ទឹកភ្លៀងម្តងនេះនៅភ្នំពេញពិតជាគួរឲ្យខ្លាចមែន
រាជធានីភ្នំពេញ៖ ភ្លៀងធ្លាក់ជាបន្តបន្ទាប់ចាប់តាំងពីថ្ងៃ
រាជធានីភ្នំពេញ៖ ភ្លៀងធ្លាក់ជាបន្តបន្ទាប់ចាប់តាំងពីថ្ងៃ
រាជធានីភ្នំពេញ៖ ភ្លៀងធ្លាក់ជាបន្តបន្ទាប់ចាប់តាំងពីថ្ងៃទី២០ ខែកញ្ញា ឆ្នាំ២០១៧ រហូតមកដល់ថ្ងៃទី២៣ ខែកញ្ញា ទីក្រុងភ្នំពេញ ផ្លូវថ្នល់ ផ្ទះសម្បែង ផ្សារ សាលារៀន ត្រូវបានជន់លិចដោយសារទឹកភ្លៀង ផ្ទះសម្បែងរបស់ពលរដ្ឋមួយចំនួន នៅពេលម្ចាស់ទៅបុណ្យភ្ជុំបិណ្ឌជួបជុំញាតិផៅឯស្រុកកំណើត ផ្ទះត្រូវបានទឹកជន់លិច ផ្លូវថ្នល់សំខាន់ៗមួយចំនួន ដូចជាផ្លូវសហព័ន្ធរុស្សី ផ្លូវ២០០៤ ផ្លូវកម្ពុជាក្រោម ផ្លូវណតប្រីដ ពេលភ្លៀងធ្លាក់មកម្តង ផ្លូវត្រូវទឹកវាយប្រហារជន់លិច ។ ម្យ៉ាងកកស្ទះចរាចរណ៍ជាក្តីកង្វល់ពេលដែលទឹកជន់ម្តងៗបណ្តាញលូច្រើនស្អេកស្កះ តែមិនដឹងឲ្យទឹកហូរទៅខាងណាកើត ស្ថានីយ៍បូមទឹករំដោះទឹកចេញពីក្រុង ១៣កន្លែងតែនៅមិនទាន់។
សាលារាជធានីភ្នំពេញធ្វើការបកស្រាយថា ស្ថានីយ៍បូមទឹករំដោះចេញ បណ្តាញលូបង្ហូរ គ្រប់គ្រងបានទាន់ពេលវេលាតែក្នុងកម្រិតទឹកភ្លៀងធ្លាក់កំពស់៤០មីលីម៉ែត្រ ក្នុង១ម៉ោង តែបើបរិមាណទឹកភ្លៀងកម្រិត រហូតដល់ទៅ១១៦មីលីម៉ែត្រ ក្នុង១ម៉ោងនោះត្រូវជួបនឹងទឹកជន់លិចហើយ។
តាមសេចក្តីប្រកាសក្រសួងធនធានទឹក និងឧត្តុនិយម បានឲ្យដឹងថា ភ្លៀងធ្លាក់ថ្ងៃទី២០ ខែកញ្ញា រហូតដល់ថ្ងៃទី២៧ ខែកញ្ញា ឆ្នាំ២០១៧ បានសេចក្តីថាចំនួន៤ថ្ងៃជាប់គ្នាមកហើយ តែ ឃើញថា លោកអភិបាលក្រុង អភិបាលខណ្ឌ សស្រាក់សស្រាំទាំងថ្ងៃយប់ដើរពិនិត្យមើលបណ្តាញលូ ទីកន្លែងដែលរងគ្រោះផងដែរ ៕
ចែករំលែកព័តមាននេះ