ខឹងប្ដីពូកែលេងល្បែង សម្រេចចិត្តលោតទឹកសម្លា.ប់ខ្លួន
ខេត្តព្រះសីហនុ ៖ ស្ត្រីវ័យក្មេងម្នាក់ ត្រូវក្រុមភ្ញៀវទេសចរជួយសង្គ្រោះបាន
ខេត្តព្រះសីហនុ ៖ ស្ត្រីវ័យក្មេងម្នាក់ ត្រូវក្រុមភ្ញៀវទេសចរជួយសង្គ្រោះបាន
ខេត្តព្រះសីហនុ ៖ ស្ត្រីវ័យក្មេងម្នាក់ ត្រូវក្រុមភ្ញៀវទេសចរជួយសង្គ្រោះបានទាន់ពេលវេលានិងបានបញ្ជូនមកសង្គ្រោះនៅគ្លីនិកឯកជន បន្ទាប់ពីប៉ុនប៉ងលោតទឹកសម្លាប់ខ្លួន កាលពីវេលាម៉ោង១៨និង៣០ល្ងាច ថ្ងៃទី១៩ ខែកញ្ញា ឆ្នាំ២០១៧ នៅចំណុចផែទេសចរណ៍ ស្ថិតក្នុងក្រុមទី១៧ ភូមិ០៤ សង្កាត់លេខ៤ ក្រុងព្រះសីហនុ ។
យោងតាមសាក្សីដែលបានឃើញហេតុការណ៍បានឲ្យដឹងថា នៅវេលាកើតហេតុគេស្ត្រីវ័យក្មេងម្នាក់ បានដើរឡើងមកលើផែឆ្ពោះទៅចុងផែទេសចរណ៍ ហើយបានលោតទម្លាក់ទឹក បន្សល់ទុកកាបូបដៃមួយនៅលើផែ ដោយពុំដឹងមូលហេតុ ភ្លាមនោះក្រុមភ្ញៀវទេសចរ រួមជាបុគ្គលិកទូកទេសចរណ៍បានស្រែកឆោឡោ លោតចុះទឹកទៅជួយសង្គ្រោះភ្លាម ដោយពោងសុវត្ថិភាពនៅលើផែ រួចស្រង់មកលើគោក និងបញ្ជូនមកសង្គ្រោះបន្ទាន់ បានទាន់ពេលវេលា ។
ជុំវិញហេតុការណ៍នេះ លោកវរសេនីយ៍ទោ ប៉ោ វណ្ណរ៉ា នាយការិយាល័យទេសចរណ៍នៃស្នងការដ្ឋាននគរបាលខេត្តបានឲ្យដឹងថា ស្ត្រីវ័យក្មេងដែលបានលោទទឹកសម្លាប់ខ្លួននេះមានឈ្មោះ គិន ស្រីនិច ភេទស្រី អាយុ២០ឆ្នាំ មានស្រុកកំណើតនៅកោះសូទិន ខេត្តកំពង់ចាម មានទីលំនៅសង្កាត់លេខ៤ ក្រុងព្រះសីហនុ ។
ប្រភពដ៏ដែលបានបន្តថា ចំពោះមូលហេតុដែលធ្វើឲ្យនាងសម្លាប់ខ្លួននោះគឺ ខឹងប្តីចូលកាស៊ីណូឃាត់មិនស្តាប់ ព្រោះបើយោងសម្ដីបុរសម្នាក់ជាជនជាតិចិនកាត់ម៉ាឡេ បានអះអាងថា ស្ត្រីរងគ្រោះគឺជាប្រពន្ធរបស់ខ្លួន ដែលបានរស់នៅជាមួយគ្នាជាង២ឆ្នាំមកហើយ នៅមុនកើតហេតុមួយថ្ងៃ ខ្លួនបានឈ្លោះប្រកែកគ្នាជាមួយប្រពន្ធ ដោយសាររូបគាត់ចូលលេងកាស៊ីណូ តែគាត់មិនស្តាប់ ទើបពេលនោះប្រពន្ធគាត់បានប្រាប់ថា ទៅស្រុកកំណើតនៅខេត្តកំពង់ចាម ឯរូបគាត់បានមកលេងកាស៊ីណូជាធម្មតា ដោយស្មានថាប្រពន្ធទៅស្រុកកំណើតមែន រហូតមានគេទូរស័ព្ទប្រាប់ ទើបដឹងថាប្រពន្ធគាត់មកលោតទឹកសម្លាប់បែបនេះសោះ ៕
ចែករំលែកព័តមាននេះ