ក្រុងប៉ោយប៉ែតភ្លៀងមួយមេធំ ក្លាយជាជំនន់
ខេត្តបន្ទាយមានជ័យ ៖ ទីតាំងមួយចំនួននៅក្រុងប៉ោយប៉ែតក្លាយជាជំនន់ទឹកភ្លៀងបន្ទាប់ពីព្រះភិរុណបង្អុរមួយមេយ៉ាងធំនៅរសៀលថ្ងៃទី១
ខេត្តបន្ទាយមានជ័យ ៖ ទីតាំងមួយចំនួននៅក្រុងប៉ោយប៉ែតក្លាយជាជំនន់ទឹកភ្លៀងបន្ទាប់ពីព្រះភិរុណបង្អុរមួយមេយ៉ាងធំនៅរសៀលថ្ងៃទី១
ខេត្តបន្ទាយមានជ័យ ៖ ទីតាំងមួយចំនួននៅក្រុងប៉ោយប៉ែតក្លាយជាជំនន់ទឹកភ្លៀងបន្ទាប់ពីព្រះភិរុណបង្អុរមួយមេយ៉ាងធំនៅរសៀលថ្ងៃទី១ ដើមខែតុលា ២០១៧នេះ។ ដងផ្លូវតូចធំក្នុងក្រុងមួយនេះមើលទៅឃើញទឹកល្ហល្ហាច ធ្វើឲ្យអ្នកដំណើរបើកបរកាត់ទឹកព្រោងព្រៀត។ អ្នកបើកបរម៉ូតូខ្លះត្រូវវាងរកផ្លូវដែលមានទឹករាក់។ ជុំវិញបរិវេណផ្សារថ្មីប៉ោយប៉ែតមើលទៅសុទ្ធតែទឹកប៉ុន្តែមិនជ្រៅទេ ខណៈចំណតរថយន្តធំកំពុងត្រូវបានក្រុមហ៊ុនបូមទឹកចេញដើម្បីបញ្ចៀសការលិចលង់នេះ។ ចំណុចរង្វង់មូល និងទីតាំងការិយាល័យគយនិងរដ្ឋាករច្រកទ្វារអន្តរជាតិប៉ោយប៉ែត ក៏រងការជន់លិចផងដែរ។
កាបង្អុរចុះដ៏គំហុគរបស់ព្រះភិរុណនៅរសៀលនេះមិនមែនកើតឡើងតែនៅទឹកដីកម្ពុជាទេ សូម្បីតែក្នុងស្រុកអារញ្ញខេត្តស្រះកែវប្រទេសថៃពិសេសផ្សាររុងក្លឿក៏មានប្រភពថា មានភ្លៀងធ្លាក់យ៉ាងខ្លាំងផងដែរ។ យ៉ាងណាក៏ដោយគិតត្រឹមព្រលប់ថ្ងៃដដែលនេះពុំទាន់មានរបាយការណ៍ពីគ្រោះធម្មជាតិពីអាជ្ញាធរមានសមត្ថកិច្ចនៅឡើយទេ ហើយករណីជំនន់ទឹកភ្លៀងនេះក៏លិចលង់តែចំពោះទីតាំងទំនាបៗតែប៉ុណ្ណោះ៕
ចែករំលែកព័តមាននេះ