ភ្ជុំបិណ្ឌរយៈពេល៣ថ្ងៃ ភ្ញៀវទេសចរណ៍មានការកើនឡើងជាងឆ្នាំមុន
ខេត្តស្ទឹងត្រែង ៖ តាមរយៈនៃការអភិវឌ្ឍន៍ពីមួយឆ្នាំទៅមួយឆ្នាំ ខេត្តស្ទឹងត្រែងដែលជាខេត្តមួយនៅតំបន់ដាច់ស្រយាលស្ថិតនៅភូមិភាគឦសានត្រូវបានកត់សម្គាល់ថា
ខេត្តស្ទឹងត្រែង ៖ តាមរយៈនៃការអភិវឌ្ឍន៍ពីមួយឆ្នាំទៅមួយឆ្នាំ ខេត្តស្ទឹងត្រែងដែលជាខេត្តមួយនៅតំបន់ដាច់ស្រយាលស្ថិតនៅភូមិភាគឦសានត្រូវបានកត់សម្គាល់ថា មានភ្ញៀវទេសចរណ៍ជាតិ និងអន្តរជាតិកើនឡើងនារដូវថ្ងៃបុណ្យភ្ជុំបិណ្ឌរយៈពេល៣ថ្ងៃកន្លងមកនេះ ចំនួន៥.២៩៥នាក់ ធៀបនឹងឆ្នាំ២០១៦ កើនឡើង ៩៨៥នាក់ ស្មើនឹង ២២,៨៥% នេះបើយោងតាមរបាយការណ៍សិ្ថតិភ្ញៀវទេសចរណ៍របស់មន្ទីរទេសចរណ៍ខេត្តស្ទឹងត្រែង។
លោក អ៊ន ប៉ោសឿន ប្រធានមន្ទីរទេសចរណ៍ខេត្តស្ទឹងត្រែង បានឲ្យដឹងថាក្នុងខេត្តស្ទឹងត្រែងមានសហគមន៍អេកូទេសចរណ៍ធម្មជាតិមាន៤កន្លែង មានទីតាំងផ្សេងគ្នាក្នុងនោះសហគមន៍អេកូទេសចរណ៍ធម្មជាតិអូរឬស្សីកណ្តាល មានចំនួន៣.៣៨៤នាក់ ធៀបនឹងឆ្នាំ២០១៦ កើនឡើង ៦១០នាក់ ស្មើនឹង២១,៩៨% សហគមន៍អេកូទេសចរណ៍ធម្មជាតិព្រះរំកិលមានចំនួន ១.៣៣១នាក់ ធៀបនឹងឆ្នាំ២០១៦ កើនឡើង ២៧៤នាក់ ស្មើនឹង ២៥,៩២% សហគមន៍អេកូទេសចរណ៍ធម្មជាតិបុរីអូរស្វាយមានចំនួន ៥០នាក់ ធៀបនឹងឆ្នាំ២០១៦ កើនឡើង ១៨នាក់ ស្មើនឹង៥៤,៥៤% និងរមណីដ្ឋានបក្សីមេគង្គមានភ្ញៀវទេសចរណ៍ចំនួន ៥៣០នាក់ធៀបនឹងឆ្នាំ២០១៦ កើនឡើង ៨៤នាក់ ស្មើនឹង ១៨,៨៣%។
លោកប្រធានមន្ទីរបន្តថា ស្ថិតិភ្ញៀវទេសចរណ៍ជាតិ និងអន្តរជាតិចូលមកទស្សនាកម្សាន្តនាឱកាសបុណ្យភ្ជុំបិណ្ឌរយៈពេល៣ថ្ងៃក្នុងឆ្នាំ២០១៧ តាមរមណីយដ្ឋានក្នុងខេត្ត សរុបចំនួន ៥.២៩៥នាក់ ធៀបនឹងឆ្នាំ២០១៦ កើនឡើង ៩៨៥នាក់ ស្មើនឹង ២២,៨៥%។ លោក ហោ វុទ្ធី នាយការិយាល័យព្រហ្មកម្រិតស្រាលស្នងការដ្ឋាននគរបាលខេត្តស្ទឹងត្រែងថា សម្រាប់ការការពារសន្តិសុខសណ្តាប់ធ្នាប់សាធារណៈ កងកម្លាំងប្រដាប់ អាវុធព្រមទាំងប្រជាការពារបានពង្រាយកម្លាំងទៅតាមតំបន់រមណីដ្ឋាន និងទីវត្តអារាមដោយពុំមានអំពើអសន្តិសុខកើតឡើងឡើយពោលគឺរដូវបុណ្យភ្ជុំបិណ្យឆ្នាំ២០១៧នេះសន្តិសុខល្អបំផុត។
នគរបាលចរាចរណ៍ជើងគោកស្នងការដ្ឋាននគរបាលខេត្តស្ទឹងត្រែងបានឲ្យដឹងថា រយៈពេលកាន់បិណ្ឌរហូតដល់ថ្ងៃភ្ជុំបិណ្ឌធំ ករណីគ្រោះថ្នាក់ចរាចរណ៍បានកើតឡើងចំនួន៣ករណីបង្កឲ្យមនុស្ស២នាក់ស្លាប់និងរបស់ធ្ងន់ស្រាល២នាក់ ខូចខាតម៉ូតូធ្ងន់ស្រាល៣គ្រឿង និងរថយន្តធុនធំ២គ្រឿង។ នគរបាលចរាចរណ៍ដដែលបន្តថា ករណីគ្រោះថ្នាក់ចរាចរណ៍មានមនុស្ស៣នាក់ដែលមិនបានពាក់មួកសុវត្ថិភាព
និងបើកបរហួសល្បឿនកំណត់។ ពាក់ព័ន្ធករណីគ្រោះថ្នាក់ចរាចរណ៍ខាងលើនេះដែរ ស្នងការដ្ឋាននគរបាលខេត្តស្ទឹងត្រែងបានសម្រុះសម្រួលចប់១ករណី និងកំពុងស៊ើបអង្កេត២ករណី ដើម្បីចាត់ការតាមនីតិវិធី៕
ចែករំលែកព័តមាននេះ