ចេញពីផឹកស៊ីជិះម៉ូតូធ្នាក់អូរបោកក្បាលបាក់កស្លា.ប់
ខេត្តព្រះសីហនុ ៖ បុគ្គលិករោងចក្រញូស្តាជាជនជាតិចិនម្នាក់ ត្រូវបានគេប្រទះឃើញស្លា.ប់នៅក្នុងកូនអូក្បែរផ្លូវជាតិលេខ៤
ខេត្តព្រះសីហនុ ៖ បុគ្គលិករោងចក្រញូស្តាជាជនជាតិចិនម្នាក់ ត្រូវបានគេប្រទះឃើញស្លាប់នៅក្នុងកូនអូក្បែរផ្លូវជាតិលេខ៤ កាលពីវេលាម៉ោង០៩ព្រឹក ថ្ងៃទី១៩ ខែកញ្ញា ឆ្នាំ២០១៧ ហើយត្រូវបានសមត្ថកិច្ចធ្វើការសន្និដ្ឋានថា បណ្តាលមកពីស្រវឹងស្រា ជិះចូលអូដួលបោកក្បាលស្លាប់នៅចន្លោះ២២ទៅម៉ោង២៣យប់ ថ្ងៃទី១៨ ខែកញ្ញា ឆ្នាំ២០១៧ ត្រង់ចំណុចភូមិ០១ សង្កាត់លេខ០១ ក្រុងព្រះសីហនុ (មុខរោងចក្រSCG) ។
យោងតាមប្រភពពីលោកឧត្តមសេនីយ៍ត្រី អ៊ី សុខា ស្នងការរងទទួលផែនសណ្តាប់ធ្នាប់នៃស្នងការដ្ឋានគរបាលខេត្តព្រះសីហនុ បានអោយដឹងថា យោងតាមការបំភ្លឺពីមិត្តភក្តិជនរងគ្រោះបានអះអាងថា ជនរងគ្រោះដែលបានស្លាប់បាត់បង់ជិវិតដោយគ្រោះថ្នាក់ចរាចណ៏នេះ មានឈ្មោះ JIANG XI ភេទប្រុស អាយុ៤៦ឆ្នាំ កាន់លិខិតឆ្លងដែនលេខ EI 6033081 មានមុខរបរជាបុគ្គលិករោងចក្រញូស្តា ។ នៅថ្ងៃកើតហេតុ ជនងគ្រោះរួមជាមួយមិត្តភក្តិបានផឹកស៊ីនៅក្នុងរោងចក្រតាំងពីម៉ោង០៨ព្រឹក រហូតយប់បានបន្តទៅច្រៀងខារ៉ាអូខេក្នុងក្រុង រហូតម៉ោង២២យប់ ជនរងគ្រោះបានសុំមិត្តភក្តិ ជិះម៉ូតូម៉ាកគ្លិក ពណ៏ក្រហមខ្មៅ ពាក់ស្លាកលេខភ្នំពេញ ១AP-២១២៦ មករោងចក្រមុន ហើយក៏បានបាត់ដំណឹងរហូតនៅវេលាម៉ោងជាង១០ព្រឹកទើបដឹងថា មិត្តភក្តិរបស់ខ្លួនបានស្លាប់ដោយគ្រោះថ្នាក់ចរាចរទៅហើយ ។
ក្រោយកើតហេតុ សាកសពត្រូវបានសមត្ថកិច្ចប្រគល់ជូនម្ចាស់រោងចក្រ យកទៅចាត់ចែងបន្ត ឬឯម៉ូតូ សមត្ថកិច្ចដកហូតរក្សាទុកនៅការិយាល័យចរាចរណ៍បណ្តោះអាសន្នសិន ព្រោះម៉ូតូជនរងគ្រោះបានជួលពីកន្លែងជួលម៉ូតូ ៕
ចែករំលែកព័តមាននេះ