ប្រជាពលរដ្ឋប្រទះឃើញ គ្រាប់មិនទាន់ផ្ទុះសល់ពីសម័យសង្គ្រាម
ខេត្តតាកែវ ៖ គ្រាប់មិនទាន់ផ្ទុះជាច្រើនគ្រាប់ត្រូវបានប្រជាពលរដ្ឋបានប្រទះឃើញរួចបានមករាយការណ៍ដល់នគរបាល
ខេត្តតាកែវ ៖ គ្រាប់មិនទាន់ផ្ទុះជាច្រើនគ្រាប់ត្រូវបានប្រជាពលរដ្ឋបានប្រទះឃើញរួចបានមករាយការណ៍ដល់នគរបាល
ខេត្តតាកែវ ៖ គ្រាប់មិនទាន់ផ្ទុះជាច្រើនគ្រាប់ត្រូវបានប្រជាពលរដ្ឋបានប្រទះឃើញរួចបានមករាយការណ៍ដល់នគរបាល ក្រោយពីបានទទួលព័ត៌មានពីប្រជាពលរដ្ឋ និងអជ្ញាធរមូលដ្ឋាន នៅព្រឹកថ្ងៃទី២៨ ខែញ្ញា ឆ្នាំ២០១៧ កម្លាំងការិយាល័យគ្រប់គ្រងអាវុធគ្រឿងផ្ទុះ សហកាណ៍ជាមួយអង្គភាពចំចាត់មីនកម្ពុជា កម្លាំងអធិការរដ្ឋាននគបាលស្រុកកោះអណ្តែត កម្លាំងប៉ុស្តិ៍នគរបាលរដ្ឋបាលរមេញ និងកម្លាំងប៉ុស្តិ៍នគរបាលរដ្ឋបាលព្រៃខ្លា កម្លាំងអធិការដ្ឋាននគរបាលស្រុកទ្រាំង ប៉ុស្តិ៍នគរបាលរដ្ឋបាលរនាម បានធ្វើការចុះប្រមូលកាកសំណល់ជាតិផ្ទុះពីសង្គ្រាមនៅចំណុចភូមិចំបក់អែម ភូមិបន្ទាយធ្លាយបានចំនួន៦គ្រាប់ មានប្រភេទ៨២មម ចំនួន០២គ្រាប់ ប្រភេទ៨១មម ចំនួន០២គ្រាប់ ប្រភេទD K៧៥មម ចំនួន០១គ្រាប់ ប្រភេទ៦០មម ចំនួន០១គ្រាប់ និងនៅឃុំររនាម ស្រុកទ្រាំង ប្រមូលបានចំនួន០៣គ្រាប់ មានប្រភេទ៦០មមចំនួន០១គ្រាប់ ប្រភេទបុមប៊ីចំនួន០២គ្រាប់ ដែលសរុបបានចំនួន០៩គ្រាប់។
បន្ទាប់ពីប្រមូលរួច គ្រាប់ទាំង០៩គ្រាប់ខាងលើ បានប្រគល់ឱ្យអង្គភាពកំចាត់មីន យកទៅកន្លែងមានសុវត្ថិភាពដើម្បីបំផ្លាញចោលផងដែរ។ សូមបញ្ជាក់ថា នៅក្នុងឱកាសនោះ កម្លាំងជំនាញបានធ្វើការអប់រំប្រជាពលរដ្ឋ កុំឲ្យប៉ះពាល់គ្រាប់មិនទាន់ផ្ទុះ ក្នុងករណីដែលប្រទះឃើញគ្រាប់មិនទាន់ផ្ទុះ សូមរាយការណ៍ទៅសមត្ថកិច្ចដែលនៅជិតបំផុត៕
ចែករំលែកព័តមាននេះ