កូនស្រីលោក កឹម សុខា បន្តវាយប្រហារអ្នកតំណាងរាស្ត្របក្សប្រឆាំង
រាជធានីភ្នំពេញ ៖ កូនស្រីច្បងលោក កឹម សុខា ប្រធានគណបក្សប្រឆាំងគឺកញ្ញា កឹម មនោវិទ្យា
រាជធានីភ្នំពេញ ៖ កូនស្រីច្បងលោក កឹម សុខា ប្រធានគណបក្សប្រឆាំងគឺកញ្ញា កឹម មនោវិទ្យា បាននឹងកំពុងប្រើប្រាស់បណ្តាយសង្គម Twitter រិះគន់អ្នកតំណាងរាស្ត្រ និងមន្ត្រីមកពីគណបក្សសង្គ្រោះជាតិថាមានការភ័យខ្លាចក្នុងការបង្ហាញខ្លួននៅទីសាធារណៈ ក៏ដូចជារឹតត្បិតក្នុងការបញ្ចេញមតិក្នុងបណ្តាយសង្គម ដោយសារតែភ័យខ្លាច ។
កញ្ញា កឹម មនោវិទ្យា បានរំលេចសារជាលើកដំបូងក្នុងគណនី Twitter របស់នាងកាលពីថ្ងៃទី ១៣ ខែកញ្ញា បង្ហាញការសោកស្តាយដែលមានអ្នកតំណាងរាស្ត្រគណបក្សប្រឆាំងតិចជាង១០រូប បង្ហាញខ្លួនជាសាធារណៈដើម្បីចូលរួមពិធីសាសនាឧទ្ទិសកុសលដល់អ្នកស្លាប់ដោយការគប់គ្រាប់បែកកាលពីឆ្នាំ ១៩៩៧ នៅមុខមន្ទីររដ្ឋសភាចាស់ ។
កញ្ញាបានសរសេរថា៖ “តំណាងរាស្ដ្ររបស់គណបក្សសង្គ្រោះជាតិតិចជាង ១០ នាក់មានភាពក្លាហានដើម្បីបង្ហាញខ្លួន ហើយអ្នកផ្សេងទៀតកំពុងភ័យខ្លាច ហើយជៀសវាងបង្ហាញវត្តមាននៅទីសាធារណៈ។ តើយើងអាចដំណើរការបានដោយរបៀបណា?” ។
ជាថ្មីម្តងទៀត កញ្ញា កឹម មនោវិទ្យា ដែលមានតួនាទីជាអនុប្រធានផ្នែកកិច្ចការសាធារណៈរបស់គណបក្សសង្គ្រោះជាតិបានបន្តសរសេរសារក្នុងគណនី Twitter របស់នាងម្តងនាងនៅថ្ងៃទី១៥ ខែកញ្ញា បង្ហាញការខកចិត្តម្តងទៀតដែលថ្នាក់ដឹកនាំនិងអ្នកតំណាងរាស្ត្រមកពីគណបក្សសង្គ្រោះជាតិដាក់កំហិតដោយខ្លួនឯងក្នុងការប្រើប្រាស់បណ្តាញសង្គម ៕
ចែករំលែកព័តមាននេះ