្រួសារ។
នៅមុនពេលកើតហតុដោយបុរសរងគ្រោះរូបនោះ បានផឹកស្រារហូតដល់ស្រវឹង បន្ទាប់មកគាត់បានយកមងទៅដាក់ដើម្បីយកត្រីធ្វើម្ហូប នៅក្នុងទឹករណ្ដៅដីមួយកន្លែងខាងលើនោះ។ ដែលមុនដំបូងគាត់បានដាក់នៅក្បែរខាងមាត់រណ្ដៅដីនោះទេ ប៉ុន្តែខណៈនោះដោយសារតែគាត់ស្រវឹងស្រាជាអកុសលបានរអិលជើងធ្លាក់ចូលទៅកន្លែងទឹកជ្រៅ ទើបបណ្ដាលឲ្យលង់លិចបាត់ទៅក្នុងទឹកតែម្ដង ហើយពេលនោះដែរមានអ្នកដាក់មងនៅក្នុងទឹករណ្ដៅដីខាងលើនោះដែរ បាត់មិនឃើញជនរងគ្រោះ និងមិនបានឮគាត់និយាយក៏មានការងឿងឆ្ងល់ និងសង្ស័យថា បុរសនោះលង់ទឹកទើបនាំគ្នាចុះរាវរក។
ប្រភពដដែលបានបន្តទៀតថា ខណៈនោះមិនអាចរាវរកឃើញទេព្រោះទឹកជ្រៅពេក ទើបនាំគ្នាឡើងគោក និងបានបានស្រែកហៅប្រពន្ធរបស់គាត់ និងអ្នកជិតខាងឲ្យជួយ បង្កឲ្យមានកាភ្ញាក់ផ្អើលយ៉ាងខ្លាំង ហើយប្រពន្ធគាត់ និងអ្នកភូមិបាននាំគ្នាទៅជួយមុជទឹករាវរកមួយសន្ទុះក្រោយមកទើបប្រទះឃើញសាកសពបុរសខាងលើស្លាប់នៅបាតរណ្ដៅដីបាត់ហើយ។ ដោយជើងរបស់គាត់ត្រូវបានទាក់រុំជាប់ជាមួយមងជាប់ទើបបណ្ដាលឲ្យលង់ទឹកបែបនេះ។ ក្រោយពេលរាវរកឃើញសាកសព ក្រុមគ្រួសារបានរាយការណ៍ ជូននគរបាលចុះទៅពិនិត្យកោសល្យវិច្ច័យ រួចរាល់ទើបរៀបចំធ្វើបុណ្យតាមប្រពែណី៕
ចែករំលែកព័តមាននេះ