គ្រួសាររងគ្រោះភ្លើងឆេះផ្ទះ និងក្មេងលង់ទឹក ទទួលបានអំណោយពីកាកបាទក្រហម
ខេត្តបន្ទាយមានជ័យ ៖ លំនៅដ្ឋានលោក ប៉ាស សេដ្ឋា អតីតចៅសង្កាត់និមិត្ត ក្រុងប៉ោយប៉ែត
ខេត្តបន្ទាយមានជ័យ ៖ លំនៅដ្ឋានលោក ប៉ាស សេដ្ឋា អតីតចៅសង្កាត់និមិត្ត ក្រុងប៉ោយប៉ែត
ខេត្តបន្ទាយមានជ័យ ៖ លំនៅដ្ឋានលោក ប៉ាស សេដ្ឋា អតីតចៅសង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ នារដូវកាន់វេនបិណ្ឌទី១៤ ត្រូវបានអគ្គិភ័យលេបត្របាក់អស់ទាំងស្រុង ដោយការឆ្លងប្រព័ន្ធចរន្តអគ្គីសនី កាលពីវេលាម៉ោង៥ល្ងាច ថ្ងៃទី១៨ ខែកញ្ញា ឆ្នាំ២០១៧ កន្លងមកនេះ។ ក្នុងការពន្លត់នេះដែរ លោកឧត្តមសេនីយ៍ទោ អាត់ ខែម បានដឹកនាំរថយន្តពន្លត់អគ្គិភ័យចំនួន៣គ្រឿង និងកម្លាំងនគរបាលខេត្ត រួមទាំងក្រុងប៉ោប៉ែត បានចុះជួយធ្វើអន្តរាគមន៍ជួយពន្លត់ តែដោយអំណាចភ្លើងឆេះសន្ធោសន្ធៅ និងផ្លូវឆ្ងាយ ទើបមិនអាចជួយសង្គ្រោះលំនៅដ្ឋាននោះបាន តែក៏បានទប់ស្កាត់មិនឲ្យភ្លើងឆាបឆេះរាលដាលដល់លំនៅដ្ឋានអ្នកជិតខាងដែរ។
ជាមួយគ្នានោះដែរ រដូវភ្ជុំបិណ្ឌនេះ លោកឧត្តសេនីយ៍ស្នងការក៏បានបញ្ជូនរថយន្តឈរជើងតាមចំណុចគោលដៅ ព្រមទាំងធ្វើការផ្សព្វផ្សាយនោះដល់ចំណុចដែលងាយនឹងកើតឡើងដោយអគ្គីភ័យនេះ។ នៅចុងសប្តាហ៍នេះ លោក លី សារី អភិបាលរងខេត្ត ជាប្រធានគណៈកម្មាធិការសាខាកាកបាទក្រហមខេត្តបន្ទាយមានជ័យ ក៏បានពាំនាំនូវការសោកស្តាយនូវការបាត់បង់ផ្ទះសម្បែង ទ្រព្យសម្បត្តិ ដោយគ្រោះមហន្តរាយអគ្គិភ័យនេះ ពីសំណាក់សម្តេចកិត្តិបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហម កម្ពុជា ក៏ដូចជារូបលោកផ្ទាល់ និងក្នុងនាមជំនួសឲ្យជំនួសឲ្យប្រធានរដ្ឋបាលខេត្ត ក៏ចូលរួមសោកស្តាយយ៉ាងក្រៃលែង ដែលអតីត លោកជាចៅសង្កាត់បានខិតខំប្រឹងប្រែងយកអស់កម្លាំងកាយចិត្ត ក្នុងការងារបម្រើប្រជាពលរដ្ឋ។
ក្នុងនាមកាកបាទក្រហកម្ពុជា ថ្ងៃនេះលោកបាននាំយកអំណោយមនុស្សធម៌ របស់កាកបាទក្រហកមកម្ពុជា រួមមាន៖ អង្ករ៣០គីឡូក្រាម,ត្រីខ១០កំប៉ុង,មី១កេសតូច,ប្រេងឆា១លីត្រ,ទឹកត្រី៦ដប,ទឹកស៊ីអ៊ីវ៦ដប,សាប៊ូម្សៅ១គីឡូក្រាម,មុង១,ផួយ១,ក្រមា១,តង់ប្លាស្ទិក១ផ្ទាំង,ឆ្នាំបាយ២,ចានបាយ៥,ស្លាបព្រា៥,កន្ទេល១,ធុងទឹកចំណុះ៦០លីត្រ១ និងថវិកា១០លានរៀល។ បន្ទាប់មកលោក លី សារី រួមទាំងប្រតិភូ ក៏បាននាំយកអំណោយមនុស្សធម៌របស់កាកបាទក្រមកម្ពុជា ទៅប្រគល់ជូនដល់ក្រុមគ្រួសារសព ក្មេងប្រុសឈ្មោះ សុខ សិបិន អាយុ១១ឆ្នាំ នៅភូមិរោងម៉ាស៊ីន សង្កាត់អូរអំបិល ដែលបានលង់ទឹកស្លាប់ កាលពីល្ងាចថ្ងៃទី២១ ខែកញ្ញា ឆ្នាំ២០១៧ និងរកសពឃើញនៅថ្ងៃទី២២ ខែ-ឆ្នាំដដែល។
ជាមួយគ្នានោះ លោកប្រធានគណៈកម្មាធិការសាខាកាកបាទក្រហកមខេត្ត ក៏បានចូលរួមរំលែកទុក្ខជាមួយក្រុមគ្រួសារសព ដែលបានបាត់បង់កូនជាទីស្រឡាញ់ ក្នុងនោះដែរលោកក៏បានអំពាវនាវដល់ឪពុកម្តាយ ដែលមានកូនចៅតូចៗ កុំបណ្តែតបណ្តោយឲ្យក្មេងលេងទឹកម្នាក់ឯង ព្រោះនេះជារដូវទឹកជនន់។ ចំពោះអំណោយ ដែលបានយកមកប្រគល់ជូននាពេលនេះមាន៖អង្ករ៣០គីឡូក្រាម,មី១កេស ត្រីខ១០កំប៉ុង ប្រេងឆា១លីត្រ ទឹកត្រី៦ដប,ទឹកស៊ីអ៊ីវ៦ដប,សាប៊ូម្សៅ១គីឡូក្រាម,ទឹកក្រូច២កេស,ទឹកសុទ្ធ៣កេស និងថវិកាចំនួន២០ម៉ឺនរៀល ជួយក្នុងកម្មវិធីបុណ្យផងដែរ៕
ចែករំលែកព័តមាននេះ