១-បុរសម្នាក់អារ.កកង់ហ្គូរូនៅអូស្ត្រាលី
ប៉ូលិសអូស្ត្រាលីចាប់ខ្លួនបុរសអាយុ៤៣ឆ្នាំម្នាក់នៅក្រុងមេលប៊ន កាលពីពេល ថ្មីៗកន្លងមកពីបទអារ.កកង់ហ្គូរូព្រោះជារឿងមួយដែលបំពានលើសត្វព្រៃ ។
២-បាក់អគារកម្ពស់៤ជាន់នៅមុមបៃ
យ៉ាងហោចមានអ្នកស្លាប់១៨នាក់ក្នុងហេតុការណ៍អគារចំណាស់ជាង១០០ឆ្នាំបាក់នៅក្រុងមុមបៃ ប្រទេសឥណ្ឌា កាលពីថ្ងៃទី៣១ សីហា ២០១៧ ។
៣-បំលាស់ទីពលរដ្ឋ៧០.០០០នាក់គេចពីគ្រាប់បែកទម្ងន់១,៤តោន
ក្រុងហ្រ៊ែ្វងហ៊្វើត ប្រទេសអាល្លឺម៉ង់ បានជម្លៀសពលរដ្ឋចំនួន៧០.០០០នាក់ទៅរកទីសុវត្ថិភាពក្រោយពីប្រទះឃើញគ្រាប់បែកក្នុងសង្គ្រាមលោកលើកទី២ទម្ងន់១៤០០គីឡូក្រាមនៅការដ្ឋានសំណង់មួយ ។
៤-រថយន្តកង់យក្សសណ្តោងរថយន្តដែលលិចទឹក
បុរសស្ម័គ្រចិត្តម្នាក់បានយករថយន្តមានបំពាក់កងយក្សឬ«Monster Trucks»ជួយអូសរថយន្តដែលលិចទឹកក្នុងតំបន់ទឹកជំនន់នៅរដ្ឋតិចសាស់ ដោយសារព្យុះ«Harvey» ។
៥-ក្រពើវង្វេងបឹងដេកនៅក្រោមតុ
ក្រោយពីទឹកស្រកនៅរដ្ឋតិចសាស់ពលរដ្ឋនាំគ្នាត្រឡប់ទៅលំនៅឋានដើម្បីសម្អាតផ្ទះ ប៉ុន្តែមានផ្ទះមួយខ្នងឃើញក្រពើដេកនៅក្រោមតុគឺជាហេតុការណ៍គួរឱ្យភ្ញាក់ផ្អើល ។
៦-សម្រាលកូននៅលើរថយន្តដោយកូនស្ថិតក្នុងថង់ទឹកភ្លោះ
ស្ត្រីម្នាក់នៅរដ្ឋផេនស៊ីលវ៉េនៀ បានសម្រាលកូន ភ្លាមៗក្រោយពីឈឺពោះដោយកូនស្ថិតក្នុងថង់ទឹកភ្លោះ ។
៧-ភ្លើងឆេះព្រៃនៅបារាំង
ភ្លើងឆេះព្រៃនៅភាគខាងត្បូងប្រទេសបារាំង ស្ថិតលើក្រឡាផ្ទៃប្រហែល៤០០ហិកតា កាលពីថ្ងៃទី៣ កញ្ញា ២០១៧ និងជាប្រវត្តិសាស្ត្រមួយមិនធ្លាប់កើតមានធ្វើឱ្យពលរដ្ឋជាច្រើននាក់ត្រូវភៀសខ្លួន ។
៨-កាត់សក់ជារូបមុខលោកប្រធានាធិបតីកូរ៉េខាងជើង
ជាងកាត់សក់ម្នាក់នៅភាគខាងជើងប្រទេសស៊ែប៊ី បានកាត់សក់ជារូបមុខលោកប្រធានាធិបតីគីម ជុងអុ៊ន ឱ្យអតិថិជនព្រោះម៉ូដនេះស្ថិតក្នុងក្តីស្រមៃរបស់គេ ។
៩-អង្គុយបត់កនៅក្បែរម៉ូតូធាតុពិតដេកព្រោះស្រវឹង
បុរសម្នាក់អង្គុយបត់កនៅក្បែរម៉ូតូនឹកស្មានថា ជួបគ្រោះថ្នាក់ចរាចរណ ៍ធាតុពិតរូបគេដេក ព្រោះស្រវឹងជ្រុលនៅពេលយប់ ។
១០-វិបត្តិគ្រុនផ្តាសាយបក្សីមានភាពធូរស្រាលនៅហ្វ៊ីលីពីន
កន្លងមកហ្វ៊ីលីពីនបានរឹតបន្តឹងការចិញ្ចឹមមាន់ ព្រោះជួបវិបត្តិគ្រុនផ្តាសាយបក្សី ប៉ុន្តែបច្ចុប្បន្នមានភាពល្អប្រសើរឡើងដោយគ្មានការរាតត្បាតបន្តទៀត ៕
ចែករំលែកព័តមាននេះ