ប៉ះទង្គិចគ្នាយ៉ាងខ្លាំង ក្រោយការដោះលែងប៉ូលិស
សមាជិកកងកម្លាំងសន្តិសុខ១០នាក់រងរបួសក្នុងការប៉ះទង្គិចគ្នាយ៉ាងខ្លាំងក្លាជាមួយពួកបាតុករនៅ
សហរដ្ឋអាមេរិក ៖ សមាជិកកងកម្លាំងសន្តិសុខ១០នាក់រងរបួសក្នុងការប៉ះទង្គិចគ្នាយ៉ាងខ្លាំងក្លាជាមួយពួកបាតុករនៅទីក្រុង ST LOUIS រដ្ឋមីស៊ូរី ដែលនៅទីនោះបាតុកម្មដោយសន្តិវិធីមួយបានប្រែក្លាយទៅជាអំពើហិង្សាកាលពីព្រឹកថ្ងៃទី១៦ កញ្ញា ក្រោយការដោះលែងឱ្យរួចខ្លួន អតីតប៉ូលិសស្បែកសម្នាក់ ដែលបាញ់សម្លាប់យុវជនស្បែកខ្មៅម្នាក់កាលពីឆ្នាំ២០១១ សង្ស័យជាអ្នកចែកចាយថ្នាំញៀន ។
ការប៉ះទង្គិចគ្នាកើតមាន ខណៈពួកបាតុករចាកចេញពីច្រកចូលតុលាការដែលប្រកាសសាលក្រមលើកលែងការចោទប្រកាន់អតីតប៉ូលិសស្បែកសនេះ ហើយលើកគ្នាទៅកាន់សង្កាត់មួយទៀត ។ ប៉ូលិសបានប្រើឧស្ម័នបង្ហូរទឹកភ្នែក និងបាញ់គ្រាប់កៅស៊ូពេលពួកបាតុករគប់ និងវាយបំបែកកញ្ចក់ ព្រមទាំងវាយប្រហារលើទីតាំងពាណិជ្ជកម្មនានា ហើយគប់ដុំថ្ម និងដបទឹកដាក់ប៉ូលិស ។ ផ្ទះរបស់អភិបាលក្រុង ST LOUIS លោកស្រី LYDA KREWSON ក៏រងការវាយប្រហារដែរ ។ ប៉ូលិសគូសបញ្ជាក់ថា ប៉ូលិស១០នាក់រងរបួស ហើយមនុស្សយ៉ាងតិច២៣នាក់ត្រូវចាប់ខ្លួន ។ ក្រោយអំពើហិង្សាទាំងនេះ ក្រុមតន្ត្រី ROCK U2 បានលុបចោលការប្រគំតន្ត្រីដែលខ្លួនត្រូវធ្វើនៅក្រុង ST LOUIS នាយប់ថ្ងៃទី១៦ កញ្ញា ដោយលើកហេតុផលពីបញ្ហាសន្តិសុខសម្រាប់អ្នកទស្សនា ៕
ចែករំលែកព័តមាននេះ