នីហ្សេរីយ៉ា២នាក់ខ្មែរម្នាក់ ជួញដូរគ្រឿងញៀ.នជាង១គីឡូ តុលាការបើកសវនាការ
រាជធានីភ្នំពេញ ៖ សំណុំរឿងជនជាតិស្បែកខ្មៅនីហ្សេរីយ៉ា២នាក់ និងបុរសខ្មែរម្នាក់ កាលពីព្រឹកថ្ងៃទី២៧
រាជធានីភ្នំពេញ ៖ សំណុំរឿងជនជាតិស្បែកខ្មៅនីហ្សេរីយ៉ា២នាក់ និងបុរសខ្មែរម្នាក់ កាលពីព្រឹកថ្ងៃទី២៧
រាជធានីភ្នំពេញ ៖ សំណុំរឿងជនជាតិស្បែកខ្មៅនីហ្សេរីយ៉ា២នាក់ និងបុរសខ្មែរម្នាក់ កាលពីព្រឹកថ្ងៃទី២៧ កញ្ញានេះ ត្រូវបានសាលាដំបូងរាជធានីភ្នំពេញ លើកយកមកបើកសវនាការផ្តន្ទាទោស តែត្រូវបានលើកពេលប្រកាសសាលក្រមទៅថ្ងៃទី១០ តុលា ២០១៧ ខាងមុខនេះ។ ជនត្រូវចោទទី១.ឈ្មោះ Onwoka chibosor ភេទប្រុស អាយុ៣៣ឆ្នាំ ជនជាតិនីហ្សេរីយ៉ា ទី២.ឈ្មោះ Samsun Friday ភេទប្រុស អាយុ២៩ឆ្នាំ ជនជាតិនីហ្សេរីយ៉ា និងទី៣.ឈ្មោះ ប៊ុត សុបិន ភេទប្រុស អាយុ២៩ឆ្នាំ ជនជាតិខ្មែរ។
ជនជាប់ចោទទាំង៣នាក់ ត្រូវបានសមត្ថកិច្ចមន្ទីរប្រយុទ្ធប្រឆាំងគ្រឿងញៀនក្រសួងមហាផ្ទៃចាប់ខ្លួន កាលពីថ្ងៃទី០៣ មេសា ២០១៧ នៅសង្កាត់ចោមចៅ ខណ្ឌពោធិ៍សែនជ័យ ដោយរឹបអូសគ្រឿងញៀនបានទម្ងន់១.១៤១គីឡូក្រាម។ ពេលសវនាការនាសាកសួរដេញដោល ជនជាប់ចោទឈ្មោះ ប៊ុត សុបិន បានទទួលស្គាល់ថា ខ្លួនពិតជាបានរកស៊ី ទិញលក់គ្រឿងញៀនចំនួន៣លើកមកហើយ ដោយទិញពីស្ត្រីម្នាក់ និងបានយកទៅលក់ឲ្យម៉ូយ ក្នុងម្ដងចំណេញបានប្រាក់១០០ទៅ១៥០ដុល្លារ អាមេរិក។
រីឯជនជាតិស្បែកខ្មៅ២នាក់នេះ បានសារភាពប្រហាក់ប្រហែលគ្នាថា ខ្លួនជាអ្នកស៊ីឈ្នួលយកគ្រឿងញៀនឈ្មោះ ប៊ុត សុបិន ទៅលក់ដោយបានប្រាក់កម្រៃម្តង២០ដុល្លារអាមេរិក។ លុះថ្ងៃមួយពួកគេបាន និងកំពុងជិះម៉ូតូយកថ្នាំញៀនទៅលក់ក៏ត្រូវសមត្ថកិច្ចចាប់ខ្លួននៅតាមផ្លូវពីស្ទឹងមានជ័យ។ សំណុំរឿងនេះត្រូវបានលោក កុល បុន តំណាងអយ្យការ នៃសាលដំបូងបានសន្និដ្ឋាន និងនៅតែចោទប្រកាន់បទល្មើសជួញដូរគ្រឿងញៀន ដដែលថែមទាំងបានស្នើទៅប្រធានក្រុមប្រឹក្សាផ្តន្ទាទោសជនជាប់ចោទតាមច្បាប់ជាធរមាន៕
ចែករំលែកព័តមាននេះ