ចុះបង្ក្រាបករណីនេសាទត្រី ដោយប្រើឧបករណ៍ឆក់ខុសច្បាប់
ខេត្តសៀមរាប ៖ កម្លាំងនគរបាលនៃអធិការដ្ឋានស្រុកក្រឡាញ់ដឹកនាំដោយ លោកវរសេនីយ៍ទោ
ខេត្តសៀមរាប ៖ កម្លាំងនគរបាលនៃអធិការដ្ឋានស្រុកក្រឡាញ់ដឹកនាំដោយ លោកវរសេនីយ៍ទោ
ខេត្តសៀមរាប ៖ កម្លាំងនគរបាលនៃអធិការដ្ឋានស្រុកក្រឡាញ់ដឹកនាំដោយ លោកវរសេនីយ៍ទោ ជី បេងជន អធិការនគរបាលស្រុក បានចុះបង្ក្រាបករណីនេសាទខុសច្បាប់ ដោយប្រើអាំងម៉ូទ័រឆក់ត្រី ត្រូវបានកម្លាំងជំនាញឃាត់ខ្លួនក្រុមនេសាទចំនួន១៥នាក់ ព្រមទាំងបានដកហូតឧបករណ៍នេសាទខុសច្បាប់ (អាំងម៉ូទ័រ) មួយចំនួន យកមកសួរនាំនៅអធិការស្រុក ដើម្បីឱ្យធ្វើកិច្ចសន្យាត្រលប់ទៅផ្ទះវិញ ចំណែកវត្ថុតាងត្រូវដកហូតរក្សាទុក។ ហេតុការណ៍ចុះបង្ក្រាបបទល្មើសនេសាទខុសច្បាប់នោះធ្វើឡើងនៅថ្ងៃទី២៦ ខែកញ្ញា ឆ្នាំ២០១៧ ស្ថិតនៅភូមិចំនួន២ ក្នុងឃុំសែនសុខ ស្រុកក្រឡាញ់ ខេត្តសៀមរាប។
លោកវរសេនីយ៍ទោ ជី បេងជន អធិការនគរបាលស្រុក បានប្រាប់ថា មុនឈានដល់ធ្វើការនាំខ្លួនក្រុមនេសាទខុសច្បាប់ចំនួន១៥នាក់នោះ នៅក្នុងភូមិចំនួន២ ដោយមានការចូលរួមពីសំណាក់បងប្អូនអ្នកនេសាទមួយចំនួន ដោយពួកគាត់បានយល់ពីច្បាប់ ទើបលោកបានដឹកនាំកម្លាំងរបស់អធិការស្រុកក្រឡាញ់ ចុះបង្ក្រាបករណីបទល្មើសនេសាទខុសច្បាប់ ព្រមទាំងដកហូតបានវត្ថុតាងមួយចំនួន ដើម្បីឱ្យពួកគាត់ធ្វើកិច្ចសន្យាបញ្ឈប់សកម្មភាព ប្រើឧបករណ៍ឆក់ត្រីតទៅទៀត។
លោកបានបញ្ជាក់បន្ថែមថា ឧបករណ៍នេសាទខុសច្បាប់ (អាំងម៉ូទ័រ) ដែលកម្លាំងយើងបានដកហូត ពីអ្នកនេសាទ នៅភូមិចំនួន០២ ក្នុងឃុំសែនសុខ នោះរួមមាន៖ ទី១/ភូមិទ្រាស ចំនួន១១គ្រឿង អាគុយចំនួន១០ និងទី២/ភូមិព្រៃថ្កូវ ចំនួន០១គ្រឿង សរុប ១២គ្រឿង អាគុយសរុប១០។ បច្ចុប្បន្នកម្លាំងយើងបានធ្វើអប់រំណែនាំ និងធ្វើកិច្ចសន្យាឱ្យឈប់ប្រព្រឹត្តបទល្មើសនេសាទខុសច្បាប់នេះតទៅទៀត និងឱ្យវិលត្រលប់ទៅផ្ទះវិញ។ ចំពោះឧបករណ៍នេសាទខុសច្បាប់ (អាំងម៉ូទ័រ) និងអាគុយកម្លាំងយើងបានយកមករក្សាទុកនៅអធិការដ្ឋាននគរបាលស្រុកក្រឡាញ់ផងដែរ៕
ចែករំលែកព័តមាននេះ