អុចធូបឆេះមិនទាន់អស់ ដើរទៅដេកផ្ទះអ្នកជិតខាងភ្លើងឆេះខ្ទេច
ខេត្តបន្ទាយមានជ័យ ៖ លោកយាយវ័យ៧១ឆ្នាំ មានជីវភាពក្រីក្រ នៅភូមិល្បើកស្វាយ
ខេត្តបន្ទាយមានជ័យ ៖ លោកយាយវ័យ៧១ឆ្នាំ មានជីវភាពក្រីក្រ នៅភូមិល្បើកស្វាយ
ខេត្តបន្ទាយមានជ័យ ៖ លោកយាយវ័យ៧១ឆ្នាំ មានជីវភាពក្រីក្រ នៅភូមិល្បើកស្វាយ ឃុំស្វាយចេក ស្រុកស្វាយចេក ខេត្តបន្ទាយមានជ័យ ក្រោយពីបានអុជធូបរួច មិនបាននៅចាំមើលធូបឆេះរលត់ឲ្យអស់ទេ ហើយបានដើរទៅដេកផ្ទះអ្នកជិតខាង ត្រូវបានភ្លើងធូបឆាបឆេះផ្ទះអស់ទាំងស្រុង នៅវេលាយប់ម៉ោង៩ និង៣០នាទី ថ្ងៃទី២៧ ខែកញ្ញា ឆ្នាំ២០១៧។នៅថ្ងៃទី២៨ ខែកញ្ញា ឆ្នាំ២០១៧នេះ លោកវរសេនីយ៍ឯក រ៉ែម វីរៈ ស្នងការរង ទទួលផែនព្រំដែន លោកស្រី ទូច វី អភិបាលរងស្រុក ជាប្រធានអនុសាខាកាកបាទក្រហមស្រុកស្វាយចេក លោកស្រីប្រធាន ក្រុមប្រឹក្សាឃុំស្វាយចេក បាននាំយកអំណោយជាថវិកា និងគ្រឿងឧបភោគ បរិភោគ ទៅចែកជូន ដោយអំណោយ១ផ្នែកជារបស់អនុសាខាកាកបាទក្រហកមស្រុកស្វាយចេក និង១ផ្នែកទៀតជាអំណោយរបស់ លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ ប្រធានក្រុមការងារខេត្តចុះជួយស្រុកស្វាយចេក និង១ផ្នែកអំណោយរបស់មេឃុំ ស្វាយចេក នគរបាលប៉ុស្តិ៍ និងអាជ្ញាភូមិ។
អំណោយទាំងនោះមាន លោកឧត្តមសេនីយ៍ទោ អាត់ ខែម ស្នងការនគរបាលខេត្ត ប្រធានក្រុមការងារខេត្តចុះជួយស្រុកស្វាយចេក បានផ្តល់ជាថវិកាចំនួន២០ម៉ឺនរៀល ឧបត្ថម្ភតាមរយៈ លោកវរសេនីយ៍ឯក រ៉ែម វីរៈ លោកស្រីមេឃុំស្វាយចេក ឧបត្ថម្ភ១០ម៉ឺនរៀល។ អនុសាខាកាកបាទក្រហមស្រុកស្វាយចេក បានឧបត្ថម្ភជាគ្រឿបរិភោគ ឧបភោគ មានអង្ករចំនួន៥០គ,ក្រ មី១កេស ទឹកស៊ីអ៊ីវ ទឹកត្រី៤ដប ស្ករសកន្លះគីឡូ,ម្សៅស៊ុបកន្លះគីឡូនិងថវិកា៨ម៉ឺនរៀល។ ប៉ុស្តិ៍រដ្ឋបាលឃុំស្វាយចេក ទឹកត្រី១យួរ,ទឹកស៊ីអ៊ីវ១យួរ និងអាជ្ញាធរភូមិសារុង២,ប្រេងឆា១លីត្រ។ លោកវរសេនីយ៍ឯក រ៉ែម វីរៈ ស្នងការរង ទទួលផែនព្រំដែន ជាអនុប្រធានក្រុមការងារខេត្តចុះជួយឃុំស្វាយចេក លោកស្រី ទូច វី អភិបាលរង ជាប្រធានអនុសាខាកាកបាទក្រហមស្រុកស្វាយចេក បានជម្រាបជូនពីការចូលរួមសោកស្តាយបំផុត នូវគ្រោះមហន្តរាយដោយសារគ្រោះថ្នាក់អគ្គិភ័យនេះ ពីសំណាក់លោកឧត្តមសេនីយ៍ទោ អាត់ ខែម ស្នងការនគរបាលខេត្ត ជាប្រធានក្រុមការងារចុះជួយស្រុកស្វាយចេក និងលោក លី សារី ប្រធានគណៈកម្មាធិការសាខាកាកបាទក្រហមខេត្តផងដែរ។
ជាមួយក្នានោះដែរ លោកវរសេនីយ៍ឯក រ៉ែម វីរៈ និងលោកស្រី ទូច វី បានផ្តាំផ្ញើដល់ប្រជាពលរដ្ឋទាំងអស់ សូមមេត្តាប្រុងប្រយ័ត្នឲ្យបានខ្ពស់ មុនដើរទៅណាមកណា ពិនិត្យមើលភ្លើងចង្ក្រានដែលដាំស្លរួចពន្លត់ឲ្យអស់ អុជធូបទៀនក៏ត្រូវតែពន្លត់ចោលផងដែរ។ ជាងនេះទៀតនារដូវវស្សានេះ ក៏ត្រូវការពារកូនចៅតូចៗកុំបណ្តែតបណ្តោយឲ្យលេងទឹកម្នាក់ឯង ដោយគ្មានមនុស្សធំទៅជាមួយ ហើយក៏ត្រូវមានអនាម័យខ្ពស់ផងដែរ គឺត្រូវពិសារទឹកដាំពុះ និយាយរួមគឺហូបស្អាត ផឹកស្អាត ចៀសសវាងកើតមានជំងឺរាគរូស។ បើតាមសេចក្តីរាយការណ៍របស់មេភូមិល្បើកស្វាយ បានឲ្យដឹងថា៖ លោកយាយឈ្មោះ ចេង អឿន អាយុ៧១ឆ្នាំ រស់នៅម្នាក់ឯងមានជីវភាពក្រីក្រ ផ្ទះដែលត្រូវអគ្គិភ័យឆាបឆេះនេះ មានទំហំ៥ម៉ែត្រ គុណនឹង៦ម៉ែត្រ ធ្វើអំពីឈើប្រក់ស័ង្កសី ជញ្ជាំងស្លឹក ហើយផ្ទះដែលឆេះនេះ ដោយពិនិត្យមើលឃើញពីស្ថានភាពគ្រួសារលោកយាយយ៉ាប់យ៉ឺន ក្រុមការងារក៏ដូចជាអាជ្ញាធរឃុំភូមិ បានធ្វើឲ្យ តែឥឡូវត្រូវភ្លើងឆាបឆេះអស់ទាំងស្រុង សូម្បីតែសម្ភារ ខោអាវ ចានឆ្នាំងក៏ត្រូវបានអគ្គិភ័យឆាបឆេះអស់គ្មានសល់ឡើយ៕
ចែករំលែកព័តមាននេះ