ត្រូវគេវាយជិតស្លា.ប់ ដោយសារតែសរសេរ Review អាក្រក់ពីហាងគេ
ចិន ៖ តាមប្រភពព័ត៌មាន Shanghaiist បានឲ្យដឹងថា បុរសជាប្តីម្នាក់ ត្រូវបានមនុស្សមួយក្រុមវាយជិតស្លា.ប់
ចិន ៖ តាមប្រភពព័ត៌មាន Shanghaiist បានឲ្យដឹងថា បុរសជាប្តីម្នាក់ ត្រូវបានមនុស្សមួយក្រុមវាយជិតស្លាប់ ដោយសារតែប្រពន្ធសរសេរអាក្រក់នៅលើអនឡាញពីភោជនីយដ្ឋានមួយកន្លែង ។
កាលពីថ្ងៃអង្គារពេលល្ងាច ស្ត្រីម្នាក់ឈ្មោះ Yu និងមិត្តភក្តិជាច្រើននាក់របស់នាង បានទៅជុំគ្នាលេងម៉ាជុង ។ នាងបានបញ្ជាទិញសាច់អាំងពីហាងមួយកន្លែងនៅអនឡាញ ។ នៅពេលដែលហាងមកដល់កន្លែង នាង និងមិត្តភក្តិរបស់នាងមិនពេញចិត្តនឹងរសជាតិរបស់វាសោះ ។
នៅថ្ងៃបន្ទាប់ នាងក៏បានសរសេរ Review អាក្រក់ពីហាងនោះ នៅលើវេបសាយដែលនាងបានបញ្ជាទិញសាច់អាំង ។ គ្រាន់តែសរសេរហើយភ្លាម នឹងបានទទួលទូរស័ព្ទពីមនុស្សមិនស្គាល់អត្តសញ្ញាណម្នាក់ មកសួរនាងរកមុខអ្នកសរសេរ ។ នាងប្រាប់ថា នាងជាអ្នកសរសេរ ។
ស្រាប់តែនៅយប់ថ្ងៃកើតហេតុម៉ោង៨យប់ មានមនុស្ស៨នាក់ មកចូលក្នុងវង់លេងម៉ាជុងរបស់នាង ហើយស្រែកឡូឡាជេរនាង និងមិត្តភក្តិ ។ ប្តីរបស់នាងឃើញដូចនេះ ក៏ហក់ទៅជួយ ។ តែត្រូវបានគេវាយជិតស្លាប់ និងបញ្ជូនទៅមន្ទីរពេទ្យ ។
ប៉ូលិសបានទៅសាកសួរនៅហាងនោះដែរ ហើយម្ចាស់ហាងក៏ទទួលសារភាពថា ខ្លួនពិតជាបានបញ្ជាឲ្យមនុស្សទៅធ្វើបាបប្តីប្រពន្ធពីរនាក់នោះមែន ។ ការស៊ើបអង្កេតកំពុងតែបន្ត ៕
ចែករំលែកព័តមាននេះ