ការយល់ខុសទូទៅទាក់ទងនឹងការប្រើប្រាស់ថ្មទូរស័ព្ទចល័ត
អ្នកប្រើប្រាស់ទូរស័ព្ទជាច្រើនបានអនុវត្តវិធីប្លែកៗដើម្បីធ្វើឲ្យថ្មទូរស័ព្ទរបស់ពួកគេមានដំណើរការទៅមុខរហូត ប៉ុន្តែអ្វីដែល
អ្នកប្រើប្រាស់ទូរស័ព្ទជាច្រើនបានអនុវត្តវិធីប្លែកៗដើម្បីធ្វើឲ្យថ្មទូរស័ព្ទរបស់ពួកគេមានដំណើរការទៅមុខរហូត ប៉ុន្តែអ្វីដែល
អ្នកប្រើប្រាស់ទូរស័ព្ទជាច្រើនបានអនុវត្តវិធីប្លែកៗដើម្បីធ្វើឲ្យថ្មទូរស័ព្ទរបស់ពួកគេមានដំណើរការទៅមុខរហូត ប៉ុន្តែអ្វីដែលយើងបានឮទាក់ទងនឹងថ្មទូរស័ព្ទចល័ត ប្រហែលជាមិនពិតទាំងអស់ទេ។ សូមពិនិត្យមើលការយល់ខុសទាំងនេះអំពីការប្រើប្រាស់ថ្ម ។
១-ថ្មទូរស័ព្ទមានការចងចាំ ៖
មនុស្សខ្លះធ្លាប់គិតថា ត្រូវហ្វឹកហាត់ថ្មទូរស័ព្ទដើម្បីប្រាកដថា វានឹងអាចសាកថ្មបានច្រើនបំផុត ។ ដើម្បីធ្វើដូច្នេះបាន ពួកគេតែងប្រើទូរស័ព្ទរហូតដល់អស់ថ្ម ទើបសាកវា ហើយបើថ្មលើសពី៥០% ពួកគេមិនសាកថ្មទេ ព្រោះគេគិតថា រយៈពេលយូរទៅ ថ្មទូរស័ព្ទនឹងបង្កើតការចងចាំមួយ គឺមិនអាចសាកពេញ១០០% ប៉ុន្តែវាមិនពិតទេ ។ ប្រសិនបើថ្មទូរស័ព្ទរបស់អ្នកមានប្រហែល៨០% សូមសាកវា ។ ការសាកជាញឹកញាប់នឹងមិនធ្វើឱ្យខូចថ្មទេ ។
២-ការបញ្ចូលថ្មពេញ១យប់នឹងធ្វើឱ្យវាឆាប់ខូច ៖
វាជារឿងមិនពិតទេ ។ ស្មាតហ្វូនភាគច្រើនឥឡូវនេះឆ្លាតគ្រប់គ្រាន់ដើម្បីដឹងថា នៅពេលណាថ្មពេញ និងមានសមត្ថភាពបញ្ឈប់ការសាកថ្ម។ ទោះជាយ៉ាងណា មានរឿងមួយដែលអ្នកអាចអនុវត្តដើម្បីបង្កើនអាយុកាលរបស់ថ្ម ។
ជំនួសឱ្យការសាកទូរស័ព្ទពេញ១យប់រៀងរាល់ថ្លៃនោះ សូមព្យាយាមរក្សាថ្មទូរស័ព្ទចន្លោះពី៤០ទៅ៨០% ។ វិធីនេះនឹងជួយឲ្យថ្មទូរស័ព្ទរបស់អ្នកអាចដំណើរការកាន់តែយូរ ។
៣-កុំប្រើទូរស័ព្ទនៅពេលកំពុងបញ្ចូលថ្ម ៖
មនុស្សជាច្រើនគិតថា ការប្រើទូរស័ព្ទខណៈពេលកំពុងសាកថ្ម នឹងមានផលប៉ះពាល់អវិជ្ជមានទៅលើគុណភាពថ្ម ។ ប៉ុន្តែបញ្ហានេះអាចកើតឡើង លុះត្រាតែអ្នកប្រើថ្មសាកមានគុណភាពមិនល្អ ។
ទូរស័ព្ទនឹងសាកថ្មតាមការរំពឹងទុក ទោះបីអ្នកប្រើឧបករណ៍នេះឬអត់ ។ ស្មាតហ្វូននឹងប្រើប្រាស់ខ្លួនវា ដើម្បីពិនិត្យមើលទិន្នន័យក្នុងទូរស័ព្ទ។ ដូច្នេះ ទោះបីជាអ្នកមិនប្រើទូរស័ព្ទក៏ដោយ ក៏ទូរស័ព្ទរបស់អ្នកកំពុងប្រើខ្លួនវាដែរ ។ អ្នកនៅតែអាចប្រើទូរស័ព្ទបានពេលកំពុងសាក ។
៤-គួរតែសាកទូរស័ព្ទឱ្យពេញមុនពេលប្រើ ៖
មនុស្សជាច្រើនគិតថា រឿងដំបូងដែលពួកគេគួរធ្វើជាមួយស្មាតហ្វូនថ្មី គឺបញ្ចូលថ្មឲ្យបាន១០០% នេះគ្រាន់តែជាការយល់ខុសប៉ុណ្ណោះ ។ សូមចាំថា ថ្មទូរស័ព្ទស្មាតហ្វូនដំណើរការល្អបំផុតចន្លោះពី៤០ទៅ៨០% ហើយទូរស័ព្ទភាគច្រើនមានថ្មប្រហែល៥០%រួចទៅហើយ នៅពេលយកចេញពីប្រអប់ភ្លាម ។
ប្រសិនបើបើកស្មាតហ្វូនថ្មីជាលើកដំបូង ហើយឃើញថា ថ្មនៅក្រោម៤០% អ្នកប្រហែលជាត្រូវពិចារណាយកវាត្រឡប់ទៅវិញដោយសារតែថ្មនេះអាចមានអាយុច្រើនហើយ ។
៥-បិទប្រព័ន្ធ Wifi, Bluetooth និង GPS ដើម្បីរក្សាថ្មទូរស័ព្ទ ៖
រឿងនេះ គឺមិនពិតទេ ។ សេវាកម្មទាំងនេះពិតជាទាញយកថ្មទូរស័ព្ទរបស់អ្នក បើសិនជាអ្នកកំពុងតែប្រើប្រាស់វា ។ ដូច្នេះ នៅពេលអ្នកមិនបានប្រើឧបករណ៍ទាំងនេះ វានឹងមិនទាញយកថ្មពីទូរស័ព្ទរបស់អ្នកឡើយ ៕
ចែករំលែកព័តមាននេះ