ចោរកាត់ចម្រឹងបង្អួចចូលផ្ទះលួចគាស់ទូដែក
ខេត្តបាត់ដំបង ៖ ករណីលួចដោយមានស្ថានទម្ងន់ទោស នៅចន្លោះម៉ោង២២និង០០នាទីទៅម៉ោង០៣ទាបភ្លឺ
ខេត្តបាត់ដំបង ៖ ករណីលួចដោយមានស្ថានទម្ងន់ទោស នៅចន្លោះម៉ោង២២និង០០នាទីទៅម៉ោង០៣ទាបភ្លឺ ថ្ងៃទី២០ ខែកញ្ញា ឆ្នាំ២០១៧ ស្ថិតនៅភូមិថ្មគោលជើង ឃុំតាម៉ឺន ស្រុកថ្មគោល ខេត្តបាត់ដំបង មានករណីលួចគាស់ទម្លុះទំលាយចម្រឹងបង្អួចដែក និងទូរដែក ផ្ទះជនរងគ្រោះឈ្មោះ ម៉េង ហ៊ឺ ភេទប្រុស អាយុ៦៣ឆ្នាំ មុខរបរអាជីវករ ដែលជនរងគ្រោះខានស្នាក់នៅរយៈពេល៨ឆ្នាំមកហើយ ទុកឲ្យបងប្អូនជួយមើលថែរក្សា ទៅរស់នៅភ្នំពេញ ។ នៅកន្លែងកើតហេតុ បន្សល់ទុកដែកឆ្កឹះកូនសោចំនួន១ ។ លុះម៉ោង០៨និង០០នាទី ថ្ងៃទី២០ ខែកញ្ញា ឆ្នាំ២០១៧ កម្មករជូតផ្ទះបានចូលមកបោសជូតដូចសព្វដង ទើបដឹងថាមានចោរចូលលួចគាស់ទម្លុះទំលាយ ។ សម្ភារបាត់បង់មាន ថ្មរលូងពណ៌សចំនួន២ដុំប៉ុនក.ដៃ បច្ចុប្បនជំនាញកំពុងធ្វើការស្រាវជ្រាវ ៕
ចែករំលែកព័តមាននេះ