អណ្តើកយក្សធំបំផុតនៅលើលោកទើរនៅឆ្នេរ
សារព័ត៌មានបរទេសផ្សាយថា អណ្តើកយក្សមួយក្បាលទើរនៅលើឆ្នេរ…
សារព័ត៌មានបរទេសផ្សាយថា អណ្តើកយក្សមួយក្បាលទើរនៅលើឆ្នេរ…
សារព័ត៌មានបរទេសផ្សាយថា អណ្តើកយក្សមួយក្បាលទើរនៅលើឆ្នេរខ្សាច់ក្នុងក្រុងCalellaក្បែរក្រុងបាសេឡូណា ភាគខាងកើតឆៀងខាងជើងប្រទេសអេស្ប៉ាញ បច្ចុប្បន្នអាជ្ញាធរកំពុងរំកិលចេញដោយប្រើត្រាក់ទ័រចូកដី ។
អណ្តើកនោះឈ្មោះ«Leatherback Turtle»ឬវិទ្យា សាស្ត្រហៅថា«Dermochelys Coriacea»មានទម្ងន់៧០០គីឡូក្រាមជាសត្វទី២ដែលទើរនៅលើតំបន់ឆ្នេរនោះ ក្រោយពីអណ្តើកមួយក្បាលទើរនៅលើឆ្នេរមានទម្ងន់៣០០គីឡូក្រាមកាលពីដើមខែកញ្ញាកន្លងទៅ ។
សារព័ត៌មានអេស្ប៉ាញ«Lavanguardia»តាមរយៈការសម្ភាសន៍អ្នកជីវវិទ្យាបានលើកឡើងថា«ការប្រទះឃើញអណ្តើកយក្សក្នុងសមុទ្រមេឌីទែរ៉ាណេ គឺជារឿងដ៏កម្រមួយ ព្រោះមានតែ១០ក្បាលប៉ុណ្ណោះក្នុងរយៈពេលរាប់រយឆ្នាំមកនេះ ។ ជាធម្មតានឹងឃើញនៅទ្វីបអាមេរិកខាងត្បូង» ។
លោកPere Alzinaអ្នកជីវវិទ្យានិយាយថា«គឺជារឿងដ៏ចម្លែកមួយ ប្រសិនបើមានអណ្តើកប្រភេទនេះមកពងនៅតំបន់មេឌីទែរ៉ាណេ ។ វាជាអណ្តើកដ៏ធំបំផុតនៅលើពិភពលោក និងជាសត្វល្មូននៅក្នុងមហាសមុទ្រដ៏ជ្រៅ» ៕
ចែករំលែកព័តមាននេះ