ទ្រាំលែងបានទាល់តែចឹង ចាំមើលហ៊ានទៀតអត់
តាមប្រភពព័ត៌មាន Metro បានឲ្យដឹងថា
អង់គ្លេស ៖ តាមប្រភពព័ត៌មាន Metro បានឲ្យដឹងថា បុរសម្នាក់ដែលម្ចាស់ផ្ទះបានយកផ្លាស្ទិករុំឥវ៉ាន់ទៅរុំរថយន្តមួយគ្រឿង ដែលចតចោលមុខផ្ទះរបស់លោកអស់រយៈពេលពីរថ្ងៃ។
Neil Junglas មកពី Liverpool បានសម្រេចចិត្តធ្វើដូចនេះ ដោយសារតែម្ចាស់រថយន្តពីរនាក់សង្សារ យករថយន្តមកចតដោយគ្មានសុំការអនុញ្ញាត ហើយចតទុកចោលអស់ពេលជាច្រើនថ្ងៃ។
គាត់បានឃើញគូសង្សារនោះ បើករថយន្តមកចតមុខផ្ទះគាត់ ហើយឡើងតាក់ស៊ីបាត់ស្រមោលអស់ពេលពីរថ្ងៃមិនទាន់ឃើញមកវិញ។ ដោយសារតែបាត់យូរពេក ហើយចតដោយគ្មានការសុំត្រឹមត្រូវបែបនេះ ទើប Neil សម្រេចចិត្តលេងមួយទំហឹង ដោយយកផ្លាស្ទិកមករុំរថយន្តទាំងមូល ដែលធ្វើឲ្យអ្នកធ្វើដំណើរតាមផ្លូវមានការចាប់អារម្មណ៍យ៉ាងខ្លាំង។
គួរបញ្ជាក់ថា ប៉ូលិសមិនអាចស្ទូចរថយន្តនោះចេញបានទេ ព្រោះថា វាមិនមែនជាកន្លែងហាមមិនឲ្យចត៕
ចែករំលែកព័តមាននេះ