Facebook នឹងអាចលូកដៃក្នុងវិស័យរថយន្ត
ប្រធានផ្នែកប្រតិបត្តិក្រុមហ៊ុន Facebook លោកស្រី Sheryl Sandberg បានប្តេជ្ញាធ្វើឱ្យមានភាពកាន់តែស៊ីជម្រៅជាមួយ
ប្រធានផ្នែកប្រតិបត្តិក្រុមហ៊ុន Facebook លោកស្រី Sheryl Sandberg បានប្តេជ្ញាធ្វើឱ្យមានភាពកាន់តែស៊ីជម្រៅជាមួយ
ប្រធានផ្នែកប្រតិបត្តិក្រុមហ៊ុន Facebook លោកស្រី Sheryl Sandberg បានប្តេជ្ញាធ្វើឱ្យមានភាពកាន់តែស៊ីជម្រៅជាមួយក្រុមហ៊ុន Daimler AG និង Volkswagen AG ហើយនិយាយថា ក្រុមហ៊ុនបច្ចេកវិទ្យាអាមេរិក Facebook កំពុងស្វែងរកទំនាក់ទំនងជិតស្និទ្ធជាមួយឧស្សាហកម្មរថយន្ត ។
ថ្លែងនៅឯពិព័រណ៍រថយន្ដ Frankfurt ប្រធានផ្នែកប្រតិបត្តិរបស់ហ្វេសប៊ុករូបនេះ បាននិយាយកាលពីថ្ងៃព្រហស្បតិ៍សប្ដាហ៍មុនថា លោកស្រីបានចេញលិខិតអញ្ជើញ ដើម្បីសហការជាមួយក្រុមហ៊ុនផលិតរថយន្ត លើប្រធានបទនានា រួមទាំងបច្ចេកវិទ្យា Artificial Intelligence និងធ្វើឲ្យឧស្សាហកម្មទាំងមូលអាចបង្កើនល្បឿនទាន់ការបង្កើតគ្រឿងអេឡិចត្រូនិកថ្មី ។
លោកស្រី Sandberg ថ្លែងថា ៖« យើងនាំមកនូវដំណឹងល្អមួយ យើងជាក្រុមហ៊ុនតែមួយគត់នៅតំបន់ Silicon Valley ដែលមិនផលិតរថយន្ត » ។ លោកស្រីបានប្រាប់រោងចក្រផលិតរថយន្តផ្សេងៗថា ៖« យើងមានអ្វីជាច្រើនដែលត្រូវរៀនពីអ្នក ។ យើងគ្មានប្រវត្តិសាស្ត្ររបស់អ្នកទេ ហើយយើងគ្មានសមត្ថភាពអាចឈរជើងផលិតរថយន្តយូរដូចអ្នកទេ ទោះបីជាយើងប្រាថ្នាចង់សម្រេចបាន១០០ឆ្នាំក៏ដោយ » ។
ក្រុមហ៊ុនផលិតរថយន្ត រួមទាំងក្រុមហ៊ុន BMW AG និង Toyota Motor Corp កំពុងធ្វើពិសោធន៍ជាមួយការបើកបរស្វយ័តផងដែរ ហើយអ្នកខ្លះកំពុងពិភាក្សាគ្នាពីរឿងនេះ ។ ក្នុងកម្មវិធីបង្ហាញរថយន្ត Frankfurt បានបង្ហាញឲ្យឃើញថា ឧស្សាហកម្មនេះអាចមានសារសំខាន់ខ្ពស់ ដោយសារតែវាជួយដល់ការបើកបររបស់ម្ចាស់រថយន្តគ្រប់រូប ។
លោកស្រី Sandberg បាននិយាយថា ៖ «វាជាកិត្តិយសសម្រាប់យើងក្នុងការវិនិយោគ និងធ្វើជាដៃគូនៅប្រទេសអាល្លឺម៉ង់ ដោយសារតែ Facebook បានចូលរួមជាមួយ Mobility Hub មានមូលដ្ឋាននៅទីក្រុង Munich ។ វាជាគំនិតផ្តួចផ្តើមថ្មីមួយ ដែលគាំទ្រដោយក្រុមហ៊ុន Daimler, BMW និង SAP SE ។ Facebook នឹងឧបត្ថម្ភការបង្កើតព្រឹត្តិការណ៍ផ្សេងៗ និងផ្តល់ការបណ្តុះបណ្តាលវិស្វករមួយចំនួនដែលធ្វើការលើបច្ចេកវិទ្យា Artificial Intelligence » ៕
ចែករំលែកព័តមាននេះ